એલ.સી.બી. અને એસ.ઓ.જી.પશ્ચિમ કચ્છની ટીમે 14 દિવસના ઓપરેશન બાદ ત્રણ આરોપી ઝડપ્યા પોલીસે વેસ બદલવા સાથે જોખમી અને મુશ્કેલ ઓપરેશન પાર પાડી મોટી કાર્યવાહી કરી કુખ્યાત આરોપી સહિત ત્રણ શખ્સોને ઝડપ્યા ફરાર એક શખ્સને ઝડપવા ચક્રો ગતિમાન
મુંદરા શહેરમાં તારીખ 09/02/2026ના રોજ એક જ્વેલર્સની દુકાનમાં લૂંટનો પ્રયાસ થયાની ઘટનાએ સમગ્ર કચ્છમાં ચકચાર મચાવી હતી.આ બનાવ અંગે મુંદરા પોલીસ સ્ટેશનમાં વિવિધ ગંભીર કલમો તળે ગુનો નોંધાયો હતો.જેમાં કાર્યવાહી દરમ્યાન એક આરોપી સ્થાનીક લોકોના પ્રયાસથી પકડાયા બાદ તેમાં સામેલ અન્ય આરોપીને પોલીસે પકડી પાડ્યા હતા. જો કે લુંટમાં સામેલ અન્ય લોકો ફરાર હતા ત્યારે પશ્ચિમ કચ્છ પોલીસને આ કેસમાં મોટી સફળતા મળી છે. પોલીસે આ ભેદ ઉકેલવા માટે વિવિધ ટીમ બનાવવા સાથે વિવિધ સીસીટીવી કેમેરા ચેક કરવા સાથે વિવિધ ટીમ બનાવી કચ્છ સહિત રાજ્યના અલગ-અલગ વિસ્તારો સહિત રાજ્ય બહાર પણ બાતમી આધારે ટીમ મોકલી હતી. જે સંદર્ભે ચિરાગ કોરડીયા રેન્જ આઇજી તથા વિકાસ સુંડાની સુચનાથી આરોપીઓને સત્વરે પકડી પાડવા કડક કામગીરી માટે ટીમો બનાવી હતી. જેમાં લોકલ ક્રાઇમ બ્રાન્ચના PSI મહિપાલસિંહ શીણોલ અને એસ.ઓ.જી.ના PI એ.ડી.પરમારના નેતૃત્વ હેઠળ વિશેષ ટીમો બનાવવામાં આવી હતી સાથે ટેકનિકલ સોર્સ અને હ્યુમન ઇન્ટેલિજન્સના આધારે આરોપીઓ રાજસ્થાન, ઉત્તર પ્રદેશ અને મધ્યપ્રદેશમાં છુપાયા હોવાની માહિતી મળતા ત્યા પણ ટીમો મોકલાઇ હતી. જેમાં ટીમ દ્વારા 14 દિવસ સુધી સતત સુરત તેમજ ઉત્તર પ્રદેશના આગ્રા, અલીગઢ, મથુરા, વૃંદાવન, ફતેહાબાદ અને રાજસ્થાનના ધોલપુર, ભરતપુર, બાડી-બસેડી તથા મધ્યપ્રદેશના મુરેના-ભિંડ અને ચંબલ વિસ્તારમાં તપાસ કરી હતીઆ દરમિયાન પોલીસે રીક્ષાચાલક, શાકભાજી વેચનાર અને ગુર્જર સમાજની વેશભૂષા ધારણ કરી ગુપ્ત ઓપરેશન ચલાવ્યું હતુ. જે બાદ સ્થાનીક પોલીસની મદદ પણ લીધી હતી. અને ત્રણ આરોપી દબોચી લીધા હતા. આ કામગીરી દરમ્યાન અલગ-અલગ રાજ્યમાંથી ત્રણ આરોપીઓ ઝડપાઇ ગયા હતા જે પૈકી કેટલાક ગંભીર ગુન્હામાં સામેલ છે.પોલીસે તપાસ દરમ્યાન રાજસ્થાનના ધોલપુર જિલ્લાના બાડી શહેરમાંથી સતીષ સોરણસિંગ શિકરવાલ,ઉત્તર પ્રદેશના આગ્રા જિલ્લાના ફતેહાબાદ વિસ્તારમાંથી રાજેશ ઉર્ફે પટેલ (મોટુ) નરેશભાઇ ગુર્જર અને આગ્રા જિલ્લાના જાગનેર વિસ્તારથી યુસુફ ઉર્ફે ટલ્લે શરીફ ખાનને ઝડપી પાડ્યો હતો.સ્થાનિક પોલીસ તથા ધોલપુર SPના સહકારથી આરોપીઓને ઝડપી પાડવામાં આવ્યા હતા. જે પશ્ચિમ કચ્છ પોલીસવડાના બેચમેટ હોવાથી સહકાર આપી મદદમાં જોડાયા હતા. પોલીસે ત્રણ આરોપી સાથે બે દેશી કટ્ટા બે જીવંત રાઉન્ડ સહિતનો મુદ્દામાલ પણ કબ્જે કર્યો હતો.પ્રાથમિક પૂછપરછમાં આરોપીઓએ ગુનાહિત કાવતરું રચી લૂંટનો પ્રયાસ કર્યો હોવાની કબૂલાત આપી હતી. જેના રીમાન્ડ મેળવી વધુ તપાસ હાથ ધરાશે પોલીસની તપાસમાં સામે આવ્યુ છે કે લુંટના આ બનાવમાં સતીષ શિકરવાલ અને રાજેશ ગુર્જર મુખ્ય સુત્રધાર રહ્યા છે. જ્યારે યુસુફ શરીફ ખાન આરોપીઓને આશરો આપ્યો હતો. આરોપીઓ વિરુદ્ધ અગાઉ પણ વિવિધ ગુનાઓ નોંધાયેલા હોવાની માહિતી સામે આવી છે. પણ વિગતો સામે આવી છે. આ સંપુર્ણ ઓપરેશનમાં લોકલ ક્રાઇમ બ્રાન્ચ, એસ.ઓ.જી.પશ્ચિમ કચ્છ અને મુંદરા પોલીસ સ્ટેશનના PI એસ.એમ.રાણા તથા પોલીસ સ્ટાફે સંકલિત રીતે કામગીરી પાર પાડી હતી.ઝડપાયેલા આરોપીઓને વધુ પૂછપરછ અને કાનૂની કાર્યવાહી માટે લોકલ ક્રાઇમ બ્રાન્ચને સોપવામાં આવ્યા છે.અગાઉ આ મામલે પોલીસે ભુજમાં કેટરીંગ કરતા આરોપીને ઝડપી પાડ્યો હતો. તો ધટના સમયે ઝડપાયેલા આરોપી પાસેથી પણ મહત્વની વિગતો મેળવી આ આખુ ઓપરેશન પાર પાડવામાં આવ્યુ હતુ. આરોપી પૈકી સતીષ સોરણસિંગ શિકરવાલ સામે રાજસ્થાન સુરત અને મધ્યપ્રદેશમાં 14થી વધુ ગંભીર ગુન્હા નોંધાયેલા છે.
