કચ્છ આમતો છેલ્લા બે વર્ષથી બળાત્કારની ઘટનાઓને લઇને ચર્ચામાં રહ્યુ છે તે પછી નલિયાકાંડ હોય કે પછી સગીરાઓ પર બનેલા ચકચારી બળાત્કાના કિસ્સાઓ ત્યારે નખત્રાણામાં વધુ એક સામુહીક બળાત્કારની ઘટના સામે આવી છે નખત્રાણાની બાજુમાંજ આવેલા એક ગામની પરિણીત મહિલાએ ફરીયાદ નોંધાવી છે જેમા તેનો આરોપ છે કે પાંચ શખ્સોએ તેની સાથે સામુહિક બળાત્કાર ગુજાર્યો જેમાં મુખ્ય આરોપી એવો મોહન આહિર ગણતરીની કલોકમાં ફરીયાદ બાદ પોલિસના હાથે ઝડપાઇ ગયો છે પોલિસે કરેલી પ્રાથમીક તપાસમા મોહન અને ભોગ બનનાર પરિણીતા આસપાસના ગામના હોવાથી એક બીજાના પરિચયમા છે અને તેથીજ લીફ્ટ લેતા સમયે મહિલા તેની કારમા બેસી ગઇ હતી પરંતુ આરોપીએ કાવતરૂ રચી તેને ઓફીસમા લઇ ગયો હતો અને ત્યાર બાદ મોહન આહિર અને અન્ય ચાર શખ્સોએ બળાત્કાર ગુજાર્યો હતો તો ત્યાર બાદ ઓફીસ બહારથી બંધ કરી નાસી છુટ્યા હતા ભોગ બનનારે તેના મિત્રની મદદથી મુક્ત થયા બાદ ફરીયાદ નોંધાવી છે અને હાલ મુખ્ય આરોપી ઝડપી તેની સાથેના અન્ય આરોપીઓ શોધવા પોલિસે ચક્રો ગતિમાન કર્યા છે 10 તારીખે મહિલાને લીફ્ટ આપવાના બહાને મોહન ઓફીસ લઇ ગયો હતો અને બળાત્કાર ગુજાર્યા બાદ તેઓ ફરાર થઇ ગયા હતા ભુજ નાયબ પોલિસ અધિક્ષક જે.એન.પંચાલે જણાવ્યુ છે કે તેની સાથે અન્ય કોની કોની સંડોવણી છે તે અંગે પોલિસ તપાસ કરશે જો કે સામુહિક બળાત્કારની ઘટનાને પગલે પોલિસના ઉચ્ચ અધિકારીઓ ઘટના સ્થળે દોડી ગયા હતા અને ઘટનાની ગંભીરતાને સમજી તપાસની વિગતો મેળવી હતી.
