એસીબીની સફળ ટ્રેપમાં ભુજ ખાણ-ખનીજ કચેરીનો આઇ.ટી.એક્ઝિક્યુટિવ રૂ.૫૦ હજારની લાંચ લેતા ઝડપાયો વચેટીયા મારફતે લાંચની માંગણી કરતા એસબીએ રંગેહાથ ઝડપ્યો જો કે અગત્યની વાત એ છે. કે સરકારને કરોડો રૂપીયા કમાવી આપતા વિભાગમાં ભષ્ટ્રાચારની વ્યાપક ફરીયાદો હતી. ત્યારે જો ખરેખર સમગ્ર મામલે ઉંડાણ પુર્વકની તપાસ કરાય તો મોટુ કારસ્તાન બહાર આવે તેમ છે. કલેકટર કચેરીમાંજ કાર્યરત ખાણખનીજ વિભાગનો કિસ્સો ચર્ચીત બન્યો..
ભુજ:
સરકારના કડક આદેશો અને એસબીની સતત કામગીરી વચ્ચે એક વાસ્તવિકતા એ છે. કે સરકારના કોઇપણ મહત્વના વિભાગમાં કોઇપણ કામ હોય પ્રસાદી વગર કામ આગળ વધતુ કે પુરૂ થતુ નથી. વિપક્ષ પણ સતત તેના આક્ષેપો કરે છે. અને લોકો પણ આવી ચર્ચા ચોરે ને ચોકે કરતા હોય છે. પરંતુ તે વચ્ચે જ્યારે કેટલાક મામલાઓ સામે આવે છે. ત્યારે તે કચેરીમાં કેવી લાલીયાવાડી હશે તેનો અંદાજ માત્ર લગાવી શકાય છે. આવુજ કઇક કચ્છની ખાણખનીજ વિભાગનુ હતુ. વ્યાપક ફરીયાદો વચ્ચે અંતે એસબીએ દરોડો પાડી ભુજ કલેક્ટર કચેરીમાં આવેલી ખાણ અને ખનીજ વિભાગની કચેરીમાં કરાર આધારિત આઈ.ટી.એક્ઝિક્યુટિવ તરીકે ફરજ બજાવતા કર્મચારી અને તેના સહયોગી ખાનગી વ્યક્તિને રૂ. ૫૦,૦૦૦/- ની લાંચ લેતા સફળ છટકું ગોઠવી ઝડપી પાડ્યા છે ઘટનાની વિગતે વાત કરીએ તો એક જાગૃત નાગરિકનુ સરકાર દ્વારા વર્ષ ૨૦૦૮માં મંજૂર થયેલી રેતીની લીઝનું ઓનલાઈન એકાઉન્ટ લોક થઈ ગયું હતું. નિયમ મુજબ ખનન કરેલ ખનીજના વહન માટે રોયલ્ટી પાસ જનરેટ કરવા એકાઉન્ટ અનલોક હોવું જરૂરી હતું.આથી ફરિયાદીએ કલેક્ટર કચેરી,ભુજ સ્થિત ખાણ અને ખનીજ કચેરીના આઈ.ટી. એક્ઝિક્યુટિવ (કરાર આધારિત) જીનીશ નિતિનભાઇ આચાર્યનો સંપર્ક કર્યો હતો.જે લીઝ એકાઉન્ટ અનલોક કરવાના બદલામાં આરોપી જીનીશ આચાર્યએ ફરિયાદી પાસે રૂ.૫૦,૦૦૦/- ની ગેરકાયદેસર લાંચની માંગણી કરી હતી.ફરિયાદી લાંચ આપવા માગતા ન હોવાથી તેમણે ભુજ એ.સી.બી.નો સંપર્ક કરી ફરિયાદ નોંધાવી હતી.ફરિયાદના આધારે એસીબીની ટીમે મુન્દ્રા રોડ પર એરોપ્લેન સર્કલ પાસે આવેલા જોષી દહીંવડા સેન્ટર ખાતે લાંચનું છટકું ગોઠવ્યું હતું.ટ્રેપ દરમિયાન આરોપી જીનીશ આચાર્યના કહેવાથી માઇનિંગ વિભાગમાં અરજી તૈયાર કરવાનું કામ કરતા ખાનગી વ્યક્તિ આરોપી આશિષ કાળૂભાઇ આચવડીયાએ ફરિયાદી પાસેથી રૂ. ૫૦,૦૦૦/- ની લાંચની રકમ સ્વીકારી હતી.રકમ સ્વીકારતા જ એસીબીની ટીમે બંને આરોપીઓને રંગેહાથ ઝડપી લીધા હતા અને લાંચની પૂરેપૂરી રકમ રિકવર કરી હતી.આ સફળ ટ્રેપ કામગીરી ભુજ એ.સી.બી.પોલીસ સ્ટેશનના પોલીસ ઇન્સ્પેક્ટર બી.એન. મોઢવાડીયા તથા તેમની ટીમ દ્વારા કરવામાં આવી હતી.બંને આરોપીઓ વિરુદ્ધ ગુનો નોંધી આગળની કાયદેસરની કાર્યવાહી હાથ ધરવામાં આવી છે.
