લાખો રૂપીયાના VIP પાસ, મોંધી ટીકીટો છંતા માતાજીની આરાધનાના નામે આયોજીત કોમર્શીયલ નવરાત્રી શિવાલિકાના આયોજકોએ સુરક્ષાની જવાબદારી લોકો પર ઢોર્યા બાદ વિવાદ સર્જાતા તંત્રની સ્પષ્ટ વાત સુરક્ષાની જવાબદારી નવરાત્રી આયોજકોની….
લાખોંદની શિવાલિકા પ્રાઇમ નવરાત્રીમાં સુરક્ષાનો મુદ્દો ભારે ચર્ચામાં રહ્યો હતો એક તરફ મોંઘા પાસ અને VVIP બેઠક વ્યવસ્થા અને બીજી તરફ મોંધી એન્ટ્રી ટીકીટ રાખ્યા પછી પણ ખેલૈયાઓની સુરક્ષા અંગે સવાલો ઉભા થયા હતા.શિવાલીકા ગ્રુપની નવરાત્રીની સત્તાવાર વેબસાઇટ પર દર્શાવાયેલી જવાબદારીમુક્તિની શરતોને પગલે ખેલૈયાઓની સુરક્ષાની જવાબદારી અંગે સવાલો ઊઠ્યા હતા જેમા આયોજકોએ લોકોને સ્પષ્ટ કહ્યુ હતુ કે તમારી જવાબદારી નવરાત્રીમાં આવવુ જો કે વિવાદ સર્જાતા આ મામલે કચ્છ વહીવટી તંત્રએ સ્પષ્ટતા કરતાં જણાવ્યું છે કે ખેલૈયાઓની સુરક્ષાની જવાબદારી આયોજકોની રહેશે.જો કે વિવાદ વધતા મીડિયાએ આ અંગે તંત્રનુ ધ્યાન દોર્યુ હતુ.એક તરફ વહીવટી તંત્ર દ્વારા વીમા અને સુરક્ષા સંબંધિત નિયમોનું પાલન કરવા સૂચના આપવામાં આવે છે,તો બીજી તરફ આયોજકોની વેબસાઇટ પર પોતાની જવાબદારી પર કાર્યક્રમમાં હાજરી આપવા અંગેની શરત હોવાના અહેવાલથી વિવાદ સર્જાયો હતો. જો કે વિવાદ વધ્યા બાદ આ મામલે ભુજના પ્રાંત અધિકારી મહેશ નાકિયાએ માહિતી આપતાં જણાવ્યું હતું કે ખેલૈયાઓની સુરક્ષાની જવાબદારી આયોજકોની રહેશે.વહીવટી તંત્ર દ્વારા આયોજકોને આયોજનના વીમા અંગેની જરૂરી વિગતો જાહેર કરવા સૂચના આપવામાં આપી હોવાનુ તંત્ર એ ઉમેર્યુ હતુ.સાથે મંજૂરી પણ એજ સરતોને આધીન આપી હોવાનુ ઉમેર્યુ હતુ. સાથે મંજુરી મળ્યા બાદ પણ સુરક્ષાના નિયમોનું પાલન થાય છે કે નહીં તેના પર તંત્ર નજર રાખશે.તંત્ર એ સાથે વિગતો આપી હતી કે નવરાત્રી દરમિયાન ખેલૈયાઓની સુરક્ષા અને કાયદો-વ્યવસ્થા જાળવવા પશ્ચિમ કચ્છ પોલીસ દ્વારા વિશેષ આયોજન કરવામાં આવ્યું છે. નવરાત્રી દરમિયાન રાત્રિના સમયે 28 પોલીસ ઇન્સ્પેક્ટર (PI) સહિતનો પોલીસ સ્ટાફ તૈનાત રહેશે. જો કે ત્યાર બાદ આયોજકોએ વિમા અને સુરક્ષા મુદ્દે વેબસાઇટમા સુધારો કર્યો હોવાનુ જાણવા મળ્યુ હતુ…
જો કે મહત્વની વાત એ છે કે મંજુરી બાદ મિડીયાએ ધ્યાન દોર્યુ ત્યારે તંત્રએ ખુલાસો કર્યો પરંતુ સુરક્ષા મામલે લાખોનો નફો કરતી કોમર્શીયલ ગરબી સંચાલકોએ આટલી મોટી બેજવાબદાર માહિતી જાહેર કરી હોવા છંતા તંત્ર એ મંજુરી કઇ રીતે આપી જો કે હવે નિયમો મુજબ આવી નવરાત્રીમાં તેનુ પાલન થાય છે કે નહી સમય મુજબ ગરબી બંધ થાય છે કે નહી તે સહિતની બાબતો પર તંત્ર ધ્યાન રાખે તે જરૂરી છે….જો કે આવી કોમર્શિયલ નવરાત્રી દર વર્ષે કચ્છમા કોઇને કોઇને વિવાદ ચોક્કસ સર્જે છે….
