ભુજમાં દબાણ હટાવ ઝુંબેશ વચ્ચે સોમવારે ડ્રામા સર્જાયો હતો. અને સામાજીક અગ્રણીએ બિલ્ડીંગ પર ચડી વિરોધ કરી આત્મવિલોપનની ધમકી આપી હતી. જો કે બાદમાં તેને ફાયરની મદદથી નિચે ઉતારી વાતચીત બાદ નગરપાલિકાએ સુખદ સમાધાન કર્યુ હોવાનો દાવો કર્યો હતો.વૈક્લપિક વ્યવસ્થાની ખાતરી
ભુજ
ભુજ શહેરમાં શેરી ફેરિયાઓને હટાવવાની પાલિકાની કાર્યવાહીના વિરોધમાં સામાજિક આગેવાન મામદ લાખા સોમવારે ભુજ નગરપાલિકા કચેરીની છત પર ચઢી વિરોધ નોંધાવ્યો હતો.તેણે આત્મવિલોપનની ચીમકી ઉચ્ચારતા સમગ્ર કચેરીમાં દોડધામ મચી ગઇ હતી.થોડા જ સમયમાં પોલીસ કાફલો અને નગરપાલિકાના કર્મચારીઓ ઘટનાસ્થળે પહોંચી ગયા હતા.અને મામદ લાખાને સુરક્ષિત રીતે નીચે ઉતારવા માટે સમજાવટ અને બચાવ કામગીરી શરૂ કરવામાં આવી હતી.તેને નીચે લાવવા માટે દોરડાની મદદ લેવાના પ્રયાસો પણ કરાયા હતા.બાદમાં ફાયર વિભાગે તેને સુરક્ષીત નિચે ઉતાર્યો હતા.મુલાકાતમાં અગ્રણીએ પાલિકાએ વાતચીત માટે તૈયારી દર્શાવી હોવાની વાત કહી હતી.જો કે થોડા સમય માટે મોટી સંખ્યામાં લોકો ત્યા પહોંચી આવ્યા હતા અને તંત્રમાં ભારે દોડધામ મચી હતી.મામદ લાખા દ્વારા અગાઉ પણ થોડા વર્ષો પહેલાં આત્મવિલોપનનો પ્રયાસ કરવામાં આવ્યો હતો જો કે કલાકોના હાઇ વોલ્ટેજ ડ્રામા વચ્ચે પાલિકાએ સુખદ સમાધાન લારી ગલ્લા વેપારીઓ સાથે કર્યુ હતુ. પોલીકાએ યાદીમાં જણાવ્યુ હતુ. સુપ્રીમ કોર્ટના આદેશ અને કલેક્ટરના માર્ગદર્શન હેઠળ ભુજ શહેરમાં છેલ્લા એક અઠવાડિયાથી દબાણ હટાવવાની કામગીરી પૂર્ણ જોશમાં ચાલી રહી છે.આ ઝુંબેશ દરમિયાન કેટલાક વિસ્તારના લારીધારકોએ સ્વેચ્છાએ પોતાની લારીઓ હટાવીને તંત્રને સહકાર આપ્યો હતો.જોકે,આ કામગીરી દરમિયાન નગરપાલિકા કચેરી ખાતે એક નાટ્યાત્મક ઘટના સામે આવી હતી.મહમદ લાખા નામના એક અસંતુષ્ટ વ્યક્તિએ દબાણ હટાવ ઝુંબેશમાં ખલેલ પહોંચાડવાના ઈરાદે ભુજ નગરપાલિકા કચેરીની છત પર ચડી જઈ આત્મવિલોપનની ધમકી આપીને વિરોધ પ્રદર્શન કર્યું હતું.આ ઘટનાને પગલે ભુજ નગરપાલિકા તંત્ર તાત્કાલિક હરકતમાં આવ્યું હતું.નગરપાલિકાના પ્રમુખ શીતલ શાહ, કારોબારી ચેરમેન કમલ ગઢવી, ટાઉન પ્લાનિંગ શાખાના ચેરમેન જગત વ્યાસ તેમજ ચીફ ઓફિસર દ્વારા તાકીદની બેઠક યોજવામાં આવી હતી.બેઠકના અંતે શેરી ફેરીયાઓ અને નગરપાલિકા તંત્ર વચ્ચે આ મુદ્દાનું સુખદ સમાધાન લાવવામાં આવ્યું છે. નગરપાલિકાના પદાધિકારીઓએ આ અંગે સ્પષ્ટતા કરતા જણાવ્યું હતું કે:પ્રથમ તબક્કામાં લારીધારકોને તબક્કાવાર (ફેઝવાઇઝ) વૈકલ્પિક જગ્યા ફાળવવાનું આયોજન કરવામાં આવ્યું છે. જેમાં સૌથી પહેલા કાર્ડ ધારક ફેરીયાઓને પ્રાથમિકતા આપીને જગ્યા આપવામાં આવશે.જ્યારે બીજો તબક્કોકાર્ડ ધારકોને જગ્યા ફાળવ્યા બાદ ક્રમશ:બાકીના અન્ય લારીધારકો માટે વિચારણા કરવામાં આવશે.ભુજ શહેરમાં ધારાસભ્યની રજુઆતના પગલે રાજ્યસરકાર દ્વારા અંદાજીત ૧૫૦ કરોડ ના રોડ રીસર્ફેસીંગ અને રોડ વાઈડનીંગના કામો ગતિમાં છે, શહેરના રસ્તાઓને વધુ સુદ્રઢ, સુંદર અને સુવિધાયુક્ત બનાવાની કામગીરી સાથે નાગરીકોને રોજીંદી અવરજવરમાં પડતી મુશ્કેલીઓ દુર કરવામાં પણ તંત્ર દ્વારા મહત્વપૂર્ણ પગલાઓ લેવામાં આવી રહ્યા છે.અગાઉ પણ લારી ગલ્લા વાળા વેપારીઓએ વિરોધ કરી વિવિધ જગ્યાએ રજુઆત કરી હતી. પરંતુ ચમત્કારને નમસ્કાર તેમ પાલિકાએ વિરોધના થોડા કલાકોમાં જ વૈકલ્પીક વ્યવસ્થા માટેની તૈયારી કરી હાલ પુરતો મામલો શાંત કર્યો છે.
સવારે પાલિકા કચેરીમાં વિરોધ વચ્ચે સામાજીક કાર્યક્રરે બિલ્ડીંગ પર ચડી વિરોધ કરતા ભારે અફરાતફરી સર્જાઇ હતી. જો કે અગ્રણીઓની દરમ્યાનગીરી વચ્ચે પાલિકાએ હવે આ મામલે વચલો રસ્તો શોધી હાલ પુરતો મામલો શાંત કર્યો છે. એક રીતે કહીએ તો પીછેહઠ કરી છે.જે મામલો શહેરમાં ટોક ઓફ ધ ટાઉન બન્યો છે.
