ચુંટણી જાહેર થતાજ કચ્છની રાજકીય પાર્ટીઓમાંથી ખાટી-મીઠી અને રસપ્રદ વાતો સાથે ગંભીર ભોપાળાઓ સામે આવી રહ્યા છે.ક્યાક ટીકીટ ન મળતા નારાજગી છે.તો ક્યાક મનગમતાને ટીકીટ ન મળતા કાર્યક્રરો ખફા થયા છે. જો કે આવી રસપ્રદ વાતો મતદારોમાં હાલ આશ્ચર્ય ફેલાવી રહી છે.
રાજ્યની સ્થાનીક સ્વરાજની ચુંટણી જાહેર થઇ ગઇ છે. અને રાજકીય માહોલ બરાબરોનો જામ્યો છે. જો કે દર વખતની ચુંટણી કરતા આ વખતે કચ્છ સહિત અનેક જગ્યાએ કેટલીક બાબતો નવી જોવા મળી ક્યાક કાર્યક્રરોએ પાર્ટી સામેજ બાયો ચડાવી તો ક્યાક પાર્ટીથી નારાજ કાર્યક્રરોએ પોતાનો બળાપો જાહેર રીતે વ્યક્ત કર્યો ત્યારે કચ્છમાં પણ ઉમદેવારો જાહેર થયા તે પહેલા અને તે પછી કેટલીક રસપ્રદ રાજકીય વાતો મતદારો અને રાજકીય પાર્ટીઓમાં ચર્ચાનુ કેન્દ્ર બની છે. હવે તેમાં કેટલુ સાચુ કેટલુ ખોટુ તે તો ન કહી શકાય પરંતુ મતદારો અને રાજકીય પાર્ટીઓમાં આ ભોપાળાની લોકો મજા લઇ રહ્યા છે. જો કે માત્ર ભાજપ જ નહી કોગ્રેસમાં પણ કેટલાક રસપ્રદ કિસ્સાઓ સામે આવ્યા છે. જે જોઇ મતદારો અને સામાન્ય લોકો માથુ ખંજવાળી રહ્યા છે. ક્યાક બિનહરીફ બેઠકોની ચર્ચા છે તો ક્યાક પાર્ટીથી નારાજ કાર્યક્રરોની મનની જાહેર વાતો ચર્ચાનુ કેન્દ્ર બની છે. ત્યારે આવો જાણીએ કેટલીક રસપ્રદ ચર્ચાતી સામે આવેલી વાતો….
ભુજ પાલિકામાં ભાજપના મોટા ભવાળા !
અનેક સમસ્યા પાર્ટીની રણનીતી જ્ઞાતી સમીકરણ સાથે અનેક બાબતોને ધ્યાને રાખી ગત ટર્મના અનેક ઉમેદવારો આ વખતે ભાજપમાં કપાયા જેને લઇને તો આંતરીક અસંતોષ કાર્યક્રરોમાં છેજ પરંતુ મોટો ભવાળો ત્યારે સામે આવ્યો જ્યારે ભાજપે વોર્ડ નંબર પાંચમાં અનામત બેઠક પર મહેશ હંસરાજ વાંળદનુ નામ જાહેર કરી દીધુ પરંતુ બાદમાં સામે આવ્યુ કે તે ઉમેદવારી માટે લાયક જ નથી આટલી સેન્સ પ્રક્રિયા વચ્ચે ક્યારેય કોઇએ નામ ન સાંભળ્યુ હોય તેવા જાહેર થયેલા ઉમેદવાર મહેશ હંસરાજ વાળંદના નામથી ભાજપમાં ભારે રમુજ ફેલાઇ..જો કે બાદમાં ભાજપે એ બેઠક પર ઉમેદવાર બદલ્યો જો કે નવા જાહેર થયેલા ઉમેદવારને લઇને પણ આંતરીક વાતો શરૂ થઇ છે.કેમકે અનામત બેઠક પર ઉભા રખાયેલા ઉમેદવારના સ્થાને રાજપુત સમાજના પ્રમુખ હિરેન રાઠોડને ટીકીટ ફાળવાતા પણ ગણગણાટ શરૂ થયો છે.કે અનામત બેઠક પર સામાન્ય ઉમેદવારને ટીકીટ કેમ મળી? તો ઓબીસી સર્ટીફીકેટની વિશ્વનીયતા સામે પણ પાર્ટીના કાર્યક્રરોમાં ચર્ચાએ જોર પકડ્યુ છે.કેટલાક આગેવાનોએ તો દાવો કર્યો કે જો તંત્ર આ મામલે ઉંડી તપાસ કરે તો મોટો ભોપાળો સામે આવે તેમ છે. હવે જોવાનુ રહ્યુ કે આ મામલે આગળ શુ થાય છે. શક્ય છે. કે આ મામલે ઉચ્ચકક્ષાએ ફરીયાદ થઇ શકે
ભાજપના કાર્યક્રરે પ્રશ્ન મુક્યો ટીકીટી કેટલામાં વહેચાઇ?
