ચુંટણી પરિણામો જાહેર થયા બાદ હાર-જીતને પચાવીને હવે નવા હોદ્દેદારોની નિમણુંક માટેની કવાયતો સાથે હિસાબ-કિતાબ મંડાયા છે.કચ્છમાં કોગ્રેસ માટે વિપક્ષી નેતાઓ નિમવા સિવાય કોઇ પડકાર નથી પરંતુ ભાજપમાં અણધાર્યા પરિણામો પછી હવે સત્તાની કમાન કોને સોંપવી તે માટે કવાયત શરૂ કરાઇ છે. ખાસ કરીને સૌથી વધુ ચર્ચા ભુજ નગરપાલિકાની છે ત્યારે આવો જોઇએ રાજકીય ગણિત સાથે કોન મહત્વના હોદ્દા મેળવવાની રેશમાં છે.
કચ્છની તાલુકા પંચાયત,જીલ્લા પંચાયતો પાલિકા અને મહાનગરોમાં હવે સત્તા કોને સોંપવી તે માટેનુ મંથન,લોંબીંગ અને રાજકીય દાવ પેચ શરૂ થઇ ગયા છે. જ્ઞાતિગત સમિકરણો,કાબેલીયત અને સુચારૂ વહિવટ સહિત અનેક માંપદંડોના વિચાર સાથે આ કવાયત શરૂ કરાઇ છે. જેમાં ભુજ નગરપાલિકાની ચર્ચા સૌથી વધુ છે. કે આ વખતે સત્તા કોને સોંપાશે આમતો અહી લાંબા સમયથી ભાજપનુ સાશન છે.પરંતુ આ વખતે સમિકરણો ધણા બદલાયા છે. જેના કારણે અહી સત્તા સોંપવા માટે મજબુત ઉમેદવારને શોધવો ભાજપ માટે પણ એક પડકાર રહેશે પરંતુ રાજકીય પાર્ટી,સામાન્ય નાગરીકો અને રાજકીય નિષ્ણાંતોના અભિપ્રાયના આધારે ભુજ નગરપાલિકામા હોદ્દા મેળવવા માટે કેટલાક નામો ચર્ચામાં આવ્યા છે. જેને લઇને રાજકીય ઉત્કંઠા વધી છે. જો કે સત્તા મેળવનાર માટે પડકાર અનેક હશે પાછલી ટર્મમાં થયેલી ભુલો,ભષ્ટ્રચાર અને સરકારની કરોડો રૂપીયાની ગ્રાન્ટ છંતા અનેક સમસ્યા વણ ઉકેલાયેલી તેવામાં તેના પર થીગડા મારી નવેસરથી વિકાસને વેગ આપવાનો નવા પ્રમુખ સહિતની ટીમ સામે પડકાર હશે તો મજબુત વિપક્ષ સહિત અનેક કારણોસર આ વખતે હોદ્દેદાર માટે પાલિકાનો તાજ કાંટાળો બનશે ત્યારે આવો જોઇએ કોણ ક્યા હોદ્દા માટે મજબુત દાવેદાર છે.
પ્રમુખ માટે આ નામો વધુ ચર્ચામાં…
રાજેન્દ્રસિંહ જાડેજા:-દાયકાઓ સુધી કોગ્રેસમાં રહનાર નગરપાલિકાના પુર્વ વિપક્ષી નેતાએ પંજાને અલવીદા કરી ભાજપને ખેસ ધારણ કરી આ વખતે ભાજપમાંથી ચુંટણી લડી હતી અને જંગી બહુમતીથી વિજય મેળવ્યો હતો.રાજકીય પાર્ટી વગર પર તેમના પરિવારનો સામાન્ય જનમાનસ સાથે મોટો ધરોબો છે. અને તેથીજ પાર્ટી કોઇ પણ હોય રાજેન્દ્રસિંહ જોડાજાએ પોતાનો રૂતબો જાળવી રાખ્યો છે.સ્વચ્છ પ્રતિભા,સમગ્ર ભુજ સહિત કચ્છમાં સામાજીક પ્રભુત્વ અને કોઇપણ હોદ્દા વગર સામાન્ય માણસો માટે કામ કરવાનો સીરસ્તો તેમના પરિવારનો રહ્યો છે તેથી આ વખતે તેમના પ્રમુખ બનવાના ચાન્સ સૌથી વધુ છે. હા કેટલાક પક્ષમા એવી ચર્ચા કરી રહ્યા છે. કે કોગ્રેસી મુળના કારણે તેમના માટે પડકાર છે. પરંતુ ભુજ પાલિકાને સ્વચ્છ સાશન આપવા માટે એક મજબુત નેતા તરીકે તેને પ્રથમ હરોડમાં મુકી શકાય અને રહી વાત કોગ્રેસી મુળની તો હાલમાં સરકારમાં અનેક ધારાસભ્ય મંત્રીઓ કોગ્રેસમાંથી ભાજપમાં આવી સત્તારૂઢ છે.