જો કે અકસ્માત બાદ માનવતા દર્શાવાના બદલે અધિકારી હોવાનો રોફ જમાવનાર સરકારી અધિકારીએ બાદમાં માફીનામુ લખી સમાધાનકારી વલણ અપનાવ્યુ અગાઉ પણ સરકારી હોસ્ટપિલમાં બેફામ વાણી વિલાસ કરી ચર્ચામાં રહ્યો હતો આ અધિકારી
અબડાસાના મુખ્યમથક નલિયામાં સર્જાયેલા એક અકસ્માતે ભારે હોબાળો સર્જયો હતો. જો કે અકસ્માત સર્જનાર અન્ય કોઇ નહી પરંતુ રવિકુમાર બારોટ કે જે મામલતદાર કચેરીની દબાણ શાખામાં ફરજ બજાવતો અધિકારી હોવાનુ સામે આવ્યુ હતુ. જો કે અધિકારી તરીકે અકસ્માત સર્જયા બાદ માનવતા બતાવવાના બદલે અધિકારીએ રોફ જમાવતા માહોલ ભારે ગરમાયો હતો. વિગતે વાત કરીએ તો નલિયામાં મંગળવારે સવારે એક બાઈકચાલકે યુવતીને હડફેટે લેતાં થોડા સમય માટે અફરાતફરીનો માહોલ સર્જાયો હતો.સ્થાનિક લોકોના જણાવ્યા મુજબ અકસ્માત બાદ ઇજાગ્રસ્ત યુવતીની ખબરઅંતર પૂછવા કે અફસોસ વ્યક્ત કરવાને બદલે બાઈકચાલક પોતે સરકારી કર્મચારી હોવાનો રોફ જમાવતો હોવાનું જોવા મળ્યું હતું.ઘટનાની જાણ થતાં આસપાસના લોકો મોટી સંખ્યામાં એકત્રિત થઈ ગયા હતા અને બાઈકચાલકના વર્તન સામે નારાજગી વ્યક્ત કરી હતી.ઘટનાને પગલે મામલો નલિયા પોલીસ મથક સુધી પહોંચ્યો હતો.પોલીસની હાજરીમાં બંને પક્ષો વચ્ચે ચર્ચા કરવામાં આવી હતી અને અંતે પરસ્પર સમાધાન થતાં મામલો શાંતિપૂર્ણ રીતે પૂર્ણ થયો હતો.જોકે,સ્થાનિકોમાં એવી ચર્ચા જોવા મળી હતી કે અકસ્માત જેવી ગંભીર ઘટનામાં જવાબદારીપૂર્વક વર્તન કરવું જરૂરી છે.અને કોઈપણ વ્યક્તિએ હોદ્દો કે નોકરીનો રોફ બતાવવાને બદલે માનવતા અને સંવેદના દાખવવી જોઈએ.
