મુંબઈ થી કચ્છ અને કચ્છ થી મુંબઈ વચ્ચે રેગ્યુલર દોડતી ટ્રેનોમાં ટીકીટોનું વેઈટિંગ લિસ્ટ લાંબુ છે. જોકે, પ્રવાસીઓનો ધસારો વધુ છે, એ જોઈને કચ્છની સંસ્થાઓ દ્વારા સતત પશ્ચિમ રેલવે સમક્ષ રજૂઆતો કરાઈ હતી. જેને પગલે હવે દિવાળી થી ક્રિસમસ વેકેશન સુધી મુંબઈ અને કચ્છ વચ્ચે કુલ ૧૮ ટ્રેનો અપ ડાઉન કરશે. આ તમામ ટ્રેનો સુપરફાસ્ટ હશે અને તે બાંદ્રાથી ગાંધીધામ અને ગાંધીધામથી બાંદ્રા વચ્ચે દોડશે. આ સ્પેશ્યલ ટ્રેન મુંબઈ કચ્છ વચ્ચેનું અંતર માત્ર સાડા તેર થી ચૌદ કલાક માજ કાપશે.
જાણો સ્પેશિયલ ટ્રેનની તારીખો અને સમય
બાંદ્રા અને ગાંધીધામ વચ્ચે દોડનારી ટ્રેનોનું રિઝર્વેશન બુકીંગ ૯/૧૦/૧૯ બુધવારથી શરૂ થઈ ગયું છે. આ ટ્રેનોની ડિટેઇલ્સ આ પ્રમાણે છે. આ સ્પેશિયલ સુપર ફાસ્ટ ટ્રેન બાંદ્રાથી ટ્રેન મોડી રાત્રે ૦૦.૨૫ વાગ્યે ઉપડીને ગાંધીધામ બીજે દિવસે બપોરે ૧૩/૫૦ વાગ્યે પહોંચશે. જ્યારે વળતા આ ટ્રેન ગાંધીધામથી સાંજે ૧૬/૩૫ વાગ્યે ઉપડીને બીજે દિવસે સવારે ૬/૧૫ વાગ્યે બાંદ્રા પહોંચશે. બાંદ્રા થી ૯ ટ્રેન ગાંધીધામ માટે દોડશે, જ્યારે રિટર્ન પ્રવાસમાં ગાંધીધામથી ૯ ટ્રેન બાંદ્રા માટે દોડશે. એટલે અપ અને ડાઉન એમ બન્ને મળીને ૧૮ ટ્રેન દોડશે.
બાંદ્રાથી ગાંધીધામ વચ્ચે ટ્રેન નંબર ૦૯૦૪૩ તા/૧૯/૧૦, ૯/૧૧, ૧૬/૧૧, ૨૩/૧૧, ૩૦/૧૧ દરમ્યાન જ્યારે ટ્રેન નંબર ૮૨૯૪૩ બાંદ્રા ગાંધીધામ વચ્ચે તા/ ૨૬/૧૦, ૨/૧૧, ૨૧/૧૨ અને ૨૮/૧૨ દરમ્યાન દોડશે. વળતી ટ્રીપની વાત કરીએ તો ગાંધીધામથી બાંદ્રા વચ્ચે ટ્રેન નંબર ૦૯૦૪૪ તા/૧૯/૧૦, ૨૬/૧૦, ૧૬/૧૧, ૨૩/૧૧, ૩૦/૧૧ દરમ્યાન જ્યારે ટ્રેન નંબર ૮૨૯૪૪ ગાંધીધામ બાંદ્રા વચ્ચે ૨/૧૧, ૯/૧૧, ૨૧/૧૨, ૨૮/૧૨ દરમ્યાન દોડશે.
આ ટ્રેનની અંદર ચા નાસ્તા અને જમવા માટે રેલવેની પેન્ટ્રી કાર હશે. જ્યારે ટ્રેનના કોચ વિશેની વાત કરીએ તો, જનરલ, સ્લીપર કલાસ, એસી ૩ ટાયર અને એસી ટુ ટાયર હશે. આ ટ્રેન બાંદ્રા ગાંધીધામ બાંદ્રા વચ્ચે બોરીવલી, વાપી, સુરત, વડોદરા, આણંદ, નડિયાદ, અમદાવાદ, ધ્રાંગધ્રા, સામખીયાળી અને ભચાઉ સ્ટેશને ઉભી રહેશે.
