ગ્રુપમાં ફોટાથી સભ્યો શરમિંદગીમાં મુકાયા, પોલીસ ફરિયાદની તૈયારી,વોર્ડ નંબર-૪ ના સત્તાવાર ભાજપ પરિવાર ગ્રુપની ઘટનામાં કાર્યકરના મોબાઈલમાંથી અશ્લીલ સામગ્રી પોસ્ટ થતાં રાજકારણ ગરમાયું ફોન હેક થયો હોવાનો દાવો, પોલીસ તપાસની શક્યતા
માંડવી:
શિસ્તબંધ ગણાતી ભારતીય જનતા પાર્ટીમાં ફરી એક વાર અશ્લીલ વિડિઓ પોસ્ટ થતા સભ્યો શરમમાં મુકાયા હતા.સ્થાનિક રાજકારણમાંથી ચોંકાવનારા સમાચાર સામે આવ્યા જેમાં માંડવી વોર્ડ નંબર -૪ ના બીજેપી પરિવાર ના સત્તાવાર વોટ્સએપ ગ્રુપમાં અશ્લીલ ફોટા વિડિઓ વાયરલ થતાં ભારે હડકંપ મચી ગયો છે.શાસક પક્ષના જવાબદાર ગ્રુપમાં આ પ્રકારની સામગ્રી વાયરલ થતાં પક્ષના સ્થાનિક મોવડી મંડળમાં દોડધામ મચી ગઈ હતી. અને મામલો ટોક ઓફ ધ ટાઉન બન્યો છે.મળતી માહિતી મુજબ, આ ગ્રુપમાં પક્ષના અનેક સક્રિય કાર્યકરો, હોદ્દેદારો તેમજ મહિલા કાર્યકરો પણ જોડાયેલા છે.ગ્રુપમાં અચાનક જ એક સક્રિય કાર્યકરના નંબર પરથી વાંધાજનક અને અશ્લીલ ફોટાઓ પોસ્ટ કરવામાં આવ્યા હતા ભાજપના અગ્રણી સભ્યોની હાજરી વાળા ગ્રુપમાં આવા નીચલા સ્તરના ફોટા આવતા જ સભ્યો સ્તબ્ધ થઈ ગયા હતા અને ભારે નારાજગી જોવા મળી હતી. ઘટનાને પગલે ગ્રુપમાં તુરંત જ ચર્ચા અને વિવાદનો મધપૂડો છેડાયો હતો સમગ્ર મામલે ફોન હેક થયો હોવાનું ચર્ચાઈ રહ્યું સમગ્ર મામલે જે કાર્યકરના એકાઉન્ટમાંથી આ ફોટા શેર થયા હતા,તેમના બચાવમાં એવું સામે આવ્યું છે કે તેમનો મોબાઈલ ફોન હેક થઈ ગયો હતો.હેકર્સ દ્વારા ખોટી રીતે આ સામગ્રી ગ્રુપમાં વાયરલ કરીને બદનામ કરવાનું કાવતરું રચાયું હોઇ શકે આ સમગ્ર મામલે પોલીસ ફરિયાદની તજવીજ હાથ ધરાઈ છે.આ આખી ઘટનાથી ભાજપની સ્થાનિક શાખને મોટો ધક્કો લાગ્યો છે. ગ્રુપના સભ્યો અને આગેવાનો આ બાબતને ખૂબ ગંભીરતાથી લઈ રહ્યા છે.ડિજિટલ પ્લેટફોર્મનો દુરુપયોગ અને મહિલાઓની ગરિમાને ઠેસ પહોંચાડવા બદલ આ મામલે વીડિયો કે ફોટા મોકલનાર/હેક કરનાર તત્વો સામે ટૂંક સમયમાં જ પોલીસમાં સત્તાવાર ફરિયાદ નોંધાવવામાં આવે તેવી પૂરેપૂરી શક્યતા સેવાઈ રહી છે. જો કે ખરેખર આ મામલે ફોન હેક થયો હતો કે ભૂલથી થયું તે ભાજપ તરફથી સત્તાવાર રીતે કોઈ નિવેદન સામે આવે તો સામે આવે જો કે કચ્છ ભાજપના ગ્રુપમાં આવી વિવાદી પોસ્ટ અગાઉ પણ અનેક ગ્રુપમાં મુકાઈ છે અને જેને પગલે વિવાદ પણ સર્જાયા છે.