આમતો વોર્ડમાં ઉમેદવારોની થયેલી અદલા બદલીથી લઇ કેટલાક ચહેરાઓ કાપી સમાવાયેલા ઉમેદવારોને લઇને આંતરીક અનેક વિખવાદો શરૂ થયા છે.પરંતુ તે ખુલ્લીને બહાર આવ્યા નથી પરંતુ જે રીતે વોર્ડ નંબર પાંચમાં ભોપાળા સામે આવ્યા તે રીતે પાર્ટીમાં સક્રિય ન હોય તેવા ઉમેદવારને ટીકીટને લઇને પણ ભાજપમાં વિખવાદ શરૂ થયો છે.વોર્ડ નંબર 10માં હિરેન ભાનુ ઠક્કરને ટીકીટ મળતા આંતરીક ભાજપમાં અનેક ડખ્ખા થયા છે.એક કાર્યક્રરે તો સોસીયલ મિડીયામાં ભાજપના આગેવાનોને સીધો પ્રશ્ન પુછી નાંખ્યો કે ટીકીટ કેટલામાં વહેંચાઇ? સાથે કાર્યક્રરે સવાલ પણ ઉઠાવ્યો કે વોર્ડમાં ન રહેલા ઉમેદવારને ટીકીટ આપી ભાજપે તે વોર્ડના કાર્યક્રરોની મહેનત પર પાણી ઢોળ કર્યુ છે.આવી નારાજગી અનેક વોર્ડમાં છે. જો કે અંતે ધીના ઠામમાં ધી પડી જાય તેવી શક્યતા હાલ તો દેખાઇ રહી છે.
કોગ્રેસ માટે સર્જાઇ પ્રથમ ગ્રાક્ષે મક્ષીકા
કોગ્રેસે અનુભવી અને પીઢ અગ્રણી એવા વિ.કેને પ્રમુખ બનાવતા કાર્યક્રરોમાં નવો સંચાર થયો હતો. પરંતુ ચુંટણી જાહેર થયા બાદ કોગ્રેસમાં સર્જાયેલી સ્થિતી અંગેની વાતો પણ સામે આવી રહી છે. અનેક એવી બેઠકો હતી. જ્યા કોગ્રેસને પુરતા ઉમેદવારો પણ ન મળ્યા અને કોગ્રેસ પ્રમુખની મોટીમોટી વાતો વચ્ચે ભાજપ કેટલીક બેઠકો બિનહરીફ કરવામાં સફળ રહ્યુ જેમાં ભુજમાં પાંચ,માંડવી પંચાયતની એક અંજાર પાલિકાની બે બેઠકો ભાજપ બિનહરીફ કરાવી ગયુ જો કે તેના કરતા નવાઇની વાત એ છે. કે અનેક બેઠકો પર છેલ્લી ધડીએ ઉમેદવારો માંડ ઉભા રહેવા માટે તૈયાર થતા કોગ્રેસની સ્થિતી થોડીક સારી બની જો કે હજુ ફોર્મ પરત ખેંચાય તે પહેલા પણ કોગ્રેસને કેટલાક આંચકાઓ મળી શકે તેવો સુર ખુદ પાર્ટીમાં ઉઠી રહ્યો છે.
