માધાપર નજીકના શ્રી રામકાંટા નજીકથી આજે રાત્રે બોલેરો કારમાં બે લોકોના અપહરણો કિસ્સો પોલિસ ચોપડે નોંધાયો છે. અપહ્ત સુરેશભાઇ છોટુલાલ ગેહલોત તથા વિક્રમ પુનરલાલ રોહરા ને આજે બોલેરો કાર તથા કાળા કલરની પ્લસર બાઇકમા કેટલાક અજાણ્યા શખ્સો અપહરણ કરી નાશી છુટ્યાનુ પોલિસના ધ્યાને આવતા પોલિસ દોડતી થઇ હતી. રાત્રે 1.30 વાગ્યે સામે આવેલ બનાવની જાણ થતાજ વિવિધ વિસ્તારોમાં નાકાબંધી સહિત વિવિધ પોલિસ મથકોને એલર્ટ કરી દેવાયા હતા. તો પચ્છિમ કચ્છ લોકલ ક્રાઇમ બ્રાન્ચ પણ તપાસમાં જોડાઇ હતી જેમાં 7 શખ્સોની પોલિસે અટકાયત કરી છે. લોકલ ક્રાઇમ બ્રાન્ચ તથા બી-ડીવીઝન પોલિસે ભારાસર નજીકથી અપહરણકારોના કબ્જામાંથી 2 ભોગ બનનારને છોડાવ્યા બાદ બી-ડીવીઝન પોલિસે અપહરણ મામલે 7 શખ્સોની ધરપકડ કરી છે.
બપોરથી સાંજ સુધી પોલિસને દોડાવ્યા
અપહરણ કારો માધાપરથી અપહરણ કર્યા બાદ બન્નેને કુકમા તરફ લઇ ગયા હતા વિવિધ સર્વેલન્સ સ્ટાફ તથા અન્યની મદદથી તપાસ કરતા અપહરણકારો અંજાર તરફ નાશી ગયાનુ ધ્યાને આવતા પોલિસની એક ટીમ તથા અંજાર પોલિસને પણ એલર્ટ કરી દેવાઇ હતી. જો કે પોલિસ ત્યા પહોંચે તે પહેલાજ પોલિસની સતર્કતાને સમજી અપહરણકારો કાર બદલી ભોગ બનનારને મુન્દ્રા તરફ લઇ ગયા હતા. જો કે મુન્દ્રા પોલિસને પણ જાણ કરી દેવાઇ હતી અને સંકજો વધુ કસાઇ રહ્યો હોવાનુ સમજી ગયેલા અપહરણકારો ભુજ તરફ પાછા નાશી રહ્યા હતા ત્યારેજ લોકલ ક્રાઇમ બ્રાન્ચ તથા બી-ડીવીઝન પોલિસે તેને ભારાસર નજીકથી ઝડપી પાડ્યા હતા. ભોગ બનનાર બન્ને વ્યક્તિઓને છોડાવવા સાથે 4 શખ્સો પોલસની ગીરફ્તનાં આવ્યા બાદ અપહરણમા સામેલ 7 વ્યક્તિઓની બી-ડીવીઝન પોલિસે ધરપકડ કરી વધુ પુછપરછ શરૂ કરી છે.
ભુંડ ચોરાવાની શંકાએ અપહરણ
અજય ગોવિંદ ખોખરા,પ્રવિણ સુંદરલાલ ગેહલોત,દિપક મુકેશ ભીલ,નરેશ વાલજી મકવાણા,કમલ રાજુ નકવાલ,વિનોદ વિક્રમ ચૌહાણ તથા વિનોદ ઉર્ફે દાદુ રામપાલ છપરીબંધ આ તમામ અપહરણકારો ભુજ પાલિકા તથા અન્ય જગ્યાએ છુટક મજુરી કામ કરે છે સાથે ભુંડ પકડવાનુ પણ કામ કરે છે. પોલિસની પ્રાથમીક તપાસમાં ભોગ બનનાર બન્ને ભુંડ ચોરી જતા હોવાની શંકા રાખી તેનુ અપહરણ કરી તેને શબક શીખડાવવા માટેનો પ્લાન તમામે સાથે મળી બનાવ્યો હતો. તેવુ પ્રાથમીક નિવેદનમા પોલિસને જણાવ્યુ છે. જો કે પોલિસે કોવીડ ગાઇડલાઇન મુજબ ટેસ્ટ સહિતની કામગીરી શરૂ કરી વિશેષ પુછપરછ શરૂ કરી છે. પોલિસે બે કાર અને એક બાઇક પણ કબ્જે કરી છે
રાત્રે અપહરણ થયાના સમાચારો બાદ પુર્વ અને પચ્છિમ કચ્છ પોલિસ સતર્ક બની હતી અને અપહરણકારો પણ ભુજ,અંજાર,મુન્દ્રા અને ત્યાર બાદ ભુજ પોલિસને ચક્કર મરાવતા રહ્યા પરંતુ અંતે લોકલ ક્રાઇમ બ્રાન્ચે અપહરણકર્તા પાસેથી અપહ્ત બનેને છોડાવવા સાથે 4 શખ્સોને ઝડપ્યા બાદ પ્લાનમા સામેલ તમામ 7 શખ્સોની ધરપકડ કરી છે ગંભીર કહી શકાય તેવા ગુન્હામાં સતત પચ્છિમ કચ્છ જીલ્લા પોલિસવડા નઝર રાખી રહ્યા હતા.
