ભુજની કોમર્શિયલ નવરાત્રીના એક સિંગરની શેરી ગરબામાં ગાયન કરવાની જીદ્દ ભારે વિવાદનુ કારણ બની હતી.જો કે હજારો લોકોની હાજરીમાં બનેલા આ બનાવે ભારે ચકચાર સર્જી હતી. વિવાદ એટલો વકર્યો કે નવરાત્રીનુ લાઇવ વિડીયો રેકોડીંગ દુર કરવુ પડ્યુ.સભ્ય સમાજ માટે આ કિસ્સો લાલબત્તી સમાન છે.કેમકે વિધર્મી મુક્ત નવરાત્રી સાથે હવે અધર્મી મુક્ત નવરાત્રી અંગે લોકોને વિચારવુ પડશે તો જ આવા બનાવો અટકશે…..
કચ્છ અને ગુજરાતમાં હાલ નવરાત્રીની ઉજવણી સાથે કેટલીક જગ્યાએ બનતા નાના-મોટા બનાવો અને વિવાદોને કારણે પણ નવરાત્રી ચર્ચામાં છે. તેવામાં ભુજમાં કોમર્શિયલ નવરાત્રીનો વિરોધ,માતાજીની અવગણના અને સુરક્ષાના મુદ્દે થઇ રહેલી ચર્ચા વચ્ચે એક વિવાદ અને ભારે સવાલો સર્જતો કિસ્સો સામે આવ્યો છે. જેના પગલે નજરે જોનારા અને આ કિસ્સો જે લોકો સુધી પહોચ્યો છે. તે લોકો મોઢામાં આંગણા નાંખી ગયા છે. તો કાયદો વ્યવસ્થા અને સુરક્ષાના દાવા કરતી પોલીસ સામે પણ આ કિસ્સાએ અનેક સવાલો ઉભા કર્યા છે.જો કે બનાવ પાછળનુ કારણ નજીવુ જ છે. બસ એક ગાયકને ગીત ગાવા ન મળ્યુ અને તેમાં વિવાદ સર્જાયો પરંતુ તે પાછળના કિસ્સા અને કારનારા સરહદી કચ્છ માટે ચિંતાજનક છે. થોડા સમય માટે વોકળા ફળિયામાં આયોજીત નવરાત્રીમાં સર્જાયેલા આ વિવાદથી ભારે ગરમાગરમી અને દોડધામનો માહોલ સર્જાયો હતો.જો કે વિલા નવરાત્રીમાંથી ભદ્રેશ શાહનો અને વોકળા નવરાત્રીના આયોજકોનો આ અંગે ટેલીફોનીક સંપર્ક કરી સમગ્ર મામલે વધુ વિગતો જાણવાનો પ્રયત્ન કરાયો હતો પરંતુ કોઇનો સંપર્ક થઇ શક્યો ન હતો. જો કે લોકોમાં ગણગણાટ છે. તેનુ સાચુ સત્ય તો પોલીસ અને તંત્ર જ શોધીને બહાર લાવી શકે તેમ છે….
વિલાના ગાયકને ગીત ગાવા ન મળ્યુ અને……..
કચ્છમાં હાલ ખૈલયાઓ મનમુકીને નવરાત્રીનો આંદન માણી રહ્યા છે. તે પછી શેરી ગરબા હોય કે કોમર્શિયલ પરંતુ તે વચ્ચે કચ્છની સૌથી પ્રાચિન એવી વોકળા ફળીયા ગરબીમાં એક અજુગતો બનાવ બની ગયો ખૈલયાઓ તેની મસ્તીમાં હતા.હૈયાથી હૈયુ દળાય એટલુ જનમેદની ગરબા રમવામાં વ્યસ્ત હતી. તે વચ્ચે ભુજની ભાગોળે યોજાતી કોમર્શિયલ નવરાત્રી ધ વિલાનો એક સિંગર આયોજકો સાથે મોડી રાત્રે વોકળા ફળીયામાં પહોચ્યો હતો.અને થોડી વારમાંજ તેને ગીત ગાવાની ઇચ્છા વ્યક્ત કરી હતી.જો કે આયોજકોએ સ્પષ્ટ કહ્યુ કે તેમના કલાકારો સિવાયના કોઇને અહી છુટ નથી…બસ પછી તો શુ મદમસ્ત બનેલા ગાયક કલાકારે આખી નવરાત્રી માથે લીધી હતી.શૈલેષ બારોટને જ્યારે આયોજકોએ ગાવાની ના પાડી તો તેને અપશબ્દો બોલવા સાથે ધાંધલ ધમાલ કરી હતી.જેના કારણે થોડા સમય માટે લોકો સ્તબંધ થઇ ગયા હતા. જો કે બાદમાં પોલીસને બોલાવી તેને દુર બેસાડી રખાયો હતો.જો કે સુત્રોનુ માનીએ તો બાદમાં મામલો બદનામીના ડરે સંકેલી લેવામાં આવ્યો હતો.
