શહેર ભાજપ પ્રમુખે ખુલ્લા મંચ પર પોતાની નારાજગી વ્યક્ત કરતા હવે પાયાના કાર્યક્રરોમાં ગણગણાટ શરૂ થયો છે. કે પોટ્રોકોલની વાત કરતા શહેર પ્રમુખ પોતે અલગજ ઓરામાં ફરી અલગ જ માહોલ ઉભો કરી રહ્યા છે. જો કે શિસ્તબંધ પાર્ટીમાં આ નારાજગી ચુંટણી પછી ખુલ્લીને ફરીયાદ સ્વરૂપે ઉચ્ચકક્ષાએ પહોંચી શકે છે.
રાજકારણમાં આંતરીક અસંતોષ જુથ્થવાદ અને નારાજગી એ કોઇ નવી વાત નથી. શિસ્તબંધ પાર્ટી હોય કે અન્ય પક્ષ આવી બાબતો ક્યાક ખુલ્લીને તો ક્યાક ગણગણાટ સ્વરૂપે સામે આવીજ જાય છે. હાલ જ્યારે રાજ્યની સાથે કચ્છમાં સ્થાનીક સ્વરાજની ચુંટણીનો ધમધમાટ છે.તેવામાં રાજકીય પાર્ટીઓમાં કાર્યક્રરોનો બળાપો અને નારાજગી સામે આવી રહી છે.ટીકીટ ફાળવણી સાથે જ પાર્ટીઓમાં ક્યાક કપાઇ જવાથી તો ક્યાક કોઇએ કાપી નાંખ્યાનો ભાવ પ્રગ્ટ થઇ રહ્યો છે.કકળાટ આમતો કોગ્રેસમાં પણ ભારે છે.પરંતુ ચર્ચા સત્તાપક્ષની વધુ હોય તે સ્વાભાવીક છે. તેવામાં નનામાં પત્ર,ટીકીટ ફાળવણીમાં પાર્ટીની ગાઇડલાઇન સાથે જુથ્થવાદે ભજવેલી ભુમીકા હાલ રાજકારણમાં ચર્ચાનુ કેન્દ્ર બની છે.માંડવીમાં જે રીતે આયાતી ઉમેદવારોને ટીકીટ ફાળવણીથી સ્થાનીક વોર્ડમાં આંતરીક અસંતોષ છે.તેવોજ બળાપો ભુજમાં પણ જોવા મળી રહ્યો છે.જો કે બધામાં સૌથી વધુ ચર્ચાનુ કેન્દ્ર બન્યા છે.ભુજ શહેર ભાજપ પ્રમુખ આમતો ચુંટણી પહેલાથી તેની કાર્યપધ્ધતિ અને અન્ય કેટલીક બાબતોને લઇને તે ચર્ચામાંજ હતા પરંતુ તાજેતરમાં ચુંટણી અને ભુજમાં આયોજીત એક કાર્યક્રમમાં તેના નિવેદનથી તે વધુ ચર્ચામાં આવ્યા છે.શિસ્તબંધ પાર્ટીમાં કોઇ ખુલ્લીને ન બોલે તે સ્વાભાવીક છે.પરંતુ ભુજ વોર્ડ નંબર આઠમાં આયોજીત એક સભામાં સિનીયર આગેવાનોની હાજરીમાં પ્રોટોકોલ ભંગ અંગે તેને આપેલા ચર્ચાસ્પદ નિવેદન પછી તે પોતે ચર્ચાનુ કેન્દ્ર બની ગયા છે.તે સાથેજ તેના કામથી નારાજ કાર્યક્રરોનો બળાપો ગણગણાટ સ્વરૂપે હવે સામાન્ય નાગરીકો સુધી પહોચ્યો છે.
