ચુંટણી પહેલા કચ્છ કોગ્રેસમાં તેના જુના આગેવાનની સમર્થકો સાથે રી-એન્ટ્રી !

અગાઉ કોગ્રેસમાં અને ત્યાર બાદ ભાજપમાં ગયેલા અગ્રણી કિશોર પીંગોલે પ્રદેશ કોંગ્રેસ પ્રમુખ અમિત ચાવડાની વિશેષ ઉપસ્થિતિમાં કોંગ્રેસ પક્ષ નો ખેસ ધારણ કર્યો પોતાના સમર્થકો અને કાર્યકરો સાથે કોંગ્રેસ પક્ષમાં જોડાવાથી ભાજપમાં ગાબડું પડ્યાનો કોગ્રેસનો દાવો

ગુજરાતમાં ચુંટણી ગમે ત્યારે જાહેર થઇ શકે છે. તે પહેલા રાજકીય પાર્ટીઓએ પોતાનુ કાર્ય શરૂ કરી દીધુ છે. સંગઠનોની રચના સાથે તોડજોડની કામગીરી પણ શરૂ થઇ ગઇ છે. તાજેતરમાં અબડાસા વિસ્તારમાં ભાજપે અનેક કોગ્રેસી આગેવાનો તથા કાર્યક્રરોને ભાજપમાં સમાવવનો દાવો કર્યો હતો.તો ગુજરાત કક્ષાએ પણ અનેક સ્થળે આવા દ્રશ્યો જોવા મળી રહ્યા છે. તે વચ્ચે રાજીવગાંધી ભવન અમદાવાદ ખાતે ગુજરાત પ્રદેશ કોંગ્રેસ પ્રમુખ અમિત ચાવડાની વિશેષ ઉપસ્થિતિમાં કિશોર પીંગોલ તેના કાર્યકરો અને સમર્થકો સાથે કોંગ્રેસ પક્ષમાં વિધીવત રીતે જોડાયા છે. પીંગોલ અખિલ કચ્છ મહેશ્વરી સમાજ તેમજ મુન્દ્રા સ્થિત લુણગધામ સાર્વજનિક ટ્રસ્ટ ના પ્રમુખ,તેમજ શેક્ષણિક સંસ્થાના પ્રમુખ પણ તરીકે કાર્યરત છે.પીંગોલને આવકારતી વેળા એ જીલ્લા કોંગ્રેસના પ્રમુખ વી.કે.હુંબલ પુર્વપ્રમુખ યજુવેન્દ્રસિંહ જાડેજા,નિતેશ લાલણ, ભચુ આરેઠીયા, વિરમ ગઢવી, ભરત ગુપ્તા,નવીન ફફલ,મીઠુ મહેશ્વરી વિગેરે આગેવાનો સાથે જોડાયા હતા.વધુ માં કોગ્રેસ પ્રમુખ હુંબલે જણાવ્યું હતું કે કોંગ્રેસ પક્ષ વિશાળ તેમજ વિચારધારાથી સમર્પિત પાર્ટી છે.કચ્છમાં ભાજપે વારંવાર શિક્ષણ,આરોગ્ય, નર્મદાના નીર,ટ્રાન્સપોર્ટ ઉદ્યોગ,બેરોજગાર યુવાન જેવા કેટલાય પ્રશ્નો સામે કચ્છની જનતાને અન્યાય કર્યો છે.ખેડૂતોને વીજ કંપનીઓ મારફતે હેરાન ગતિ,નારી સુરક્ષા મુદ્દે, કથળતી જતી કાયદો વ્યવસ્થા,ઉચ્ચશિક્ષણ કોલેજો જેવા કેટલાય મુદ્દાઓ ને ધ્યાને લઇ કોંગ્રેસ પક્ષ જનઆશીર્વાદ લઇ સ્થાનિક સ્વરાજ્ય ની ચુંટણી ઓ લડશે તેમજ વિજય થશે તેવો વિશ્વાસ હુંબલે વ્યક્ત કર્યો હતો સાથે જણાવ્યું કે કિશોર પીંગોલના આવાથી આવનારી સ્થાનિક સ્વરાજ્યની ચુંટણીઓમાં કોંગ્રેસ પક્ષ મજબૂતાઈથી લડશે સ્થાનિક સ્વરાજ્યની ચુંટણીઓ પહેલા કચ્છ ભાજપના દિગ્ગજ નેતાઓ ભાજપથી છેડો ફાડી કોંગ્રેસ પક્ષ સાથે જોડાશે તેવો દાવો પણ કોગ્રેસ પ્રમુખ હુંબલે કર્યો છે.કોંગ્રેસ પક્ષ પ્રજાના અવાજ માટે મજબૂતીથી સ્થાનિક સ્વરાજ્ય ની ચુંટણીઓ લડશે તેમજ કચ્છના પ્રાણ પ્રશ્નો માટે કોંગ્રેસ પક્ષ સરકાર સામે મજબૂતી થી લડાઈ કરશે તેવું પ્રવક્તા અંજલી ગોર ની યાદી એ જણાવ્યું હતું. જો કે અગાઉ કિશોર પિંગોલ કોગ્રેસમાંજ હતા પરંતુ થોડા સમય પહેલા તેઓ ભાજપમાં જોડાયા હતા.જેથી ફરી પાછા કોગ્રેસમાં જોડાઇને ઘરવાપસી કરી છે.જો કે અગાઉ વિધાનસભા ચુંટણીમાં હારનો સામનો કરનાર કિશોર પિંગોલ કોગ્રેસમાં જોડાઇ તેને કેટલો ફાયદો કરી શકે છે.તે જોવાનુ અગત્યનુ રહેશે..

