૫,૦૦૦ લોકોની રોજગારી જોખમમાં હોવાના દાવા સાથે ૧ સપ્ટેમ્બર ૨૦૨૬થી લાગુ થનાર કોડ ફ્રીઝિંગના નિર્ણયને તાત્કાલિક પાછો ખેંચવા વડાપ્રધાનથી લઇ વિવિધ વિભાગોમાં રજુઆત
મુન્દ્રા:
અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ (APSEZ) દ્વારા મુન્દ્રા પોર્ટની બહાર આવેલા એમ્પ્ટી કન્ટેનર યાર્ડ અને ડેપોના કોડ આગામી ૧ સપ્ટેમ્બર ૨૦૨૬થી પ્રતિબંધિત કે ફ્રીઝ કરવાના નિર્ણય સામે ‘મુન્દ્રા એમ્પ્ટી કન્ટેનર યાર્ડ્સ એન્ડ અલાઈડ સર્વિસીઝ પ્રોવાઈડર એસોસિએશન’દ્વારા ઉગ્ર વિરોધ નોંધાવવામાં આવ્યો છે.એસોસિએશને આ નિર્ણયને તાત્કાલિક પાછો ખેંચવા અથવા સ્થગિત કરવા માટે માંગ કરી છે.પોર્ટ અને કસ્ટમ્સ ઓથોરિટી દ્વારા એમ્પ્ટી ડેપો કોડ્સના કથિત દુરુપયોગ અને કસ્ટમ્સના૨૧.૦૮.૨૦૨૬ના પત્રના સંદર્ભમાં આ પ્રતિબંધાત્મક સલાહકાર(એડવાઇઝરી) જારી કરવામાં આવી છે. સીબીઆઈસી (CBIC) ના પરિપત્ર નં. 32/2026-કસ્ટમ્સ (તારીખ ૧૧.૦૭.૨૦૨૬) અને મુન્દ્રા કસ્ટમ્સના પત્ર મુજબ પોર્ટ ગેટ પર કન્ટેનરની અવરજવર માટે ઓટોમેશન,ઇલેક્ટ્રોનિક મોનિટરિંગ અને ઇમ્પોર્ટ કન્ટેનરની અંદરના ભાગની ડિજિટલ તસવીરો સાચવવાની પ્રક્રિયા ફરજિયાત બનાવવાની વાત છે.પોર્ટ ઓથોરિટીના જણાવ્યાનુસાર આ નિયમોના અમલીકરણ અને દેખરેખ માટે સેઝની બહારના યાર્ડ કોડ્સ પર નિયંત્રણ લાદવામાં આવી રહ્યું છે. એસોસિએશને સ્પષ્ટ કર્યું છે કે કસ્ટમ્સના આદેશો માત્ર ઓટોમેશન અને ઇલેક્ટ્રોનિક મોનિટરિંગ માટે છે, કન્ટેનરની અવરજવર પર સંપૂર્ણ પ્રતિબંધ મૂકવા માટે નથી.એમ્પ્ટી યાર્ડ્સ કન્ટેનર મેન્ટેનન્સ, ઇન્સ્પેક્શન, રિપેરિંગ,સફાઈ, અને સેફ સ્ટોરેજ જેવી મહત્વપૂર્ણ સેવાઓ પૂરી પાડે છે,જે સમગ્ર એક્સિમ લોજિસ્ટિક્સ ચેઇનનો અભિન્ન ભાગ છે.જો કોઈ ચોક્કસ જગ્યાએ અનિયમિતતા હોય તો તેની કેસ-સ્પેશિફિક(વક્તિગત) તપાસ થવી જોઈએ, સમગ્ર ઉદ્યોગ પર બ્લેન્કેટ પ્રતિબંધ મૂકવો ગેરવાજબી છે.આ પ્રતિબંધના કારણે મુન્દ્રામાં ૫,૦૦૦થી વધુ લોકોની રોજગારી છીનવાઈ જવાનું જોખમ ઊભું થયું છે અને યાર્ડ્સમાં કરેલું મોટું રોકાણ બેકાર થઈ જશે.આ ગંભીર મામલે એસોસિએશને દેશ અને રાજ્યના ઉચ્ચ પદાધિકારીઓ તેમજ સંસ્થાઓને પત્ર મોકલીને હસ્તક્ષેપ કરવા અપીલ કરી છે જેમાં ભારતના વડાપ્રધાન,ગુજરાતના મુખ્યમંત્રી,ભારતના નાણાં મંત્રી.શિપિંગ અને વોટરવેઝ મંત્રાલય,રેવેન્યુ સેક્રેટરી, નાણા મંત્રાલય,સેન્ટ્રલ બોર્ડ ઓફ ઇનડાયરેક્ટ ટેક્સેસ એન્ડ કસ્ટમ્સ (CBIC) ના અધ્યક્ષ,સીબીઆઈસી બોર્ડના સભ્ય કસ્ટમ્સ,ચીફ કમિશનર ઓફ કસ્ટમ્સ – અમદાવાદ ,પ્રિન્સિપાલ કમિશનર ઓફ કસ્ટમ્સ-મુન્દ્રા,સેઝ (SEZ) મુન્દ્રાના ડેવલપમેન્ટ કમિશનર,સીઈઓ, ડીપી વર્લ્ડ મુન્દ્રા,કન્ટેનર ફ્રેટ સ્ટેશન એસોસિએશન ઓફ ઇન્ડિયા,ફેડરેશન ઓફ કચ્છ ઇન્ડસ્ટ્રીઝ એસોસિએશન (FKIA),મુન્દ્રા ચેમ્બર ઓફ કોમર્સ એન્ડ ઇન્ડસ્ટ્રીઝ,ગાંધીધામ ચેમ્બર ઓફ કોમર્સ,મુન્દ્રા કસ્ટમ બ્રોકર એસોસિએશન,કંડલા મુન્દ્રા ટ્રાન્સપોર્ટ વેલ્ફેર એસોસિએશન,કન્ટેનર શિપિંગ લાઇન એસોસિએશનને રજુઆત કરવામાં આવી છે.
મુખ્ય માંગણીઓ:
૧ સપ્ટેમ્બર ૨૦૨૬થી લાગુ થનાર કોડ ફ્રીઝિંગના નિર્ણયને તાત્કાલિક પાછો ખેંચવો કે સ્થગિત કરવો.શિપિંગ લાઇન દ્વારા નોમિનેટ થયેલા એમ્પ્ટી યાર્ડ્સમાં કન્ટેનરની અવરજવર અરોકટોક ચાલુ રાખવી.કોઈપણ મોટો નિર્ણય લેતા પહેલા કન્ટેનર ડેપો એસોસિએશન અને હિસ્સેદારો સાથે પરામર્શ (સંવાદ) કરવો.જો કે આ અંગે સુત્રોનુ માનીએ તો ગઇકાલે આ સંદ્રભે એક મહત્વની બેઠક મળનારી છે. જેમાં કોઇ નિર્ણય લેવાઇ શકે છે. જો કે હાલ તો આ નિર્ણયથી એસોસીયેશન લડતના મુડમાં હોય તેવુ લાગી રહ્યુ છે.