ભુજ શહેર ભાજપ પ્રમુખના નિવેદન પછી ગણગણાટ…
ભુજના એક કાર્યક્રમ દરમ્યાન ભુજ શહેર ભાજપ પ્રમુખ મીત ઠક્કરને જ્યારે સંબોધનનો મોકો મળ્યો ત્યારે તેને શરૂઆતમાંજ તેના પહેલા કેટલાક લોકોને બોલવાનો મોકો આપી દેવાતા જાહેર મંચ પરથી પોતાનો બહાળો કાઢ્યો અને પ્રોટોકોલ ભંગ થયો હોવાનુ કહી દીધુ જો કે ઉંમર,આવળત અને હોદ્દામાં નાના એવા નેતાજીના નિવેદન સાથે જ ત્યા ઉપસ્થિત સીનીયર આગેવાનો પણ ચોંકી ગયા જો કે આ નિવેદનથી કોઇ વિવાદ તો ન સર્જાયો અને તેના બાદ અન્ય વોર્ડમાં કાર્યાલય ઉદ્દધાટનનો લાભ પણ શહેર ભાજપ પ્રમુખને સિનીયીર આગેવાનોની હાજરીમાં મળ્યો પરંતુ જાહેરમાં આવી વાત ખુદ પ્રમુખે કરતા પાર્ટી અને શહેર ભાજપ પ્રમુખની કામગીરી સામે આ નિવેદન બાદથી ગણગણાટ વધી ગયો અને તેનાથી નારજ કાર્યક્રરોની વાત હવે બહાર આવવા લાગી..
ભુજમાં પણ 18 પેરાસુટ ઉમેદવારો મેદાને
જે રીતે માંડવી નગરપાલિકામાં આંતરીક નારાજગી સાથે પેરાસુટ ઉમેદવારોનો મુદ્દો ચર્ચામાં છે તેવીજ રીતે ભુજમાં પણ સ્થિતી એવીજ સર્જાઇ છે. કેમકે માંડવીમાં 16 પેરાસુટ ઉમેદવારો પાર્ટીએ ઉભા રાખ્યા છે. તેવી રીતે ભુજમાં 18 ઉમેદવારો બારાતુ હોવાની માહિતી સામે આવી છે. જેના કારણે પાર્ટીના કાર્યક્રરોમાં પણ નારજગી સાથે ચર્ચા છે કે શુ 30 વર્ષ પછીના સાશનમાં પાર્ટીને સ્થાનીક વોર્ડમાં સક્ષમ ઉમેદવારો નથી મળ્યા? તો કેટલાક સક્રિય કાર્યક્રર ન હોય કે સભ્ય પણ ન હોય તેવા લોકોને ટીકીટ અપાઇ હોવાની નારાજગી કાર્યક્રરોમાં જોવા મળી રહી છે. આ તમામ બાબતોમાં શહેરની ટીમની જવાબદારી મહત્વની હોય છે. પરંતુ હાલ તેની કામગીરીથી ભાજપમાં ભારભાર નારજગી હોવાનો ગણગણાટ છે. પરંતુ શિસ્ત્રને વરેલા કાર્યક્રરો આ મામલે ખુલ્લીને કઇ બોલતા નથી.
માન મેળવવામાં વ્યસ્ત પ્રમુખ સામે નારાજગીનો સુર..
જે રીતે કાર્યક્રમ દરમ્યાન પ્રોટોકોલ ન જળવાયો હોવાનો બળાપો શહેર ભાજપ પ્રમુખ મીત ઠક્કરે બહાર કાઢ્યો એના પછી અનેક વાતો પાર્ટીમાં આંતરીક ચર્ચાઇ રહી છે.જેમાં પ્રમુખ માન મેળવવામાં વ્યસ્ત હોવાનો સુર વ્યક્ત કરાયો છે જેમાં સ્થાનીક પ્રચાર ચિત્રમાં તેના ફોટા અને માન-પાનની અપેક્ષાનો ગણગણાટ છે.તો કેટલાક ઉમેદવારોનુ પત્તુ કાપી અને કેટલાક માનીતાને ટીકીટ આપવામાં તેની ભુમીકા સામે પણ સવાલો ઉઠાવાઇ રહ્યા છે.તો પાર્ટીમાં સિનીયર નેતાઓને કાર્યક્રમમાં લઇ આવવાના લાઇઝનીંગથી લઇ અન્ય લોકોને જવાબદારી આપવામાં યોગ્યતા ન જળવાતી હોવાની કાર્યક્રરો સિનીયર નેતાઓને ફરીયાદ કરી રહ્યા છે.આવી અનેક ફરીયાદો શહેર ભાજપની કાર્ય પધ્ધતિ સામે છે જે ચુંટણી પછી ઉચ્ચ કક્ષાએ પહોંચે તો પણ નવાઇ નહી…જો કે શહેર પ્રમુખ જ નહી પરંતુ પાર્ટીએ કેટલાકને કાપી અને કેટલાકને આપેલી ટીકીટથી પણ કાર્યક્રરોમાં ભારે નારજગી છે.અને કેટલાય લોકો હાલ ચુંટણી સમયમાં આવી નારાજગીથી નિષ્ક્રિય થઇ ગયા છે.
