માંડવી તાલુકા ભાજપના જવાબદાર હોદ્દેદારે વિડિઓ પોતાના ઈન્સ્ટાગ્રામ સ્ટેટસમાં રાખતા અનેક સવાલો ઊભા થયા સતત બીજા દિવસે સોશિયલ મીડિયામાં વિવાદી પોસ્ટને કારણે માંડવી ભાજપ ચર્ચામાં
માંડવીના સ્થાનિક ભાજપના વોર્ડ માટે બનાવાયેલા ગ્રુપમાં અશ્લિલ ફોટા મુકવાનો વિવાદ હજી શમ્યો નથી ત્યાં માંડવી ભાજપના વધુ એક નેતા ચર્ચામાં આવ્યા છે. આમતો દેશના વડાપ્રધાનની કોઈ પણ સિદ્ધિ હોય ભાજપના આગેવાનો તેને હોશે હોશે તેને શેર કરતા હોય છે. તેમાંય જ્યારે દેશભરમાં વિરોધ ચાલતો હોય ત્યારે વડાપ્રધાનના સમર્થન વાડી પોસ્ટનો કાર્યકરો અને નેતાઓ ઢગલો કરી નાખે છે. પરંતુ તાજેતરમાં જ્યારે દેશના યુવાનો સાંસદમાં કૂચ કરી રહ્યા છે તેના સમર્થનમાં ગુજરાત સહિત દેશભરમાં તેને સમર્થન માટે લોકો ઉમટી રહ્યા છે પરંતુ તે વચ્ચે માંડવી ભાજપના એક નેતા ના સ્ટેટસ એ ચર્ચા જગાવી છે. માંડવી તાલુકા ભાજપના મહામંત્રીએ આજે તેની ઈન્સ્ટાગ્રામ આઇડી પર એક વિડિઓ શેર કર્યો હતો જેમાં જંતરમંતર પર વિરોધ માટે પહોચેલા એક યુવાને આક્રોશ સાથે શિક્ષણ મંત્રી અને વડાપ્રધાનનું રાજીનામું માંગ્યું હતું અને રોજગારી અને શિક્ષણ મુદ્દે સવાલો ઉઠાવ્યા હતા પરંતુ તે વચ્ચે ભાજપના જવાબદાર એવા આગેવાને તે વિડિઓ સોશિયલ મીડિયામાં અપલોડ કરતા તેના સ્ક્રીન શોર્ટ ઝડપથી વાયરલ થયા હતા અને લોકોએ અનેક સવાલો ઉઠાવ્યા હતા. કેમકે વડાપ્રધાનના વિરોધની વાત વીડિયોમાં હોય અને ભાજપના નેતા જ તે વિરોધનો વિડિઓ સ્ટેટ્સમાં રાખે તે ચોક્કસથી નવાઈ પમાડે જેની ચર્ચા ભાજપમાં આંતરિક રીતે દિવસભર રહી હતી. કચ્છીમાં બોલતા યુવાનનો વિડિઓ અને સ્ટેટ્સમાં રાખેલ વિડિઓ ના સ્ક્રીન શોર્ટ ઝડપથી વાયરલ થયા હતા. જે દિવસભર ચર્ચામાં રહ્યો હતો.
વિડિઓ ભૂલથી અપલોડ થયો…!
સતત બીજા દિવસે માંડવી ભાજપમાં ભાંગરો વાટવાનો મામલો ચર્ચામાં રહ્યો હતો. ગઈકાલે શિસ્તબંધ પાર્ટીના એક કાર્યકરે લોકો શોભામાં મુકાય તેવા ફોટા અપલોડ કર્યા તેની ચર્ચા હતી ત્યાં આજે માંડવી તાલુકા ભાજપના આગેવાન એવા મહામંત્રી લક્ષ્મીશંકર જોશીનો સ્ટેટસ ચર્ચામાં રહ્યું. જ્યારે આ અંગે તેને ખુલાસા માટે પૂછવામાં આવ્યું ત્યારે તેણે મડિયા સાથેની વાતચીતમાં જણાવ્યું કે હું કોઈને મોકલતો હતો ત્યારે ભૂલથી રહી ગયું જો કે બાદમાં ધ્યાને આવતા આ પોસ્ટ દૂર કરાઈ હોવાનું પણ ધ્યાને આવ્યું છે પરંતુ સમગ્ર મામલે ભાજપના જવાબદાર આગેવાને સમગ્ર ઘટના ભૂલથી બની હોવાનો ખુલાસો કર્યો હતો.
સોશિયલ મીડિયાના સમજદારી પૂર્વકના ઉપયોગ માટેના વર્ગો વચ્ચે એક જવાબદાર વ્યક્તિથી ભૂલ થાય તે માની શકાય તેવી વાત છે જો કે સોશિયલ મીડિયામાં ઝડપી કંઈક કરવામાં આવી ભૂલથી માંડવી ભાજપ 2 દિવસથી ચર્ચામાં આવ્યું છે. જો કે પ્રથમ મામલામાં ફોન હેક કરી આવી પ્રવૃતિનો ખુલાશો થયો હતો અને આજે ભાજપના આગેવાને ભૂલથી પોસ્ટની વાત આગળ કરી છે પરંતુ આ બંને મામલા હાલ કચ્છ ભાજપમાં ચર્ચાનું કેન્દ્ર બન્યા છે….
