ચુંટણી સમયે અનેક બાબતે ભુજ શહેર ભાજપની ટીમ સામે ફરીયાદ ઉઠી હતી.પરંતુ પાર્ટીનો આંતંરીક મામલો જગજાહેર થયો ન હતો પરંતુ હવે જ્યારે ભાજપને ભૂજની ચુંટણીમાં નુકશાન ગયુ છે.ત્યારે વોર્ડ નંબર 3 ના ભાજપના હારેલા ઉમેદવાર અંબાલાલ જાહેરમાં ભુજ શહેર ભાજપ સામે મેદાને ઉતર્યા છે. તેના સોસીયલ મિડીયા સ્ટેટસમાં તેને ભુજ શહેર ભાજપ પ્રમુખ સામે ગંભીર આક્ષેપ કર્યા છે.
ભુજ શહેર ભાજપની ટીમ અને ખાસ કરીને તાજેતરની ચુંટણીમાં ચર્ચા અને વિવાદમાં રહેલા તેના પ્રમુખ ફરી એક વાર ચર્ચામાં આવ્યા છે.અગાઉ ચુંટણી સમયે સંકલનનો અભાવ ટીકીટ ફાળવણીમાં તેની ભુમીકા અને સારા નહી પણ મારા ઉમેદવારો પંસદ કરવાના મુદ્દે ભાજપ પાર્ટીમાંજ અનેક ગણગણાટ શરૂ થયો હતો.જો કે હવે ચુંટણી પરિણામો પછી ભાજપનો આંતરીક વિખવાદ જગજાહેર થઇ રહ્યો હોય તેવુ લાગી રહ્યુ છે. ખાસ કરીને ભાજપનાજ જુના કાર્યક્રર અને વોર્ડ નંબર 3 માં ભાજપે જેને મેદાને ઉતાર્યા હતા. તેવા અંબાલાલ ગોરએ ભુજ શહેર ભાજપ સામે સોસીયલ મિડીયામાં જાણે રીતસરનો મોરચો ખોલ્યો હોય તેમ વિવિધ પોસ્ટ કરી ભાજપ શહેર પ્રમુખ મીત ઠક્કર સામે ગંભીર આક્ષેપો કર્યા છે. અને વોર્ડ નંબર પાંચમાં ભાજપની હાર તથા શહેર કોગ્રેસ પ્રમુખ કિશોરદાન ગઢવીને જીતાડવામાં ભુજ શહેરની ભુમિકા અંગે આ પોસ્ટમાં ગંભીર આક્ષેપો કરાયા છે. અંબાલાલે કરેલા ગંભીર આરોપ સાથેની પોસ્ટ શહેરમાં ટોક ઓફ ધ ટાઉન બની હતી.
અંબાલાલના શહેર ટીમ પર ગંભીર આરોપો…!
ચુંટણી સમયે માનપાન મેળવવાથી લઇ ઉમેદવારની પસંદગીમાં તેની ભુમિકા અને સંકલનના અભાવ સહિતના મુદ્દે જુના કાર્યક્રરોએ જાહેરમાં નહી પંરતુ પોતાનો બળાપો વ્યક્ત કર્યો હતો. અને ફરીયાદ સ્થાનીક ભાજપના નેતાઓથી લઇ પ્રદેશ સુધી પહોંચી હતી. જો કે હવે તો ભાજપનાજ એક અગ્રીમ કાર્યક્રરે તેની સામે મોરચો ખોલ્યો હતો. આજે વોર્ડ નંબર 3 ભાજપના હારેલા ઉમેદવાર અંબાલાલ ગોર એ સોસીયલ મિડીયા પોસ્ટ બનાવી ભુજ શહેર ભાજપ પ્રમુખ અને કોગ્રેસ પ્રમુખ વચ્ચે વોર્ડ નંબર 3 અને પાંચમાં થયેલી ગોઠવણના આક્ષેપ સાથે જુના કાર્યક્રપોની ઉપેક્ષા અને ટીકીટ ફાળવણીમાં ભજવાયેલી ભુંડી ભુમીકા સાથે સાચા કાર્યક્રરોને વિવિધ સંદેશ આપ્યા છે. સાથે વ્યક્તિગત મનસુબા માટે પાર્ટીને થયેલા નુકશાન અંગેની પણ વાત તેને પોતાના સ્ટેટશમાં રાખી હતી. જે વાયરલ થઇ જતા મોટો હોબાળો થયો છે.
અંબાબાલે કહ્યુ…પાર્ટીમાં પણ ફરીયાદ કરીશ..
શહેર ભાજપે પ્રમુખે કહ્યુ..આક્ષેપો પાયાવિહોણા
સમગ્ર આક્ષેપો અને વાયરલ થયેલી પોસ્ટ બાબતે અંબાલાલ ગોરનો ન્યુઝ4કચ્છ એ સંપર્ક કરતા તેને આ વાયરલ પોસ્ટને સમર્થન આપ્યુ હતુ. અને અગાઉ અનેક કાર્યક્રરોએ ટીકીટ ફાળવણી વખતે પાર્ટીમાં વ્યક્ત કરેલા વિરોધની વાત કરી હતી.તો જવાબદારો સુધી પણ વાત પહોંચાડી હોવાનુ કહ્યુ હતુ.તો સોસીયલ મિડીયામાં કરેલા આક્ષેપો અંગે તેણે દાવો પણ કર્યો હતો. કે જરૂર પડે પાર્ટીને પુરાવા આપીશુ પરંતુ વોર્ડ નંબર 1થી5 થયેલા ખેલ અંગે તેણે લખ્યુ હોવાની વાતને સમર્થન આપ્યુ હતુ.સાથે તેને પોતાની વાત રજુ કરી છે. હવે પાર્ટી જે નિર્ણય લે તેમ અંતમાં કહ્યુ હતુ. સાથે અન્ય કાર્યક્રરો પણ આગામી સમયમાં પાર્ટીમાં યોગ્ય જગ્યાએ રજુઆત કરશે તેમ ઉમેર્યુ હતુ.જો કે આ અંગે ભુજ શહેર ભાજપ પ્રમુખ મીત ઠક્કરનો સંપર્ક કરતા તેને તમામ આક્ષેપો નકાર્યા હતા અને તમામ વાતો પાયા વિહોણી હોવાનો ખુલાસો કર્યો હતો.
શિસ્તબંધ ગણાતી ભાજપ પાર્ટીમાં પણ ખુલ્લેઆમ વિરોધ એ કોઇ નવી વાત નથી.પરંતુ તાજેતરની ચુંટણીમાં ભુજ શહેરની ટીમ સામેનો વિરોધ યેનકેન પ્રકારે સામે આવી રહ્યો છે. તેવામાં હવે ખુલ્લીને ભાજપનાજ એક કાર્યક્રરે શહેર ભાજપની ટીમ સામે ખુલ્લા આક્ષેપો કર્યો છે. જેને શહેર ટીમે પાયા વિહોણા તો ગણાવ્યા છે. પરંતુ હવે મામલો જીલ્લા કક્ષાએ તપાસ માંગી લે તેવો બન્યો છે. જેમાં શહેર ભાજપની ટીમ સામે તપાસ સાથે ખુલ્લેઆમ જાહેરમાં ગંભીર આક્ષેપ કરનાર અંબાલાલ સામે શિસ્તભંગની કાર્યવાહી સંભવ છે. જો કે ભાજપમાં જ આ મામલે નજીકના સમયમાંજ મોટો વિસ્ફોટ થાય તેવો ગણગણાટ છે. અને તેના પર સૌની મીટ મંડાયેલી છે.
