ચુંટણીના અંતિમ પડાવમાં રાજકીય પાર્ટીઓની ચર્ચાતી વાતો બની ચર્ચાનુ કેન્દ્ર….

વાજતે ગાજતે ચુંટણી પ્રચાર બંધ થઇ ગયો છે. અને હવે રાજકીય પાર્ટીઓ ગુપ્ત બેઠકો સાથે પોકેટ મીટીંગો કરી અંતિમ ધડીના ચુંટણી પ્રચારમાં વ્યસ્ત છે.જો કે ચુંટણી જાહેર થઇ ત્યારથી કરી અત્યાર સુધી રાજકીય પાર્ટીઓ અને લોકોમાં ધણી એવી બાબતો છે જે ચર્ચાનુ કેન્દ્ર બની છે. અને ચુંટણીમાં ચોરો અને ચોટે તેની ચર્ચા છે. ભાજપ હોય કે કોગ્રેસ ઉમેદવારો જાહેર કરવાથી લઇ અને ચુંટણી પ્રચાર સુધી ચુંટણી સમયે બનેલી કેટલીક રસપ્રદ ધટનાઓએ ચુંટણીને વધુ રસપ્રદ બનાવી છે. ત્યારે આવો જાણીએ આવી જ કેટલીક ચર્ચાઓ વિષે…

-માંડવી ભુજ પાલિકામાં આ વખતે જોવા જેવી થઇ છે.અને ભાજપને અનેક વોર્ડમાં ન રહેતા હોય તેવા ઉમેદવારને ચુંટણી મેદાનમાં ઉતારવા પડ્યા છે.જેને કારણે આંતરીક અસંતોષ તો ઉભો થયો છે જ છે. પરંતુ હવે મજબુત ઉમેદવારને પેનલ ટુ પેનલ જીત માટે સંધર્ષ કરવો પડી રહ્યો છે. અને ક્યાક સ્થિતી એવી ઉભી થઇ છે. કે આ બેઠકના પરિણામો ધાર્યા મુજબના ન પણ આવે.તેવો ગણગણાટ છે.

-વોર્ડ નંબર પાંચના ભાજપના ઉમેદવાર હિરેન રાઠેડે આખા ભાજપને ધંધે લગાડ્યુ છે.પહેલા તેની ઉમેદવાર કેટેગરીને લઇને પ્રશ્નો ઉઠ્યા જે મામલે હજુ ચર્ચામાં છે.અને ફરીયાદો સાથે કાયદાકીય લડત માટેની તૈયારીઓ શરૂ છે. તેવામાં તે જે વોર્ડમાંથી ઉભો છે.તેના કરતા અન્ય વોર્ડમાં તેની વધુ હાજરીની ચર્ચા છે.જેને કારણે એ વોર્ડના અન્ય ઉમેદવારો ચિંતામાં મુકાણા છે.કોઇ સમર્થક વગર ઉમેદવારની ઓછી હાજરી વચ્ચે તેના માટે હવે અન્ય સાથી ઉમેદવારો મેદાને ઉતર્યા છે.વાતાવરણ ઉભુ કરવા માટે ભાજપના જુના જોગી આ વિસ્તારમાં ચુંટણી પ્રચારમાં જોડાયા હતા.

-અંતે ભુજ શહેર ભાજપ પ્રમુખ મીત ઠક્કરની વર્તણુક અને તેની સામેની નારજગી સ્થાનીક ભાજપના નેતાઓ સાથે પ્રદેશ કક્ષાએ પહોંચી હોવાની ચર્ચા ભાજપમાં થઇ રહી છે.કેટલાક ઉમેદવારોને ઉભા રાખવામાં તેની ભુમીકાથી લઇ કાર્યક્રરો અને સંગઠનમાં યોગ્ય સંકલન ન થતુ હોવાની ફરીયાદ જીલ્લા ભાજપના પ્રમુખથી લઇ પ્રદેશમાં કરી તેની સામે યોગ્ય કાર્યવાહીની માંગ કરાઇ છે. જો કે ચુંટણી સુધી તેમાં કાઇ થાય તેમ નથી પરંતુ ચુંટણી પછી આ ફરીયાદના પડધા પડે તો નવાઇ નહી..

