એસએમસી એ ફરી આડેસર વિસ્તારમાં દારૂની મોટી કાર્યવાહી કરતા સ્થાનીક પોલીસની કીમગીરી સામે અનેક સવાલો,604 પેટી દારૂ સાથે એક ઝડપાયો જો કે ધટના બાદ આડેસર PI લીવ રિઝર્વમાં સ્થાનીક પોલીસને અંધારામાં રાખી સતત એસએમસી કરી રહી છે.કાર્યવાહી
ગાંધીધામ
પૂર્વ કચ્છના ગાંધીધામ જિલ્લામાં ગેરકાયદે દારૂની હેરાફેરી સામે સ્ટેટ મોનિટરિંગ સેલ (SMC) દ્વારા પાડવામાં આવેલા મોટા દરોડા બાદ પોલીસ વિભાગમાં ભારે ખળભળાટ મચી ગયો છે. રાપર તાલુકાના ભીમાસર ગામમાં હાથ ધરવામાં આવેલી કાર્યવાહી દરમિયાન રૂ. 63 લાખથી વધુનો વિદેશી દારૂ અને બિયરનો જથ્થો ઝડપી પાડવામાં આવ્યો હતો.આ ઘટનાના પ્રત્યાઘાતરૂપે આડેસર પોલીસ સ્ટેશનના PIને તાત્કાલિક અસરથી લીવ રિઝર્વમાં મૂકી દેવામાં આવ્યા હતા. રાજ્ય પોલીસ મહાનિદેશક જી.એસ.મલિકની સૂચનાથી સ્ટેટ મોનિટરિંગ સેલના PSI કે.ડી.રવિયા અને તેમની ટીમે ભીમાસર ગામમાં પૃથ્વીરાજસિંહના બંધ મકાન તેમજ દુકાનમાં દરોડો પાડ્યો હતો.તપાસ દરમિયાન ભારતીય બનાવટના વિદેશી દારૂ (IMFL) અને બિયરની કુલ 604 પેટીઓ (અંદાજે 23,729 બોટલ) મળી આવી હતી.પોલીસે રૂ. 62,95,061ની કિંમતનો દારૂ-બિયર, 1 મોબાઇલ ફોન તેમજ રોકડ રકમ મળીને કુલ રૂ. 63,08,761/-નો મુદ્દામાલ કબજે કર્યો હતો. દરોડા દરમિયાન પોલીસે સ્થળ પરથી એક આરોપીની ધરપકડ કરી છે,જ્યારે અન્ય ત્રણ આરોપીઓ સામે ગુનો નોંધી તેમની શોધખોળ હાથ ધરી છે ઝડપાયેલ આરોપીમાં રામદેવસિંહ દિલુભા વાઘેલા (રહે. ભીમાસર, તા. રાપર, જિ. કચ્છ) જ્યારે વોન્ટેડ આરોપીઓમાં હરદેવસિંહ દિલુભા વાઘેલા (રહે. ભીમાસર, તા. રાપર, જિ. કચ્છ) પટેલ જ્ઞાતિનો એક શખ્સ (નામ-સરનામું અજ્ઞાત) તથા ઠેકા ઉપરથી ગેરકાયદેસર રીતે માલ ભરી આપનાર વ્યક્તિ સામે ફરીયાદ નોંધાવાઇ છે.સ્થાનિક પોલીસની બેદરકારી કે સંડોવણી? અંગેની તપાસના ભાગરૂપે આડેસર પોલીસ સ્ટેશનના PIની તાત્કાલિક અસરથી લીવ રિઝર્વમાં બદલી કરવામાં આવી હતી.આ મામલે આડેસર પોલીસ સ્ટેશનમાં પ્રોહિબિશન એક્ટ તેમજ ભારતીય ન્યાય સંહિતા (BNS) ૨૦૨૩ ની વિવિધ કલમો હેઠળ ગુનો નોંધવામાં આવ્યો છે.દારૂનો આટલો મોટો જથ્થો ક્યાંથી લાવવામાં આવ્યો હતો અને કોને સપ્લાય કરવાનો હતો તે અંગે પોલીસે ઊંડાણપૂર્વકની તપાસ શરૂ કરી છે. જો કે કચ્છમાં એસએમસીનો દરોડો એ કોઇ નવી વાત નથી તાજેતરના વર્ષમાં પુર્વ હોય કે પશ્ચિમ કચ્છ એસએમસીએ સપાટો બોલાવ્યો છે. ખાસ કરીને પશ્ચિમ કચ્છમાં ઉપરા-ઉપરી કાર્યવાહી કરી સ્થાનીક પોલીસની કામગીરી સામે અનેક સવાલો ઉભા કર્યા છે. તે વચ્ચે હવે પુર્વ કચ્છમાં મોટી કાર્યવાહી કરી લાખો રૂપીયાનો દારૂ ઝડપી પાડવામાં આવ્યો છે.