ભાજપની અબડાસા-લખપતમાં તોડજોડ

ગુજરાતમાં સ્થાનિક સ્વરાજ્યની ચૂંટણીના પડઘમ ગમે ત્યારે વાગી શકે છે.ત્યારે કચ્છ જિલ્લા ભારતીય જનતા પાર્ટી દ્વારા આગોતરી તૈયારીના ભાગરૂપે જીલ્લા ભાજપ અધ્યક્ષ દેવજી વરચંદ તેમજ જીલ્લાના હોદ્દેદારો દ્વારા જીલ્લા પંચાયત બેઠકો પર પ્રવાસ શરૂ કરી દેવાયા છે. પ્રવાસ દરમ્યાન અબડાસા તાલુકા કોંગ્રેસના આગેવાનો પૈકી અબડાસા કોંગ્રેસ ઉપપ્રમુખ મામદ જુમા સંગાર,અબડાસા કોંગ્રેસ મંત્રી હાજીઅબ્દુલ હાજીહુસૈન સંગાર,રાપર ગઢવાળીના સરપંચ કાદર ઉમર દરાદ સહિત જખૌના કોંગ્રેસી આગેવાન હાજી જુમા વાઘેર,બેરાના સરપંચ અલાના સંગાર અને ઉપ સરપંચ જાફર સુમરા સહિતના ત્રણસો જેટલા કાર્યકર્તાઓ ભારતીય જનતા પાર્ટીમાં જોડાયા હતા.આ ઉપરાંત લખપત તાલુકામાં બેખડા,ચામરા,ચકરાઈ, સનધ્રોવાંઢ,રાવરેશ્વર, સામજીયારો, જુલરાઈ, ફુલરા વગેરે જેટલાં 16 ગામોમાંથી કોંગ્રેસના 200 જેટલા આગેવાનો સાથે અંદાજીત 500 જેટલા કાર્યકર્તાઓ ભાજપમાં જોડાયા હતા.જીલ્લા અધ્યક્ષે લોકલક્ષી યોજનાઓ સાથે લોકો સમક્ષ જવા જોડાયેલા કોગ્રેસીઓને જણાવ્યું હતુ.