અદાણી સામે એમ્પ્ટી કન્ટેનર યાર્ડ એસોસીએશનની લડત યથાવત !

છ દિવસથી રંગોલી ગેટ પાસે વિરોધ સાથે આજે મોખા ટોલ નાકા પર અગ્રણીઓએ સુત્રોચ્ચાર સાથે વાહનચાલકોને લડતમાં જોડાવા અપિલ કરી નિર્ણયના વિરોધમાં વિવિધ સંગઠનોનુ સમર્થન

મુંદરા પોર્ટ બહારના એમ્પ્ટી કન્ટેનર યાર્ડ એસોસીએશન અને અન્ય સંગઠનો દ્વારા પોર્ટ બહારનાં યાર્ડને કોડ બંધ કરવાના વિરોધમાં શરૂ થયેલાં ધરણા છ દિવસ બાદ પણ યથાવત છે.પોર્ટ પર કન્ટેનર હેરફેર ધરણાથી પ્રભાવિત થઈ રહ્યુ છે.પહેલા આ મામલે પોર્ટ ઓથોરીટીને રેલી યોજી આવેદનપત્ર આપ્યા બાદ છેલ્લા છ દિવસથી રંગોલી ગેટ પર છાવણી નાખીને શરૂ થયેલા આ ધરણા યથાવત છે.આઠમના દિવસે પણ ધરણા યથાવત રહ્યા હતા અને કૃષ્ણ જન્મની ઉજવણી ધરણા સ્થળે કરાયા હતા. આજે રંગોલી ગેટ નજીક ધરણા સાથે વિવિધ સંગઠનોએ મોખો ટાલનાકે વિરોધ કર્યો હતો. જેને પગલે દોડધામ મચી હતી.પોલીસની ચુંસ્ત બંદોબસ્ત વચ્ચે વિરોધ કર્તાએ અદાણી વિરોધ નારેબાજી કરી વિરોધ નોંધાવ્યો હતો. અને જે ટ્રાન્સપોર્ટેશન ચાલુ છે. તેમને વિનંતી કરી અટકાવ્યા હતા. લડતમાં વિવિધ એસોસીએશન સમર્થનમાં આવી રહ્યુ છે. ભાજપના અનેક અગ્રણીઓ જે આ ધંધા સાથે જોડાયેલા છે. તેઓ પણ વિરોધમાં ખુલ્લીને ઉતર્યા છે.રંગોલી ગેટ પર બનાવાયેલી છાવણીમાં વિવિધ સંગઠનના નેતાઓ,રાજકીય પક્ષોના આગેવાનો પણ ધરણા સ્થળેથી સંબોધન કરી કોડ બંધના નિર્ણયનો વિરોધ કરવા સાથે આ લડતને વધુને વધુ મજબૂત અને સંગઠન પર ભાર મૂકી લડી લેવાનો નિર્ધાર વ્યક્ત કર્યો હતો.કન્ટેનર ટ્રાન્સપોર્ટ સંગઠનોએ પણ ખાલી કન્ટેનર ઉપાડવાનું બંધ કરતાં પોર્ટ પર કન્ટેનર વ્યવહારને અસર વધી છે. આ તરફ અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ દ્વારા અગાઉની એડવાઈઝરી બાદ પોર્ટ બહાર જતા ખાલી કન્ટેનરની સલામતી માટે નિયંત્રિત ડેપોને નવા કોડ આપવાની પ્રક્રિયા શરૂ કરવામાં આવી હોવાનુ જણાવ્યુ હતુ. સાથે તારીખ 10 સપ્ટેમ્બર 2026 થી ‘એમ્પ્ટી કન્ટેનર સિક્યોરિટી એક્ઝામિનેશન ફી’ લાગુ કરવામાં આવશે તેમ જણાવી ફીનું માળખું જાહેર કર્યુ હતુ. આમ અદાણી પણ બીજી તરફ નિર્ણય સામે મક્કમ હોય તેમ લાગી રહ્યુ છે. જ્યારે બીજી તરફ એમ્પ્ટી કન્ટેનર યાર્ડ એસોસીએશન વિવિધ સંગઠનોના સમર્થન સાથે સતત વિરોધ કરી રહ્યુ છે. જેમાં રોજ મોટી સંખ્યામાં લોકો જોડાઇ રહ્યા છે.સુરક્ષા તથા અન્ય મુદ્દાઓને આગળ ધરી અદાણી દ્વારા અચાનક લેવાયેલા નિર્ણયથી 5000થી વધુ પરિવારોની રોજીરોટી પર મોટી અસર પડતી હોવાની રજુઆત સાથે એમ્પ્ટી કન્ટેનર યાર્ડ એસોસીએશન છેલ્લા છ દિવસથી વિવિધ વિરોધ કરી રહ્યુ છે. જેમાં આજે મોખા ટોલ નાકા પર વિરોધ કરી વધુને વધુ લોકો આ લડતમાં જોડાય તે માટે અપિલ કરવામાં આવી હતી. આ તરફ અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ દ્વારા મુન્દ્રા પોર્ટ અને સેઝ ખાતે એક સમર્પિત ખાલી કન્ટેનર યાર્ડના ઓપરેશન્સ શરૂ કરવાની જાહેરાત કરવામાં આવી.આમ વિરોધ ચરમસીમાં એ છે. બીજી તરફ અદાણી પર નિર્ણય સામે હાલ મક્કમ લાગી રહ્યુ છે. ત્યારે જોવુ રહ્યુ..આ વિવાદનો ઉકેલ ક્યારે આવે છે.