રાપર-ભચાઉમાં કરોડોની ગેરકાયદેસર રેતી/ખનીજનુ ખનન કરતા હિટાચી અને ટ્રકોને ઝડપી મદદનીશ કલેકટરની ટીમે ફરી સપાટો બોલાવ્યો છે.જો કે ખાણ ખનીજ હોય કે કોઇ પણ તંત્ર આ ખનીજ ચોરી કોના દ્વારા કરવામાં આવતી હતી તેની માહિતી ભાગ્યેજ બહાર આવી રહી છે.ત્યારે કાર્યવાહી સાથે તેની પાછળ કરાયેલી ઉંડાણપુવર્કની તપાસની માહિતી સામે આવે તે જરૂરી છે.
કચ્છમાં બેફામ બનેલા ખનીજ માફીયાઓ તંત્રના કાર્યવાહીના દેખાડા વચ્ચે બેફામ રીતે ખનીજ ચોરી કરી રહ્યા છે. તંત્રના ધ્યાને આવે છે ત્યારે કાર્યવાહી પણ કરવામાં આવે છે. પંરતુ તે સિવાયના વિસ્તારમાં સુનિયોજીત રીતે ખનીજ ચોરી થતી હોવાની ફરીયાદો ઉઠી રહી છે. જો કે કચ્છમાં હવે આ જાણે સામાન્ય વાત બની ગઇ છે. જો કે તે વચ્ચે ફરી એક વાર કલેકટર અનિલ રાણાવસિયાની સુચનાના પગલે અભિષેક ટાલે આઇએએસ મદદનીશ કલેકટર અને સબ ડિવિઝનલ મેજીસ્ટ્રેટ,ભચાઉ,તથા મામલતદાર એમ.કે.રાજપૂત,ભચાઉ,મામલતદાર એચ.બી.વાઘેલા,રાપર અને ખાણ-ખનીજ વિભાગની સંયુકત ટીમ દ્વારા ભચાઉ અને રાપર તાલુકામાં થઇ રહેલ ગેરકાયદેસર ખનન અને પરીવહન અન્વયે કાર્યવાહી હાથ ઘરવામાં આવી હતી.આ કાર્યવાહી દરમિયાન રાપર તાલુકાના લોદ્રાણી ખાતે આશરે ૨ એકરમાં ખનન કરતા ૦૨ હિટાચી,૦૩ ટ્રક, રાપર ખાતેથી ગેરકાયદેસર ખનીજનુ વહન કરતા કુલ-૧૩ ટ્રકો,જાટાવાડા ખાતે ખનન સાઇટ ઉપરથી ૦૧ ટ્રેકટર કમ લોડર,સુરજબારી ટોલપ્લાઝા ખાતેથી રોયલ્ટી વગરની ૦૪ ટ્રકો તથા ૧૫ ઓવરલોડ ટ્રકો તથા આઘોઇ,તા.ભચાઉ ખાતેથી ૦૧-હિટાચી સીઝ કરવામાં આવ્યુ હતુ.ઓવર લોડ વાહનો અંગે આર.ટી.ઓ.ને સાથે રાખી સ્થળ પર જ દંડની કાર્યવાહી હાથ ઘરવામાં આવેલ હતી.જેમાં કુલ રૂા.૩,૬૦,૦૦૦/-ની સ્થળ પર જ દંડની કાર્યવાહી કરવામાં આવી હતી.તેમજ લોદ્રાણી ખાતે થયેલ ગેરકાયદેસર ખનન સ્થળે આગળની કાર્યવાહી કરવા માટે ખાણ ખનિજ વિભાગની ટીમને જરૂરી સુચના આપવામાં આવી હતી.આ કાર્યવાહી દરમિયાન આશરે રૂપિયા ૮ કરોડનો મુદામાલ જપ્ત કરી વાહનો વિરુધ્ધ ગુજરાત મિનરલ્સ પ્રિવેશન ઇન લીગલ માઇનીંગ, ટ્રાન્સપોર્ટેશન એન્ડ સ્ટોરેજ રૂલ્સ, ૨૦૧૭ મુજબ કાયદેસરની કાર્યવાહી કરી દંડની કાર્યવાહી અર્થે નજીકના પોલીસ સ્ટેશનમાં વાહનોનો કબ્જો સોપવામાં આવ્યો હતો.