અને શરૂ થયો રાજીનામા અને નારજગીનો દોર
ચુંટણી પહેલા અને ચુંટણી પછી ભાજપ કોગ્રેસમાં અનેક નેતાઓની નારાજગી બહાર આવી છે નિરોણાના ભાજપના સક્રિય હોદ્દેદારે રાજીનામુ આપ્યા બાદ નામો જાહેર થયા બાદ પણ આ દોર શરૂ રહ્યો છે. સુમરાસર સીટમાં ટીકીટની માંગણી બાદ અન્ય ઉમેદવારને ટીકીટ ફાળવાતા કચ્છ જીલ્લા ભાજપ અનુસુચિત જાતી મોરચાના મહામંત્રી શામજી કરશન વાણીયાએ રાજીનામુ આપવા સાથે પાર્ટીના અગ્રણીઓ પ્રત્યે નારજગી વ્યક્ત કરી છે. તો મુન્દ્રામાં લોહાણા સમાજમાં પણ ભાજપમાં ટીકીટ ફાળવણીને લઇને તેના સમાજને અન્યાય થયો હોવાનો બળાપો સામે આવ્યો છે. તો કોગ્રેસમાં મુન્દ્રાના અગ્રણી સોસીયલ મિડીયામાં તેનુ રાજીનામુ ધરી પાર્ટીમાં 23 વર્ષથી કાર્ય કરતા હોવાનો ઉલ્લેખ કરી પોતાની નારાજગી વ્યક્ત કરી છે.તો માંડવીમાં ભાજપના મહિલા અગ્રણીનો ઓડીયો વાયરલ થયો છે. જેમાં તેને બે ઉમેદવારો ઉભા રાખ્યા હોવાનો દાવો તેના દ્વારા કરાયો છે. જે વાયરલ થઇ રહ્યો છે.તો કચ્છ ભાજપ મહામંત્રી ભીમજી જોધાણીની ભુમીકા સામે સવાલો ઉઠાવતો ઓડીયો પણ વાયરલ થયો છે.તો નખત્રાણા કોગ્રેસમાં ટીકીટ વહેંચણીમાં મોટા વહીવટનો આક્ષેપ થયો છે. અને મહિલા કોગ્રેસે નારાજગી વ્યક્ત કરી રાજીનામુ ધર્યુ છે.
જો કે આવી એક નહી અનેક બાબત સામે આવી છે. એકજ પરિવારમાંથી ગાંધીધામમાં ત્રણ સભ્યોને ભાજપે ટીકીટ આપતા નારજગી સામે આવી હતી. તો કોગ્રેસમાં પણ ગાંધીધામમાં તેના આગેવાન ભરત ગુપ્તાથી નારાજ કાર્યક્રરોનો વિડીયો વાયરલ થયો છે. આમ ચુંટણી શરૂ થતા જ રાજકીય પાર્ટીઓના ભોપાળા સામે આવ્યા છે જેની ચર્ચા સામાન્ય લોકોથી લઇ પાર્ટીમાં આંતરીક ભારે ગરમાવો સાથે આશ્ચર્ય સર્જી રહી છે જો કે નારાજગી અને જુથ્થવાદ પછી પરિણામો પર સૌની નજર છે.જો કે આવા વિવાદાસ્પદ મામલે પાર્ટીના ઉચ્ચ અધિકારીઓ શુ કાર્યવાહી કરે છે તેના પર સૌની નજર રહેશે
