કાયદો વ્યવસ્થાની કથળતી સ્થિતી વચ્ચે જાણે પશ્ચિમ કચ્છ પોલીસની માઠી દશા બેઠી હોય તેમ મુખ્યમંત્રીના કાર્યક્રમમાં ગંભીર સુરક્ષા ચુંકનો મામલો સામે આવ્યો છે. જેને લઇને જવાબદારના પુછાણા સહિત પગલા પણ લેવાઇ શકે છે.
પશ્ચિમ કચ્છ પોલીસ હાલ એસએમસીના દરોડો તથા કાયદો વ્યવસ્થાની સ્થિતીને લઇને ચર્ચામાં છે. ખુલ્લેઆમ દારૂ વહેચાણના આક્ષેપો સાથે સ્ટેટ મોનીટરીંગ સેલ દ્વારા તાજેતરમાં કરાયેલી કામગીરીથી સરહદી એવા પશ્ચિમ કચ્છ જીલ્લામાં સુરક્ષા માટે કડક અધિકારીની નિમણુંક સહિતના પ્રશ્નો ઉઠી રહ્યા છે. તેવામાં પશ્ચિમ કચ્છ પોલીસ માથે વધુ એક ધાત આવી છે. કેમકે આ વખતે મામલો ખુદ મુખ્યમંત્રીની સુરક્ષાને લઇને છે. મુખ્યમંત્રી ભુપેન્દ્ર પટેલ કચ્છની બે દિવસની મુલાકાતે છે. આજે તેઓ બાળકોને શાળા પ્રવેશ કરાવી રહ્યા છે. પરંતુ ગઇકાલે શુક્રવારે જ્યારે મુખ્યમંત્રી કચ્છ આવ્યા ત્યાર તેમની સુરક્ષામાં ખામી દર્શાવતા બે મામલાઓ સામે આવ્યા જેની ચર્ચા પશ્ચિમ કચ્છ પોલીસબેડા સહિત ગાંધીનગર સુધી પહોંચી છે. કેમકે મુખ્યમંત્રીની સુરક્ષામાં જો આવી ગંભીર બેદરકારી સામે આવતી હોય તો કચ્છમાં શુ સ્થિતી હશે તે અંગે સૌ કોઇ વિચારતા થઇ ગયા છે. જો કે સુત્રોનુ માનીએ તો અવ્યવસ્થા અને સુરક્ષાના મુદ્દે ખુદ મુખ્યમંત્રી અને કચ્છના એક ચુંટાયેલા જન પ્રતિનીધીએ પશ્ચિમ કચ્છ પોલીસવડાને સુચનો સાથે ઠપકો આપી ચાલુ કાર્યક્રમમાં ટકોર કરી હતી જો કે સુત્રોનુ માનીએ તો આ ગંભીર મામલે ઉચ્ચકક્ષાએથી જવાબદાર પોલીસ અધિકારી કર્મચારી સામે પગલા લેવાઇ શકે છે.
બે ગંભીર બેદરકારીના આ રહ્યા મામલા
શુક્રવારે મુખ્યમંત્રી ભુજ એરપોર્ટ પર ઉતર્યા બાદ ભુજ હમિરસર કાંઠે આયોજીત કચ્છ કાર્નિવલમાં હાજરી આપવા માટે કોન વે સાથે નિકળ્યાજ હતા ત્યા એરપોર્ટ રોડ સહયોગ નગર ચોકડી પાસે પહેલો ગંભીર બેદરકારીનો મામલો સામે આવ્યો મુખ્યમંત્રીના આગમન પહેલા લોકોને કોન વે પસાર થાય ત્યા સુધી લોકોની અવરજવર માટે રસ્તો બંધ કરી દેવાયો હતો પરંતુ મુખ્યમંત્રી મોડા પડતા લોકોની ધીરજ ખુટી હતી અને કોન વે વચ્ચે એક કાર બાઇક સહિતના વાહનો ધુસી ગયા હતા અને મુખ્યમંત્રીના કાફલા સાથે સામાન્ય વાહનો પણ નિકળી પડ્યા પોલીસે મામલો સરખો કરવા પ્રયત્ન કર્યા પરંતુ તે વચ્ચે મોડુ થઇ ગયુ હતુ જો કે એક બદેરકારીથી આગળ વધી મુખ્યમંત્રી હજુ કાર્નિવલ સ્થળે પહોંચે તે પહેલાજ ખેંગારબાગ રોડ પર બીજો મામલો સામે આવ્યો જ્યા ચુસ્ત સુરક્ષા બંદોબસ્ત વચ્ચે એક શ્વાન કોન વે વચ્ચે આવી ગયુ જો કે ઉપસ્થિત નાગરીકો માટે આ કિસ્સો ચર્ચાનુ કેન્દ્ર બન્યુ હતુ. જો કે નિર્દોષ જાનવરનો મામલો તો સમજી સકાય પરંતુ કોન વે વચ્ચે ધુસી આવેલા વાહનોની ગંભીર બેદરકારીની નોંધ ઉપર સુધી લેવાઇ હતી.
અવ્યવસ્થા મુદ્દે મુખ્યમંત્રી સાંસદની ટકોર
જો કે સુરક્ષા ચુક સાથે અવ્યવસ્થાના અનેક મામલાઓ સામે આવ્યા હતા જેની નોંધ લેવાઇ હતી મિડીયા કવરેજ દરમ્યાન અવ્યવસ્થાની ઉઠેલી ફરીયાદ વચ્ચે મુખ્યમંત્રીએ પશ્ચિમ કચ્છ જીલ્લા પોલીસવડાને બોલાવી વ્યવસ્થા અંગે સુચનો કર્યા હતા.તો લોંખડી બંદોબસ્ત વચ્ચે જર્જરીત કૃષ્ણાજી પુલ પર મોટી સંખ્યામાં લોકો એકઠા થઇ જતા ચિંતા ફેલાઇ હતી તો ગંભીર મામલાઓ ઉપરા-ઉપરી બનતા કચ્છના સાંસદ અને કાર્નિવલના આયોજક વિનોદ ચાવડાએ પશ્ચિમ કચ્છ એસપી વિકાસ સુંડાને બોલાવી સુચનો સાથે કેટલીક ગંભીર ટકોર કરી હોવાનુ સામે આવ્યુ હતુ જો કે સીએમ કાર્યક્રમ દરમ્યાન સર્જાયેલા કેટલાક ગંભીર મામલા છેક ગાંધીનગર સુધી પહોંચ્યા છે જે મામલે કાર્યવાહી શક્ય છે.
કચ્છમાં દારૂ જેવી ગેરકાયદેસર પ્રવૃતિઓએ તો માજા મુકી છે. તેના મામલા સતત સામે આવી રહ્યા છે. પરંતુ વી-વીઆઇપી પ્રોટોકોલમાં ગંભીર બેદરકારી સામે આવતા પશ્ચિમ કચ્છ પોલીસ અને તેના જવાબદાર અધિકારીઓ સામે અનેક સવાલો ઉઠી રહ્યા છે. ત્યારે ગંભીર એવા મામલામાં હવે શુ કાર્યવાહી થાય છે તે જોવુ રહ્યુ….