તો વળી વહીવટી સુઝબુજ સાથે આ વખતે મજબુત વિપક્ષને કાબુમાં રાખવાનો પણ એક પડકાર રહેશે જેના માટે રાજેન્દ્રસિંહ સક્ષમ નેતા તરીકે ઉભરી શકે..જો કે જ્ઞાતી આધારીત સત્તા આપવાની સ્થિતીમાં તેમનાજ સમાજના મનુભા જાડેજાનુ નામ પણ ચર્ચામાં છે.કેમકે ત્રણ ટર્મ સુધી તેમના પરિવારની સેવા સાથે આ વખતે તેઓ પણ અનેક પડકારો વચ્ચે વિજયી બન્યા છે.અને સંગઠન તથા સહકારી ક્ષેત્રે તે અને તેની ટીમ પણ મજબુત છે. જેથી દાવેદારની રેશમાં તે પણ છે.જગત જલધી વ્યાસ:- ભાજપના સનિષ્ટ કાર્યક્રર ગત ટર્મે પણ કાઉન્સીલર હતા અને કારોબારી ચેરમેન પણ રહી ચુક્યા છે.ભષ્ટ્રાચાર મુક્ત સાશન આપવા માટે તેનુ નામ પણ ચર્ચામાં છે. કેમેકે ભુતકાળમાં લોકોની સમસ્યાના ઉકેલ માટે સ્વખર્ચે કરેલા તેના કાર્યો તેમના વિસ્તારમાં ચર્ચામાં છે. તો રાજકીય લોબીંગની વાત કરીએ તો જે રીતે ટીકીટ સમયે પોતાની સાથે પોતાની આખી પેનલ ગોઠવવા સુધી સિનીયર કાઉન્સીલરે જે પ્રયત્નો કર્યા તે સફળ રહ્યા ભુજ વિસ્તારના ધારાસભ્યના ખુબ નજીક ગણાતા જગત વ્યાસ પાસે મોટી ટીમ છે.તો બ્રહ્મ સમાજને ખુશ રાખવા માટે પાર્ટી તેના પર કળશ ઢોળી શકે છે. આગામી વિધાનસભાને પણ ધ્યાને રાખી સમગ્ર હોદ્દાઓ આપવાની કવાયત હાથ ધરાશે આમતો અગાઉ જગત વ્યાસ કારોબારી ચેરેમેન રહ્યા છે. પરંતુ સુત્રોનો દાવો છે. કે પ્રમુખ બનવાના મજબુત ઇરાદા સાથે ચુંટણી મેદાનમાં ઉતરેલા જગત વ્યાસ પ્રમુખ બનવા માટે મરણિયા છે. તો સિનીયર હોવા સાથે વહીવટી સુઝબુઝ અન્ય દાવેદારો કરતા તેને મજબુત બનાવે છે. શિતલ શાહ:-કચ્છ જીલ્લા મહામંત્રી ઉપપ્રમુખ અને સંગઠનમાં મહત્વનો હોદ્દો ભોગવી ચુકેલા શિતલ શાહ પણ પ્રમુખ અથવા કારોબારી ચેરમેન બનવાની રેશમાં છે.સંગઠનમાં મહત્વના હોદ્દા ભોગવવા સાથે ભુજના ધારાસભ્ય કેશુ પટેલની નજીકના વ્યક્તિ તે મનાય છે.અનુભવના આધારે તેનુ નામ પણ ચર્ચામાં છે. વડી આગામી વર્ષે યોજાનારી વિધાનસભાને ધ્યાને રાખી જૈન સમાજ તથા અન્ય મહાજન જ્ઞાતીઓને ખુશ રાખવા માટે વેપારી શિતલ શાહ મજબુત દાવેદાર છે. તો વડી ભુજ વોર્ડ નંબર પાંચ કે જ્યા આ વખતે ભાજપને પરાજય મળ્યો ત્યા જૈન સમાજ સહિત અન્ય વેપારી વર્ગને ખુશ રાખવા માટે શિતલ શાહને પ્રમુખ અથવા કારોબારી બનાવી શકાય છે. જો ભુજ ધારાસભ્ય કેશુ પટેલનુ ચાલ્યુ તો આ પ્રમુખ અને કારોબારી ચેરમેન જેવા મહત્વના હોદ્દા પર શિતલ શાહ અથવા જગત વ્યાસ નક્કી મનાય છે.
