નોરતામાં ભુજની ‘નમો નવરાત્રી’ ધૂમ મચાવશે કે વિવાદ સર્જશે…?

કચ્છમાં દર વર્ષે કોમર્શીયલ નવરાત્રીના આયોજન અને ખાસ કરીને વિધર્મી કલાકારોને અપાતા સ્ટેજ સામે વિરોધનો સુર ઉઠતો હોય છે. તેવામાં આ વખતે ભુજમાં આયોજીત નમો નવરાત્રીમાં અલવીરા મીરને બોલાવાતા સોસીયલ મિડીયામાં વિરોધની શરૂઆત થઇ છે.

સમગ્ર ગુજરાત અને દેશમાં વિવિધ શહેરોની સાથે કચ્છમાં પણ ગરબાનુ આકર્ષણ હવે વધતુ જાય છે શેરી નવરાત્રી સાથે કચ્છમાં પણ કોમર્શીયલ નવરાત્રીના આયોજનો સતત વધતા જઇ રહ્યા છે. ગત નવરાત્રીએ ભુજના પધ્ધર નજીક આયોજીત શિવાલીકા નવરાત્રીને ભારે વિરોધનો સામનો કરવો પડ્યો હતો. એક તરફ સ્થાનીક લોકોએ વિરોધ કર્યો હતો. તો બીજી તરફ હિન્દુ સંગઠનોએ તેમાં સામેલ કરાયેલા મુસ્લિમ કલાકોરોને જાહેરમાં વિરોધ કરી તેના બહિષ્કારની અપીલ કરી હતી. જો કે આયોજકોએ આ વખતે ભુલ સુધારી છે. અને કોઇ વિધર્મી કલાકાર આ વખતે વિરોધનુ કારણ ન બને તેનુ ધ્યાન આયોજકોએ રાખી વિરોધથી બચ્યુ છે. જો કે ભુજમાં આયોજીત ફ્રી નવરાત્રી સામે આ વખતે વિરોધ શરૂ થાય તેવુ લાગી રહ્યુ છે.શક્તિ-ભક્તિના પર્વ નવરાત્રી દરમ્યાન વ્યવસાયી ગરબીઓના ચોમેર જમાવડા વચ્ચે નિઃશુલ્ક પારંપરિક ગરબીના ક્ષેત્રમાં લોકચાહના ઉભી કરનારી નમો નવરાત્રી આ વખતના નોરતામાં ફરી રંગત જમાવવા તૈયાર છે.અગાઉની જેમ આ વર્ષે પણ ભારતીય સંસ્કૃતિ અને પરંપરાને ઉજાગર કરવા સાથે નમો નવરાત્રી ૨૦૨૬-ની ઉજવણી ભવ્યાતિભવ્ય કરાશે આયોજનમાં આ વર્ષે આશાપુરા સેવા ચેરિટેબલ ટ્રસ્ટ સાથે ભાવેશ લક્કી સેવા સ્મૃતિ ટ્રસ્ટ(ડુમરા),રાજપૂત કરણી સેના ગુજરાત,સ્વ નરેન્દ્રસિહ માધવજી જાડેજા ચેરિટેબલ ટ્રસ્ટ નલિયા,લક્કી ગ્રુપ ભુજ સહિતના લોકો પણ જોડાયા છે.અને સંયુક્ત ઉપક્રમે નમો નવરાત્રીનું આયોજન કરાયુ છે. જેના લોગો અનાવરણ થઇ ગયો છે. અને લોકો મોટી સંખ્યામાં ઉમટે તેવી આશા છે.

કલાકારને લઇને હિન્દુ અગ્રણીઓનો વિરોધ શરૂ…

ગત વર્ષે જે રીતે શિવાલીકા ગ્રુપમાં બે ખ્યાતનામ મુસ્લિમ કલાકારોને લઇને હિન્દુ સંગઠનોએ વિરોધ શરૂ કર્યો હતો. તે ગ્રુપે આ વખતે નવરાત્રીમાં સુધારા કર્યા છે. પરંતુ ભુજમાં આયોજીત થનાર મફત નમો નવરાત્રીના આયોજનને લઇને સોસિયલ મિડીયામાં વિરોધ શરૂ થઇ ગયો છે. કેટલાક જાગૃત નાગરીકોએ સોસીયલ મિડીયામા પોસ્ટ કરી અલવીરા મીરને બોલાવવા અંગે વિરોધ દર્શાવ્યો છે. આ સાથે ગુજરાતની અન્ય વિવાદી નવરાત્રી સામે પણ બાયો ચડાવી છે. જો કે આ વિરોધ સાથે એવો પણ સુર હિન્દુ સંગઠનોમાં જોવા મળી રહ્યો છે. કે આયોજકોમાં મોટા ભાગના વિવિધ હિન્દુ સંગઠનો સંસ્થા સાથે જોડાયેલા છે.તેથી ગત વર્ષે શિવાલીકાનો વિરોધ કરનાર સંગઠનો આ વખતે મૌન રહેશે પરંતુ હાલ ગાયક કલાકાર અલવીરા મીરની એન્ટ્રીને લઇને સોસીયલ મિડીયામાં વિરોધનો સુર પ્રગ્ટ થયો છે. જે આગામી દિવસોમાં વધી પણ શકે છે. ગત વખતે શિવાલિકા ગ્રુપ સામે હિન્દુ આગેવાનો અને રઘુવીરસિંહ જાડેજા સહિતના આગેવાને આવી નવરાત્રિનો ખુલીને વિરોધ કર્યો હતો..તો એક સામજિક ક્ષત્રિય આગેવાને કોમર્શિયલ નવરાત્રિના આયોજન સામે સમગ્ર કચ્છમાં થતી ગરબીનો વિરોધ કર્યો છે…

મોંધવારી વચ્ચે ઉંચી ફી લઇને આયોજીત થતા કચ્છના કોમર્શીયલ ગરબાઓ અને નવરાત્રીમાં બિન હિન્દુ કલાકારોની હાજરી કચ્છમાં વર્ષોથી વિવાદનુ કારણ રહી છે.જો કે સંગઠનોની રજુઆત અને માંગણીઓ બાદ તેમાં ફરેફરો પણ થયા છે.તો કેટલાક આવા વિરોધથી પર રહે છે.પરંતુ આયોજનની ખામીઓ દર વર્ષે વિવાદ ચોક્કસ સર્જે છે.જેમાં આ વખતે નમો નવરાત્રીથી સોસીયલ મિડીયામા વિરોધ શરૂ થયો છે.જો કે હિન્દુ સંગઠનોના અગ્રણીઓ દ્વારા જ આયોજીત આ નવરાત્રીમાં કલાકારને લઇને ઉભો થયેલા વિવાદ કેટલો આગળ જશે તે જોવુ અગત્યનુ રહેશે…