કચ્છ એ દાતાઓની ભુમી તરીકે ઓળખાય છે. અને એટલે જ ક્યાક પોતાના ખેતરો ગાયના ચરીયાણ માટે ખુલ્લા મુકી દેવા તથા ગો સેવા માટે અનોખો કાર્યના અનેક પ્રેરણાદાયી કિસ્સાઓ સામે આવે છે તે વચ્ચે ચાંદરાણી ગામની ગૌ સેવા સમિતીએ અનોખુ કાર્ય કર્યુ હતુ.
કચ્છમાં ગૌ સેવા માટે કામ કરતી અનેક સંસ્થા, દાતાઓ અને ગામ અનેક પ્રેરણાદાયી કાર્ય કરી ગાયો માટે કાઇક અનોખી સેવા કરે છે. ક્યાક ખેડુતો પોતાના ખેતર ગાયોને ચરવા માટે ખુલ્લા મુકી દે છે તો ક્યાક પશુઓ માટે કરોડોનુ દાન એકઠુ થાય છે. દુકાળ હોય કે અન્ય મુશ્કેલી કચ્છના પશુ ધનને ક્યારેય મુશ્કેલી સર્જાઇ હોય તેવુ બન્યુ નથી ધાર્મીક-સામાજીક સંસ્થાઓના પ્રયાસ તથા ગામમાં કરાયેલા આયોજનથી આજે અનેક ગામોમાં ગાયો માટે કાઇક વિશેષ થઇ રહ્યુ છે. તે વચ્ચે અંજાર તાલુકાના ચાંદરાણી ગામે આજથી અનોખો સેવા યજ્ઞનો પ્રારંભ થયો હતો.ગૌ સેવા સમિતિની આગેવાની હેઠળ ગામની સીમમાં આવેલ 150 એકર ગૌચર જમીન ખેડીને ગાયોના ચરીયાણ માટે ઘાસચારો વાવવાની કામગીરી આરંભાઇ હતી.જેમાં ગામના ગો પ્રેમીઓ,આગેવાનો અને ગામના જવાબદારો જોડાયા હતા રમેશ રાધુ હુંબલ,ધનજી મ્યાજર હુંબલ,રાહુલ શંભુ ખૂંગલા,રવજી ચના હુંબલ,ધનજી સામત હુંબલ,કૃણાલ કાનજી હુંબલ,શંભુ રાધુ હુંબલ,ભરત અરજણ હુંબલ, પ્રવિણ શંભુ મ્યાત્રા ,રવજી તેજ હુંબલ,લાલજી અરજણ હુબલ,કરણા કરશન મ્યાત્રા,અનિલ વલમજી હુંબલ,રમેશ મેમા હુંબલ,સુમિત રવજી હુંબલ,રમેશ જીવા ખુંગલા ધનજી તેજા હુંબલ,રણધીર તેજા હુંબલ,બાબુ માદેવા હુંબલ,રમેશ માદેવા હુંબલ,શામજી કાના મંરડ,રાજેશ અરજણ હુંબલે પોતાના ટ્રેક્ટર લઈને ફ્રી સેવામાં જોડાયા હતા.યુવાનોની આ કામગીરીને ગૌસેવા સમિતિના પ્રમુખ રમેશ રાધુ હુંબલ,ઉપપ્રમુખ નિલેશ હમીર હુંબલ, ધનજી મ્યાજર હુંબલ,રાજેશ સામત હુંબલ,રવજી ચના હુંબલ, રાહુલ શંભુ ખુંગલાએ બિરદાવી હતી.ગ્રામ પંચાયતના સરપંચ ગોવિંદભાઈ રામજી હુંબલ તથા ગામના વડીલો મ્યાજર મેમા હુંબલ, શંકર ભીમા હુંબલ, વાલા મેમા હુંબલ,રવજી ચના હુંબલ ,ગોવિંદ માસ્તરે હાજર રહીને કૃષ્ણ ગૌ સેવા સમિતિ તથા સેવાભાવી યુવાનોને પ્રોત્સાહન પૂરું પાડ્યું હતુ. હજુ કચ્છમાં વરસાદનો રાઉન્ડ બાકી છે. તેવામાં આજે ગોય માટે ઉપયોગી ધાસચારો વાવવાની કામગીરી શરૂ કરાઇ હતી જે ચોમાસા બાદ ગાયો માટે મહામુલી સાબિત થશે કચ્છના અનેક ગામો સ્વખર્ચે ગામની ગાયો માટે આવુ સેવાકીય કાર્ય કરે છે.તેવામાં ચાંદરાણી ગામની ગૌ સેવા સમિતિએ 150 એકર ગૌચર જમીન પર ધાસચારા વાવેતરની કામગીરી પ્રારંભી છે.
ગાયો માટે બારે માસ સેવા કાર્યો
છેલ્લા પાંચ વર્ષથી આ ગૌ સેવા સમિતિની રચના થઈ છે તે દર વર્ષે ગાય માતા માટે ખૂબ મહેનત કરી રહી છે.હાલમાં સાડા ચારસો ગાયોનો નિભાવ આ સમિતી દ્વારા થઈ રહ્યો છે.ગામમાં કોઈનો જન્મ દિવસ હોય કોઈ શુભ કાર્ય હોય જે કોઈ નવું વાહન ખરીદ્યું હોય ગામમાં થતા સમૂહ લગ્ન હોય આ તમામ પ્રસંગોએ ગાય માતા માટે અમૂલ્ય ફાળો લખાવવામાં આવે છે. દરરોજ લગભગ ત્રણથી ચાર લોકો ફાળો લખાવે છે.આ સિવાય ગાય માતા માટે વિશાળ સેડ બનાવવામાં આવેલ છે તથા ઘાસચારો સાચવવા માટે 50 લાખના ખર્ચે ગોડાઉન પણ બનાવવામાં આવ્યુ છે. સમિતીના આગેવાનો જણાવ્યુ હતુ કે વર્ષમાં લગભગ 150 દિવસ તો ગાયોને કોઈને કોઈ વ્યક્તિ દ્વારા નિરણ આપવામાં આવે છે. જેનો એક દિવસનો અંદાજિત ખર્ચ 12 થી 15 હજાર જેટલો થાય છે.આમ ગાયોના કાયમી નિભાવ માટે પણ આવા કાર્યો સતત થાય છે.
કચ્છના અનેક ગામો આવી પ્રેરણાદાયી કાર્ય કરે છે. તેવામાં ચાંદરાણી ગામે પાંચ વર્ષથી ગો સેવાને અભિયાન રૂપે લઇ ગો સેવા માટે અનેક કાર્યો કર્યા છે. આ સાથે ગૌચર જમીન પર ધાસચારાનુ વાવેતર શરૂ કર્યુ છે. જે અનેક લોકો સેવામાં જોડાયા છે.