ક્યારેય ન બન્યુ હોય તેવુ થઇ રહ્યુ છે……
અન્ય રાજકીય પાર્ટીઓમાં ભાંગરા વટાય તે માની શકાય તેમ છે પરંતુ ભાજપમાં આવી ભુલો થાય તેવુ કાર્યક્રરો માનવા તૈયાર નથી જે રીતે ભુજ વોર્ડ નંબર પાંચમાં અનામત બેઠક પર પહેલા 3 સંતાનો ધરાવતા ઉમેદવારનુ નામ આગળ કરાયુ અને ત્યાર બાદ ઇચ્છિત ઉમેદવારો માટે જે અંદરખાને ખેલ થયા તેનાથી પાર્ટીના સિનીયર નેતાઓ નારાજ છે.પરંતુ તેનાથી પણ વધુ નિચેના કાર્યક્રરોમાં નારાજગી સાથે અનેક ગણગણાટ છે. કે આવા ઉમેદવાર માટે શહેર ભાજપ પ્રમુખે આટલી મહેનત કેમ કરી તે તપાસ માંગી લે તેવો વિષય છે.જો કે ભુજમાં આવા અનેક ઉમેદવારો છે. જે સક્રિય ન હોવા છંતા તેને લાવવામાં શહેર પ્રમુખ અને તેના નજીકના સક્રિય કાર્યક્રરોએ ભારે પ્રયાસો કર્યા…જેનાથી નારાજ સક્રિય કાર્યક્રરો અને આગેવાનોની સંખ્યા વધી છે. જો કે ચુંટણી સમયે રાજકીય પાર્ટીઓમાં આવી નારજગી અને મનામણા ચાલ્યા કરે છે.
જનસંધથી લઇ પાર્ટી માટે વર્ષોથી સેવા કરનાર અનેક કાર્યક્રરોની ઉપેક્ષા છંતા પાર્ટીને વરેલા લોકો હાલ ચુંટણી પ્રચારમાં વ્યસ્ત છે. તો કેટલાક ઘર પકડી બેસી ગયા છે.પરંતુ પાર્ટીના હિતમાં ભુજ શહેરમાં ચાલતી લાલિયાવાડી સામે ખુલ્લીને બોલતા નથી. પરંતુ જે રીતે પ્રોટોકોલ ભંગ થતા શહેર ભાજપ પ્રમુખે નારાજગી વ્યક્ત કરી તે રીતે ચુંટણી પછી તેની સામેની નારાજગી પણ ખુલ્લીને સામે આવે તો નવાઇ નહી. જો કે મુદ્દા અનેક છે.પરંતુ સિનીયર નેતાઓ સાથે ધરોબો ધરાવતા અને કેટલાક મામલા પાર્ટીના આંતરીક હોવાનુ માનતા કાર્યક્રરો હાલ મનની મનમાં રાખી બેઠા છે. પરંતુ ચુંટણી પછી વિસ્ફોટ થાય તેવી શક્યતા રાજકીય સુત્રો વ્યક્ત કરી રહ્યા છે.