કરારી આઈ.ટી.એક્ઝિક્યુટિવની આટલી હિંમત?
સામાન્ય રીતે આવા મામલામાં નિચેના કર્મચારી અને લોકો તો ફીટ થઇ જતા હોય છે.પરંતુ સામાન્ય લોકોના મનમાં હમેંશા પ્રશ્ના રહેતા હોય છે કે શુ સાહેબ નહી લેતા હોય…આ કિસ્સામાં નહી પરંતુ આવા અનેક મામલામાં આવુ ચર્ચાતુ હોય છે.ત્યારે સવાલ ચોક્કસથી થાય કે જો કરાર આધારીત કર્મચારી કાયદેસરનુ કામ કરવામાં આટલી લાંચની માંગણી કરવાની હિંમત કરતુ હોય તો શુ અધિકારી તેની આવી પ્રવૃતિથી અજાણ હશે..? શુ કચેરીમાં આવા સામાન્ય કાર્ય માટે આટલો વહીવટ કરવો પડતો હોય તો અન્ય કામોમા શુ થતુ હશે..? શુ આવી રકમનો ભાગ ઉપર સુધી પણ પહોંચતો હશે?આવા અનેક સવાલો છે. જેનો જવાબ એસીબી ઉંડી તપાસમાં ખુલી શકે.. હાલ બન્નેની ઉંડાણ પુર્વકની તપાસ શરૂ કરાઇ છે.
શુ કલેકટર પર સજ્ઞાંન લઇ તપાસ કરશે…?
કલેકટરની દેખરખ હેઠળની કચેરીમાં જ્યારે આવા કિસ્સા સામે આવે છે ત્યારે ચોક્કસથી લોકોના મનમાં અનેક સવાલો થતા હોય છે. કે શુ બધે આવુજ હશે ખાસ કરીને કચ્છમાં હાલમાં નહી પરંતુ વર્ષોથી ખાણખનીજ વિભાગની કચેરી ચર્ચામાં છે અગાઉ વ્યાપક ફરીયાદો ખાણખનીજ વિભાગ સામે થઇ છે.પરંતુ કાર્યવાહી થતા સમગ્ર વિભાગમાં ખળભડાટ મચી ગયો છે. કેમકે કચેરીના જાણકારો કહે છે. કે ખરેખર કચેરીમાં જાહેરનામાં છંતા કર્મચારી ન હોય તેવા એજન્ટ પ્રકારના વ્યક્તિઓની અવરજવર અને અધિકારીઓ પરની પકડ સહિતના મામલાઓની તપાસ કરવામાં આવે તો ચોક્કસથી આવી પ્રવૃતિ પર અંકુશ આવે અને ભવિષ્યમાં સરકારની છબીને બટ્ટો ન લાગે કેમકે કચ્છમાં લખપત,અબડાસા,માંડવીના ચોક્કસ વિસ્તારોમાં સુનીયોજીત રીતે ખનીજ ચોરીની વ્યાપક ફરીયાદો છે. ત્યારે અધિકારીઓની તેમાં ભુમીકાની તપાસણી કલેકટર સરકારી રાહે કરે તો ખાણખનીજ વિભાગમાં હડકંપ મચી જાય તેમ છે ત્યારે જોવુ રહ્યુ…કલેકટર આ મામલે શુ કાર્યવાહી કે તપાસ કરે છે…?
ભષ્ટ્રાચાર થાય બધે છે.પરંતુ દેખાય ત્યારેજ છે.જ્યારે એસબીની કાર્યવાહી થાય છે.પરંતુ ખરેખર સરકારી તીજોરીને કરોડો રૂપીયાથી છલકાવી દેતા ખાણખનીજ જેવા વિભાગોમાં સરકારી તીજોરી બહાર પણ કેટલુ અને શુ થાય છે તેની ઉંડાણપુર્વકની તપાસ થાય તો મોટુ કારસ્તાન સામે આવે તેમ છે. કેમકે ક્યાક મિલીભગત તો ક્યાક સરકારના કાયદાના ડ્રોબેકનો ફાયદો ઉઠાવી ચોક્કસ અધિકારી અને કર્મચારી સરકાર સાથે પોતાની તીજોરી પર ભરી રહ્યા છે. જે હવે સામાન્ય લોકો પણ જાણે છે. ત્યારે એસીબીની કાર્યવાહી પછી સરકાર આવા મામલાની ઉંડાણપુર્વક તપાસ કરાવે છે કે નહી તે જોવુ રહ્યુ…જો કે હાલ એસબીની કાર્યવાહી સરકારી વિભાગમાં ટોક ઓફ ધ ટાઉન બની છે.
2