જો કે વિવાદમાં આ સવાલો અગત્યના….!
નજરે જોનારા અને ત્યા ઉપસ્થિત લોકોને જ્યારે આ અંગે પુછાયુ ત્યારે તેઓએ આવી ધટના બની હોવાનુ કહ્યુ હતુ. ત્યારે આ મામલે જ્યારે ઉંડાણ પુર્વકની તપાસ કરાઇ ત્યારે અનેક ગંભીર ધટનાઓ સામે આવી..જેમાં એક એ કે જેના કારણે આ સમગ્ર વિવાદ થયો તે ગાયક કલાકાર શુ નશામાં ધુત હતો..?જો હતો તો પોલીસે સમગ્ર મામલે કેમ કોઇ કાર્યવાહી કરી નહી.કદાચ પીધેલો ન હતો.તો પણ પોલીસની હાજરીમાં બનેલા બનાવ સંદર્ભે પોલીસે કેમ કોઇ કાર્યવાહી કરી નહી..બીજી તરફ ભુજની આ પ્રાચિન વોકળા નવરાત્રીનુ રોજ લાઇવ કરવામાં આવે છે.જે લાઇવ વિવાદ થયો તે દિવસે દુર કરી દેવામાં આવ્યુ હતુ.જે દુર કરાવામાં પોલીસની શુ ભુમિકા હતી? તે તપાસ માંગી લે તેવો વિષય છે.જો ખરેખર કલાકર નશાની હાલતમાં હતો તો તેની સાથે આવેલા આયોજકો આ વાતથી અજાણ હતા.કે પછી જે કોમર્શિયલ નવરાત્રીમાંથી તે આવતો હતો ત્યા આ બાબત સામાન્ય છે…..સવાલો અનેક છે.અને પોલીસના ઉચ્ચ અધિકારીઓ ખરેખર અંધારામાં હોય તો તપાસ કરી આ મામલે કાર્યવાહી કરવી જોઇએ…તેવો ગણગણાટ લોકોમાં છે.જો કે ગાયક કલાકાર નશામાં હતો કે નહી તે વાતની પુષ્ટ્રી ન્યુઝ4કચ્છ કરતુ નથી.પરંતુ તેને ધાંધલ ધમાલ કરી ભારે અપશબ્દોનો મારો ચલાવ્યો હતો.તેવુ અનેક નજરે જોનારાએ કહ્યુ…
નાનકડા એવા ભુજમાં આવી વાત છાની રહે નહી..તેમ વાત તો વાયુ વેગે પ્રસરાઇ ગઇ પરંતુ કોઇ પણ આ મામલે શરમમાં મગનુ નામ મરી પાડવા તૈયાર નથી.જો કે સમગ્ર કચ્છ માટે આ બનાવ ચિંતાનજક એટલે છે.કે વિધર્મી મુક્ત નવરાત્રીની કલ્પના વચ્ચે આપણે અધર્મી મુક્ત નવરાત્રી માટે પણ વિચારવુ પડશે અને આવા વિધ્ન નાંખતા કોઇપણ સમાજના હોય તેને આવા આયોજનથી દુર રાખવા પડશે તો પોલીસે પણ બંધારણ અને કાયદાની જોગવાઇનુ પાલન કરતા કોઇપણ ચમરબંધીને ન છોડી મોટા માથાઓની શરમ રાખ્યા વગર કડક કાયદાકીય કાર્યવાહી કરવી પડશે..જો કે હવે કાર્યવાહી થાય છે કે નહી…તેના પર સૌની નજર રહેશે..