આ નામો પણ અવગણી શકાય નહી…..
આ ઉપરાંત કમલ ગઢવી:- કે જેમનો પરિવાર વર્ષોથી ભુજ,પાલિકા સહકારી સંગઠન પર મજબુત પકડ બનાવી બેઠુ છે. તેના આધારે કમલ ગઢવીને પણ આ વખતે મહત્વનો હોદ્દો મળી શકે ગત ટ્રમમાં પણ તેનુ નામ કારોબારી ચેરમેનની રેસમાં હતુ પરંતુ સમિકરણો ન બન્યા પરંતુ આ વખતે તેના પરિવારના યોગદાનને ધ્યાને રાખી તેને મહત્વની જવાબદારી મળી શકે છે.તો વડી તેના વોર્ડની તમામ બેઠકો બિનહરીફ પણ રહી હતી.અને રાજકીય-સામાજીક રીતે તેમના પરિવારની સમગ્ર ભુજમાં મોટી પકડ છે સાથે વહીવટી કુશળતા પણ ધરાવે છે. ધર્મેશ ગોર:-જો બ્રહ્મ સમાજને સાચવવાની વાત આવે તો ધર્મેશ ગોરનુ નામ પણ પ્રમુખ કારોબારી ચેરમેન માટેની રેસમાં છે.તેની પણ બીજી ટર્મ છે. સાથે તેના વિસ્તારમાં બેઠકો બિનહરીફ કરવામાં તેની ભુમિકા મહત્વની છે. તો રાજકીય પીઠબળની વાત કરીએ તો જીલ્લાના હોદ્દેદારો સાથે તેના ધંધાકીય ભાગીદારોની મદદથી પ્રદેશમાં પણ ફલજી ચૌધરી સહિતના નેતાઓ દ્વારા તેના માટે લોંબીગની ચર્ચા છે. જો કે ભાજપ હમેંશા સરપ્રાઇઝ આપતુ રહ્યુ છે. તેવામાં કોઇ નવુ નામ આવે તો નવાઇ નહી….તો વળી લોકોમાં ચર્ચા એ પણ છે. કે રશ્મીબેન સોંલકી જો અઢી વર્ષ સાશન કરી શકતા હોય તો ભુજ પાલિકામાં કોઇપણ વહીવટ ચલાવી શકે છે…
આ કાઉન્સીલરો હોદ્દાની રેસમાં છે.
તો અન્ય હોદ્દાની વાત કરીએ તો મહત્વના હોદ્દા મેળવવામાં મંયક રૂપારેલ, પ્રકાશ મહેશ્વરી, ગત ટર્મમાં પ્રમુખ પદ્દના દાવેદાર મનિષા સોંલકી બે ટર્મથી નગરસેવક બિંદીયા ઠક્કર, સાવિત્રી જાટ, કિષ્નાબા જાડેજા,બિનાબા ઝાલા પણ નામો ચર્ચામાં છે. જો કે તેમાંથી કોઇ ઉપપ્રમુખ અથવા કોઇ સમિતીના ચેરમેન બની શકે છે. તો નવા ચુંટાયેલા કેટલાક પ્રતિનીધીઓ પણ હોદ્દામાં સમાવિષ્ટ હોઇ શકે છે. જેની નિમણુંકો વિવિધ સમિકરણ રાજકીય પ્રભાવ સહિતની બાબતોને જોઇને કરાશે
સંગઠન અને સત્તામાં બેઠેલા ભાજપના ઉચ્ચ અધિકારીઓના સંતુલન સાથે અને આગામી વિધાનસભા ચુંટણી અને વર્તમાન પાલિકામાં સુચારૂ સાશન અને વિપક્ષી પડકારો જેવી બાબતોને ધ્યાને રાખી આ વખતે સત્તાના સમિકરણો નક્કી થશે પરંતુ હાલ આ નામો તેના માટે ચર્ચામાં છે. જો કે ટુંક સમયમાંજ સેન્સ પ્રક્રિયા સહિત પાર્લામેન્ટ્રી બોર્ડની બેઠકો મળશે તેમાં આ નામો પર મહોર લાગશે જો કે કાર્યક્રરોથી લઇ સામાન્ય નાગરીકોમાં આ નિમણુંકો હાલ ચર્ચાનુ કેન્દ્ર છે.
કાલે અન્ય પાલિકાના વિષ્લેષણ સાથે નામોની યાદી પ્રસિધ્ધ કરીશુ