કચ્છમાં બેફામ ખનીજ ચોરી કરે છે. કોણ…?
કચ્છમાં સમયાંતરે ખનીજ ચોરીનો પ્રદાર્ફાસ થાય છે.પરંતુ લાખો કરોડોના સાધનો સાથે ડ્રાઇવરને પકડાયાનુ દર્શાવી વધુ તપાસ હેઠળ કાર્યવાહીનુ રટણ કરાય છે.અને પ્રેસયાદી પ્રસિધ્ધ કરી દેવાય છે. તે પછી પોલીસ હોય કે પછી ખાણ ખનીજ વિભાગ પરંતુ ખરેખર મોટી માત્રામાં ઝડપાતી ખનીજ ચોરી શુ ડ્રાઇવરો કરતા હતા. તેની પાછળ કોણ છે. કોની શુ ભુમિકા છે તેની તપાસ થતી નથી તેવામાં દંડ ભરી પડદા પાછળના વાઇટ કોલર વ્યક્તિઓ છટકી જાય છે. તેવુ જાણકારોનુ માનવુ છે. તાજેતરમાંજ ભચાઉના નારણસરી સીમમાં બિનખેતી પરવાનગી વિના ચાલતા ગેરકાયદે રેતી વોશિંગ પ્લાન્ટ પર વહીવટી તંત્ર અને ખાણ-ખનીજ વિભાગે સંયુક્ત દરોડો પાડ્યો હતો. પરંતુ આખો પ્લાન્ટ કોણે ઉભો કર્યો તેની કોઇને ખબર નથી.તો તાજેતરની કાર્યવાહીમાં પણ સાધનો જપ્ત કરાયા છે. પરંતુ કદાચ ઓવરલોડ મામલે તંત્ર વધુ વાહનો હોય વિગત જાહેર ન કરે પરંતુ ૨ એકરમાં ખનનની પ્રવૃતિ કોણ કરતુ હતુ તેની વિગત સુધ્ધા નથી. જો કે અત્યાર સુધીની યાદી જોતા એટલુ સ્પષ્ટ થાય છે. કે વાહનના ચાલકો સિવાય મોટાભાગના મામલામાં તંત્રએ કામગીરીની યાદી પ્રસિધ્ધ કરી તેમ આવા ખનીજચોરોને બાદમાં ખુલ્લા પાડ્યા હોય..બાકી ડ્રાઇવરો તથા અન્ય જવબાદારોની હિંમત નથી કે આટલુ સાહસ મંજુરી વગર કરી શકે…ત્યારે તેના પાછળના ચહેરાઓ બનકાબ થતા નથી.
કચ્છમાં આમતો ખનીજ ચોરી બેફામ છે. તે વચ્ચે તંત્રની કાર્યવાહી ચોક્કસ સરાહનીય છે.પરંતુ તેના પર લગામ માટે તમામ ટીમો સ્યુક્ત રીતે કાર્યવાહીમાં પણ ઉતરે તે જરૂરી છે.પરંતુ માત્ર કાર્યવાહીના દેખાડા અને વાહવાઇ કરતા ખરેખર આવી મસમોટી ખનીજ ચોરીમાં સામેલ લોકોના નામ પણ તંત્ર ખોલી વાહવાહી મેળવે તે એટલુ જ જરૂરી છે.કલેકટરની સુચનાથી ખાણખનીજ વિભાગ કરે કે પ્રાન્ત અધિકારીઓ કે પછી પોલીસ કરે માત્ર કાર્યવાહી કરી તેની યાદી પ્રસિધ્ધ કરવાથી આવી પ્રવૃતિ અટકશે નહી…પરંતુ ખનીજ ચોરીમાં કરોડો રૂપીયાની મશિનરી લગાવી બેફામ ખોદતા ખનીજ ચોરો કોણ કોણ છે. તેના નામ ખુલ્લા પડશે ત્યારે તેના પર મહંદ અંકુશ આવશે..આશા રાખીએ કે કાર્યવાહીની સાથે ખનીજ ચોરીમાં સામેલ લોકોના નામ પણ તંત્ર આપે.