-કોગ્રેસ પ્રમુખના નબળા નેતૃત્વ સામે પાર્ટીમાંજ સવાલો ઉઠી રહ્યા છે. નખત્રાણામાં થયેલા વિવાદની વાત હોય કે પછી ચોક્કસ બેઠકો સિવાય કોગ્રેસની ઓછી મહેનત સિવાયના અનેક મુદ્દાઓનો ગણગણાટ કાર્યક્રરોમાં છે.તે વચ્ચે સુખપર અને દહિંસરા બેઠકમાં માધાપરના પિતા-પુત્રીને ટીકીટ આપવાનો મુદ્દો પર પાર્ટીમાં ચર્ચામાં છે માધાપરના વિધાનસભા હારી ગયેલા અરજણ ભુડિયાને જીલ્લા પંચાયત સુખપર તથા તેનીજ પુત્રિને દહિંસરા તાલુકા પંચાયતમાં કોગ્રેસે ટીકીટ આપી છે. તો ભુજમાં પણ શહેર કોગ્રેસ પ્રમુખને પોતાના વોર્ડ સિવાયના વિસ્તારમાં મેદાને ઉતારવુ પડ્યુ છે.

-ભુજ નગરપાલિકામાં ભાજપને અનેક બેઠકોમાં ધાર્યા મુજબના પરિણામો ન આવવાની ચર્ચા હાલ છે. કેમકે સક્રિય આગેવાનો નિષ્ક્રિય થઇ જવા સાથે છેલ્લી ધડીએ કાઇ નવાજુની અંદરખાને કરે તેવી ઉમેદવારોથી લઇ પાર્ટીના સિનીયર આગેવાનોને લાગી રહ્યુ છે.જો કે પાર્ટીએ છેલ્લી ધડીએ સ્થિતી સુધારવા માટે પ્રયત્નો કર્યા છે.પરંતુ અનેક બેઠકો પર સનિયર આગેવાનોની ઓછી સક્રિયતાનો મુદ્દો હાલ ભાજપમાં ચર્ચા છે.

-ચુંટણી સમયે રાજકીય પાર્ટીઓમાં આયારામ ગયારામની સ્થિતી સર્જાતી હોય છે. ચાલુ ચુંટણીમાં પણ આવી અનેક જગ્યાએ કોઇએ પંજાનો હાથ પકડ્યો તો કોઇએ કમળ પકડી લીધુ જો કે ભુજમાં ભાજપે અતી ઉત્સાહમાં જેના ઇતિહાસ ખરડાયેલા છે. તેને પાર્ટીમાં સમાવી તો લીધા પરંતુ તેનો પ્રચાર ભાજપ માટે જ ઉંધો પડ્યો વોર્ડ નંબર 2માં ગંભીર ગુન્હાઓમાં જેની સંડોવણી છે. તેવા અબ્દુલ કાસમ બજાણીયાને સમાવ્યો સાથે તેની સત્તાવાર પ્રચાર કરતી યાદી પણ પ્રસિધ્ધ કરી

-વિથોણમાં ભાજપની સભામાં અબડાસા ધારાસભ્યને ખરી ખોટી સાંભળવી પડી ચુંટણી પ્રચાર દરમ્યાન ભાજપનુ ગઢ ગણાતા વિસ્તારમાં વિકાસના ધજાગરા ઉડ્યા હતા.સ્થાનીક આગેવાનોએ ધારાસભ્યને રોકડુ પકડાવી વિકાસના ખોટા બણગા ન ફુક્કો તેવુ કહી દેતા સભામાં હોબાળો થયો હતો. સોસીયલ મિડીયામાં આ વિડીયો ભારે વાયરલ થઇ રહ્યો છે.આ વિસ્તારમાં મુખ્યમંત્રીના પ્રચાર છંતા લખપત સહિત અનેક વિસ્તારોમાં ભાજપ માટે કપરા ચઢાણ બેઠકો જીતવા સાબિત થશે