જો કે સૌથી મહત્વની બાબત એ છે. કે સ્થાનીક પોલીસ,રાજ્યની ખાસ પોલીસ ટુકડીની સતત કાર્યવાહી છંતા બુટલેગરો બેફામ બન્યા છે. અને લાખો રૂપીયાનો દારૂ ઉતારી રહ્યા છે. જે સવાલો અનેક ઉભા કરે છે. જો કે ખાસ કરીને આવી કાર્યવાહી બાદ સ્થાનીક પોલીસની બેદરકારી અંગે પણ ઉચ્ચકક્ષાએથી તપાસ થાય તે જરૂરી છે. તોજ આવા મામલામાં સ્થાનીક પોલીસની ભુમિકા પરથી પરદો ઉંચકાઇ શકે તેમ છે. જો કે સવાલ એ ચોક્કસ થાય કે આટલુ મજબુત નેટવર્ક કચ્છમાં બે એસપી અને રેન્જ આઇજીની સતત મોનીટરીંગ છંતા દારૂ,સટ્ટો સહિતના મોટા કારસ્તાનો બહારથી આવી પોલીસ પકડી રહી છે.જે સ્થાનીક પોલીસની નિષ્ફળતા સામે અનેક સવાલો ઉભા કરે છે.
કચ્છમાં એસએમસીની સતત નજર…!
સ્થાનીક અખબારોના અહેવાલ અને સુત્રો પાસેથી મળેલી જાણકારી મુજબ એસએમસી દ્વારા સમગ્ર ગુજરાતમાં કાર્યવાહી કરાઇ રહી છે. પરંતુ પાછલા દોઢ વર્ષની વાત કરીએ તો કચ્છમાં એસએમસીએ અનેક સફળ દરોડો પાડ્યા છે. જેમાં દારૂ,જુગાર અને સટ્ટા સહિતની પ્રવૃતિ ઝડપી છે. છેલ્લા દોઢ માસમાંજ પશ્ચિમ કચ્છમાં એસએમસીએ 12 સફળ દરોડા પાડ્યા હતા.તો પુર્વ કચ્છ પણ તેમાં બાકાત નથી અહી પણ દારૂના અનેક દરોડા એમએમસીએ પાડ્યા છે. જો કે મોટાભાગના કિસ્સામાં સ્થાનીક પોલીસની જવાબદારી નક્કી કરી કાર્યવાહી કરી મામલો રફદફે કરી દેવાય છે. પરંતુ ખરેખર તો આટલા બધા મામલામાં જવાબદાર ઉચ્ચ પોલીસ અધિકારીઓ મહત્વની બ્રાન્ચ ,રેન્જ કચેરીની ખાસ સેલ શુ? કરતી હતી તે એક મોટો સવાલ છે. જો કે સ્ટેટ મોનીટરીંગ સેલ કચ્છમાં સતત કાર્યવાહી કરી કરોડોનો દારૂ સહિતની બદ્દીઓ સામે કાર્યવાહી કરી રહી છે.
સ્થાનીક પોલીસ પણ કચ્છમાં કાર્યવાહી કરી રહી છે.પરંતુ અસરકારક કામગીરીનો અભાવ અને બેફામ બનતા બુટલેગરો જાણે પોલીસને ગાંઠતા ન હોય તેમ છાસવારો કચ્છમાં કરાડો રૂપીયાનો દારૂ ઠાલવી રહ્યા છે.જે કચ્છની સ્થાનીક પોલીસની કામગીરી સામે અનેક સવાલો ઉભા કરે છે. એસએમસીએ અનેકવાર આવી કાર્યવાહી કરી પોલીસનુ નાક કાપ્યુ છે. ત્યારે અસરકારક કામગીરીના દાવા કરતા એસપી-આઇજી આ મામલામાં આત્મમંથન કરે તે સરહદી જીલ્લાના હિતમાં છે.
