કચ્છ જિલ્લા કોંગ્રેસ દ્વારા મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે ભુજમાં વિરોધ પ્રદર્શન તો આ તરફ કોંગ્રેસ સાંસદ અને રાહુલ ગાંધીના વિરોધમાં કચ્છ જિલ્લા ભાજપ મહિલા મોરચા દ્વારા ધરણા પ્રદર્શન યોજાયું જે દરમ્યાન ભાજપ-કોગ્રેસની જોરદાર ટક્કર થઇ
ભુજ:
કચ્છમાં આજે રાષ્ટ્રીય વિરોધના સુરમાં સુર પુરાવવા માટે ભાજપ અને કોગ્રેસ બન્નેએ કચ્છના મુખ્ય મથક ભુજ ખાતે વિરોધ પ્રદર્શનો કર્યા હતા.કોગ્રેસે કાળા રંગના કપડા પહેરી તેમજ મુખ્ય ચૂંટણી કમિશનર, વડાપ્રધાન મોદી અને અમિત શાહના મુખોટા પહેરીને વિરોધ નોંધાવ્યો હતો. તો ભાજપ મહિલા મોરચા દ્વારા કચ્છ કોંગ્રેસ કાર્યાલય સામે ધરણા પ્રદર્શન યોજવામાં આવ્યું હતું. જો કે તે સમયે ભારે તંગ સ્થિતી બની હતી. આવો જાણીએ વિસ્તારથી સમાચાર ભુજમાં આજે મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે અને S.I.R. મુદ્દે કચ્છ જિલ્લા કોંગ્રેસ સમિતિ દ્વારા ભુજ ખાતે ભીડનાકા પોલીસ ચોકીથી સરદાર વલ્લભ પટેલની પ્રતિમા સુધી ભવ્ય રેલી અને વિરોધ પ્રદર્શન યોજવામાં આવ્યું હતું. જેમાં કોગ્રેસે અનોખો વિરોધ નોંધાવ્યો હતો.કચ્છ જિલ્લા કોંગ્રેસ સમિતિના પ્રમુખ વી.કે.હુંબલની આગેવાનીમાં આયોજિત આ રેલીમાં ભાજપ સરકાર આવ્યા બાદ ચૂંટણી પંચ ભાજપના દલાલ તરીકે કામ કરી રહ્યું છે.તેવા આરોપો સાથે વિરોધ કરાયો હતો.સરની કામગીરી સામે કચ્છ અને ગુજરાત સહિત દેશમાં થયેલી કામગીરી સામે સવાલો ઉભા કરી વિરોધ નોંધાવાયો હતો.આ વિરોધ કાર્યક્રમમાં જિલ્લા કોંગ્રેસ સમિતિના હોદ્દેદારો, ભુજ શહેર તથા તાલુકા કોંગ્રેસના હોદ્દેદારો,ચૂંટાયેલા પ્રતિનિધિઓ અને મોટી સંખ્યામાં કાર્યકરો ઉપસ્થિત રહ્યા હતા. કોગ્રેસનો આ અનોખો વિરોધ ચર્ચામાં રહ્યો હતો તો બીજી તરફ કોંગ્રેસી સાંસદ બિમોલ અકોઈજમ સામે મહિલાઓના ઉત્પીડનના મામલે કાર્યવાહી કરવાને બદલે રાહુલ ગાંધી દ્વારા તેમને છાવરવામાં આવી રહ્યા હોવાના આક્ષેપ સાથે મહિલા મોરચાના આગેવાન બહેનોએ કોંગ્રેસ અને રાહુલ ગાંધી સામે વિરોધ વ્યક્ત કરતાં વિવિધ સૂત્રોચ્ચાર કર્યા હતા. જેમાં “મહિલા વિરોધી સાંસદને સંરક્ષણ આપવાનું બંધ કરે રાહુલ ગાંધી” તથા “એક કચોરી, દો સમોસા, રાહુલ ગાંધી પર નહીં ભરોસા” જેવા સૂત્રો સાથે વિરોધ પ્રદર્શન કરી પોતાનો રોષ વ્યક્ત કર્યો હતો.જેમાં મહિલા મારચાના અગ્રણીઓ જોડાયા હતા.
અને ભાજપ-કોગ્રેસની મહિલાઓ સામે-સામે આવી
કોગ્રેસ કાર્યાલય બહાર ભાજપે લાંબા સમય બાદ આ રીતે વિરોધ પ્રદર્શન કર્યુ હશે પરંતુ રાષ્ટ્રીય વિરોધને પગલે ભુજમાં પણ કોગ્રેસ કાર્યાલય સામે વિરોધ દરમ્યાન પોલીસની હાજરી છંતા ભાજપ-કોગ્રેસના કાર્યક્રરો સામે આવી જતા મામલો થોડા સમય માટે તંગ બન્યો હતો.ભાજપની મહિલાઓ વિરોધ માટે પહોચી ત્યારે કોગ્રેસના અગ્રણીઓ પણ ધસી આવ્યા હતા અને એકબીજાએ સામે-સામે સુત્રોચ્ચાર સાથે નજીક આવી જતા પોલીસની વચ્ચે પડવુ પડ્યુ હતુ. અને મામલો વધુ ઉગ્ર બને તે પહેલા પોલીસે થાડે પાડ્યો હતો. જો કે આ વિરોધ દરમ્યાન કેટલીક અશોભનીય હરકતોનો ગણગણાટ રાજકીય પાર્ટીઓમાં જોવા મળ્યો હતો.પરંતુ ન ભાજપે આ મામલે કોઇ આક્ષેપ કર્યા કે ન કોગ્રેસે પરંતુ થોડા સમય માટે સમગ્ર વિસ્તારમાં અફરાતફરી મચી ગઇ હતી. જો કે કોગ્રેસના પુરૂષ કાર્યક્રરો પણ ભાજપની મહિલાઓ સામે સુત્રોચ્ચાર સહિતના સમર્થનમાં ઉતરી પડ્યા હતા.ભાજપની મહિલાઓએ આ ધટનાને વખોડી હતી.તો ભાજપની મહિલાઓ દ્વારા લાકડીથી હુમલો કરાયો હોવાના વિડીયો મુકી કોગ્રેસે પણ ધટનાને વખોડી હતી.
કચ્છમાં કોગ્રેસનો અનોખો વિરોધ અને ભાજપ મહિલા મોરચાએ કરેલા કોગ્રેસ કાર્યાલય બહારના વિરોધનો મામલો દિવસભર ટોક ઓફ ટાઉન બન્યો હતો.જો કે થોડા સમયમાં પોલીસે સ્થિતી સામાન્ય બનાવી હતી.જો કે સામાન્ય લોકો અને જે વિસ્તારમાં વિરોધ થયો ત્યાના લોકો માટે ભાજપ-કોગ્રેસની ટક્કર જોણુ બની હતી.એક સમયે સ્થિતી તંગ બની હતી. અને જપાજપી સુધી મામલો પહોચ્યો હતો. જો કે પોલીસે મહા મુશ્કેલીએ મામલો થાડે પાડ્યો હતો.