-ભુજ સહિત પાલિકા અને પંચાયતમાં ભાજપ પોતાનુ સાશન તો જાળવી રાખશે અને તેથીજ જીતની સાથે ઉમેદવારો હોદ્દાની ગણતરીએ જીતના સમિકરણો ગોઠવી રહ્યા છે. ખાસ કરીને ભુજમાં પ્રમુખ તથા કારોબારી ચેરમેન કોણ બનશે તેવી ચર્ચા પાર્ટીથી લઇ સામાન્ય લોકોમાં પણ છે. જગત વ્યાસ,ધર્મેશ ગોર,મનુભા જાડેજા,રાજેન્દ્રસિંહ જાડેજા,શીતલ શાહ, સહિત અનેક નામોની ચર્ચા છે. અને તે સમિકરણ સાથે જીતના ચોખટા ગોઠવાઇ રહ્યા છે. જેની ચર્ચા ભુજમાં છે.

-હર્ષ સંધવીની મુલાકાત અને તેણે આપેલા નિવેદન પછી ભુજમાં હિન્દુ-મુસ્લિમ રાજકારણ ગરમાયુ છે.કોગ્રેસ પ્રમુખે હર્ષ સંધવીના નિવેદન સાથે ઓવૈસીના ભુજ પ્રવાસને પણ વખોડ્યો છે. જો કે આ બન્ને મુલાકાત પછી એલર્ટ યુવા ગ્રુપના નામે મુસ્લિમ વિરોધ્ધી ભાજપને મત શા માટે તે નામથી એક પોસ્ટર વાયરલ થયુ છે. અને કોગ્રેસ તેનો પ્રચાર પણ કરી રહી છે. જેમાં ભાજપે એકથી ચાર વોર્ડમાં જ મુસ્લિમોને ટીકીટ આપી હોવાથી લઇ અનેક પ્રશ્નો ઉભા કરાયા છે. જો કે લોકોમાં ચર્ચા એ છે કે સમાજની દ્રષ્ટ્રીએ ભુજમાં ભાજપે સૌથી વધુ ટીકીટ મુસ્લિમ સમાજને આપી છે.

અંજાર ચુંટણીમાં હાલ બે વસ્તુ ભારે ચર્ચામાં છે. ભાજપના મેનીફેસ્ટો પછી ખુદ ભાજપ સાથે સંકળાયેલા લોકો પ્રશ્નો કરી રહ્યા છે. કે ભાજપે મેનીફેસ્ટો જાહેર કર્યો પરંતુ અંજારની મટન માર્કેટની સમસ્યના શુ ? હિન્દુ સમાજમાં આ પ્રશ્નને લઇને ભારે નારજગી છે તો બીજી બાબત એ કે વર્ષોથી અંજાર વિસ્તારનુ પ્રતિનીધીત્વ કરતા વાસણ આહિરની ગેરહાજરી સોસીયલ મિડીયાથી લઇ મિડીયામાં પણ તેમની ગેરહાજરી ચર્ચાનો વિષય બની છે.

આજથી રાજકીય માહોલ વચ્ચે ગામ ચે’ તો નામથી એક કોલમ ન્યુઝ4કચ્છ દ્વારા શરૂ કરાઇ છે. જે આગામી દિવસોમાં પણ કચ્છના લોકોના પ્રશ્નો તથા અન્ય બાબતો આવા પ્રકારે રજુ કરવાનો પ્રયત્ન કરશે તમે પણ આવી ચર્ચા કે માહિતી અમારા માધ્યમ સુધી પહોંચાડી શકશો….