ખંભરાના મતિયાદેવ મંદિરમાં ચોરી કરનાર‘ચડ્ડી બનીયાન ગેંગ’ ગીરફ્તમાં !

લોકોની આસ્થા સાથે જોડાયેલા મંદિરમા થયેલી ચોરીનો ભકે ઉકેલવો પોલીસ માટે પડકાર હતો તેવામાં સચોટ બાતમી આધારે વધુ ચોરીને અંજામ આપે તે પહેલા પોલીસે ગેંગને ઝડપી પાડી
​અંજાર
અંજાર વિસ્તારમાં લાખો લોકોની આસ્થા સાથે જોડાયેલ ખંભરા ગામમાં આવેલ પ્રખ્યાત મતિયાદેવ મંદિરમાં રાત્રી દરમિયાન દાનપેટી તોડી ચોરી કરનાર‘ચડ્ડી બનીયાન ગેંગ’નો અંજાર પોલીસે પર્દાફાશ કર્યો છે.પોલીસે બાતમીના આધારે કાર્યવાહી કરીને ચોરીમાં સંકળાયેલા ૪ આરોપીઓને ઝડપી પાડી મુદ્દામાલ રિકવર કર્યો છે.​પોલીસ પૂછપરછમાં સામે આવ્યું છે કે,મુખ્ય આરોપી મિથુન મોહનીયા બે મહિના પહેલા ખંભરા ગામમાં જી.ઈ.બી.ની અંડરગ્રાઉન્ડ વીજ લાઈન નાખવાની મજૂરી કામે આવ્યો હતો અને મંદિર પાછળ જ રોકાયો હતો.આ દરમિયાન તેની નજર મંદિરની દાનપેટી પર બગડી હતી.ત્યારબાદ તે રાજકોટ ગયો હતો અને પોતાના અન્ય સાગરીતો સાથે બોલેરો પીક-અપ ગાડી લઈને રાત્રિના સમયે ચોરી કરવા આવ્યો હતો.આરોપીઓએ સિનુગ્રા ગામના વાડી વિસ્તારમાંથી પણ એક મોબાઈલની ચોરી કરી હોવાની કબૂલાત કરી છે પોલીસે આ મામલે મિથુન વરસિંગ મોહનીયા (ઉં.વ. ૨૩, મૂળ ધાનપુર-દાહોદ, હાલ રાજકોટ),અંશુ બચુ કટારા (ઉં.વ. ૪૮, મૂળ ધાનપુર-દાહોદ, હાલ રાજકોટ),દિનેશ શબુરભાઈ ડામોર (ઉં.વ. ૩૦, મૂળ ગરબાડા-દાહોદ, હાલ રાજકોટ), નબળાભાઈ મોહનીયા (ઉં.વ. ૪૦, મૂળ ધાનપુર-દાહોદ, હાલ રાજકોટ) ને ઝડપી પાડ્યા હતા જ્યારે ચોરીમાં સામેલ ​જબલો ડામોર (રહે. ગરબાડા, દાહોદ),​સુમલો કટારા (રહે.ધાનપુર, દાહોદ) ,સાગર મોહનીયા (રહે. ધાનપુર, દાહોદ)ની સંડોવણી ખુલતા તેને ઝડપવા માટે ચક્રો ગતિમાન કર્યા છે.​અંજાર પોલીસે આરોપીઓ પાસેથી રોકડા ૪,૯૬૦/- અને ૨૦,૦૦૦ ની કિંમતના ૪ મોબાઈલ ફોન મળી કુલ ૨૪,૯૬૦/- નો મુદ્દામાલ રિકવર કર્યો છે. આ કામગીરીમાં ​પૂર્વ કચ્છ-ગાંધીધામ એસ.પી.સાગર બાગમાર અને નાયબ પોલીસ અધિક્ષક એમ.પી.ચૌધરીની માર્ગદર્શિકા હેઠળ અંજાર પી.આઈ.એચ.એ. જાડેજા,પી.એસ.આઈ.આર.પી.જાડેજા,એસ.જી.વાળા તથા અંજાર પોલીસ સ્ટાફ જોડાયો હતો.અને ચોરીનો ભેદ ઉકેલવામાં સફળતા મેળવી હતી.

પુર્વ કચ્છમાં તસ્કરોએ પોલીસને પડકાર ફેંક્યો છે. એક તરફ પશ્ચિમ કચ્છે આંતરરાજ્ય ચોરી ટોળકીને તાજેતરમાં પકડી હતી. તો પુર્વે કચ્છ પોલીસે પણ આવીજ ગેંગ ઝડપી પાડી છે. જો કે હજુ ચોરીના બનાવો અટકી રહ્યા નથી બે દિવસ પહેલા ચીરઇમાં લાખોની ચોરીને અંજામ અપાયો તો અંજાર વિસ્તારમાં પણ યાત્રાએ ગયેલા પરિવારના ઘરમાં ચોરીનો બનાવ બન્યો છે. જેને શોધવા પોલીસ માટે પડકાર