નાની-મોટી વાતમાં પણ પ્રેસનોટ આપી વાહવાઇ મેળવતી પશ્ચિમ કચ્છ પોલીસની આબારૂના લીરેલીરા સ્ટેટ મોનીટરીંગ સેલે ઉડાડ્યા છે. એક તરફ જ્યા રાજ્યના પોલીસવડા સરહદી કચ્છમાં સુરક્ષા વ્યવસ્થાની સમિક્ષા કરવા આવી રહ્યા છે તે વચ્ચે કટીંગ પહેલાજ એસએમસીએ લીસ્ટેડ બુટલેગરનો ચાર કરોડનો દારૂનો જથ્થો ઝડપી પોલીસની સક્રિયતા સામે ગંભીર સવાલો ઉભા કર્યા છે.
આમતો માત્ર કચ્છ માટે આવુ લખવુ અપવાદ ગણાશે કેમકે સમગ્ર ગુજરાતમાં આજ સ્થિતી છે. અને જ્યા જુઓ ત્યા દારૂની રેલમછેલના ગંભીર આક્ષેપો અને મામલાઓ સામે આવી રહ્યા છે. પરંતુ કચ્છ સરહદી જીલ્લો હોવાથી અહી સ્થાનીક પોલીસની નાનકડી પોલમપોલ અને સુરક્ષા કચાસ ગંભીર પરિણામો તરફ દોરી જાય તેમ છે. છેલ્લા કેટલાક મહિનામાંજ એસએમસી,સ્થાનીક પોલીસે કરેલી કાર્યવાહીથી એટલુ સ્પષ્ટ થયુ છે. કે કચ્છમાં કરોડો રૂપીયાનો દારૂ ઠલવાઇ રહ્યો છે. પરંતુ આવી કામગીરી વચ્ચે પશ્ચિમ કચ્છની સ્થાનીક પોલીસનો જાણે ડર જ ન હોય તેમ બુટલેગરોએ કરોડો રૂપીયાનો દારૂ મંગાવ્યો હતો.જો કે સ્થાનીક પોલીસને અંધારામાં રાખી એસએમસી છેક ગાંધીનગરથી કચ્છ દોડી આવી અને ભુજ નજીકથી કટીંગ પહેલાજ કરોડો રૂપીયાનો દારૂનો જથ્થો ઝડપી પાડ્યો હતો. જેમાં લીસ્ટેડ બુલટેગરના નામ ખુલવા સાથે કરોડોના મુદ્દામાલ સાથે બે શખ્સો આબાદ ઝડપાઇ ગયા હતા જેને સ્થાનીક પોલીસને સુપ્રત કરવામાં આવ્યા છે.એક તરફ જ્યા સ્થાનીક પોલીસ રાજ્યના પોલીસવડાને આવકારવાની તૈયારીમાં વ્યસ્ત છે. તે વચ્ચે એસએમસીએ કચ્છમાં કાયદો વ્યવસ્થાની સ્થિતી કેટલી હદ્દે કથળેલી છે. તેની સમિક્ષા માટે રાજ્યના ડીજીપીને એક મુદ્દો આપી દીધો.દારૂના દરોડાએ પશ્ચિમ કચ્છ પોલીસ બેડામાં ભારે ખડભડાટ મચાવ્યો છે.વિગતે વાત કરીએ તો ચોક્કસ બાતમી આધારે એસએમસી દ્વારા ભુજ તાલુકાના વડવાળા ગામે દારૂની કટિંગ સમયે રેડ કરવામાં આવી હતી. જે દરમ્યાન કોઇ નામચીન તો હાથે લાગ્યુ ન હતુ. પરંતુ સ્થળ પરથી ચાર કરોડની કિંમતનો 56,088 બોટલ દારૂનો જથ્થો તથા વિવિધ વાહનો મળી પાંચ કરોડથી વધુનો મુદ્દામાલ મળી આવ્યો હતો. પધ્ધર પોલીસની હદ્દમાં થયેલી આ કાર્યવાહીમાં બે શખ્સોને કરોડોના મુદ્દામાલ સાથે પકડી એસએમસીએ ગુજરાત પ્રોહિબિશન એક્ટની કલમો તળે ફરીયાદ નોંધી સ્થાનીક પોલીસને મુદ્દામાલ સુપ્રત કર્યો છે.
સફળ ઓપરેશન બુટલેગર ભુગર્ભમાં !
એસએમસીએ કરેલો આ દરોડો સમગ્ર કચ્છમાં ટોક ઓફ ધી ટાઉન બન્યો છે. આ સફળ કાર્યવાહી દરમ્યાન જસરામ જાગા ભરવાડ,રાપર,તથા વિશાલ બિરેન કર્માકર એસએમસીના હાથે ઝડપાઇ ગયા હતા જ્યારે કચ્છના લીસ્ટેડ દારૂના ધંધાર્થીનુ આ મામલે નામ ખુલ્યુ છે. જેમાં નવઘણ રાજગોર મરાજ ગણેશનગર,ભુજ તથા અનોપસિંહ અભેસિંહ રાઠોડ કેરા, તથા દેવો ખોડિદાસ કાપડી (ગાંધીધામ)નુ નામ મુખ્ય આરોપીમાં ખુલ્યુ છે. જ્યારે સ્પલાયર તરીકે મેવાત, હરિયાણાના રાહુલ ઉર્ફે મહાકાલ જબ્બરખાન પઠાણનુ નામ તપાસમાં ખુલ્યુ છે. આ સિવાય અન્ય સાગરીતો તથા વાહનોના આધારે 23 લોકોના નામ ખોલવામાં આવ્યા છે.જેમાં શિવરાજ વિરમ ગઢવી (અંજાર), રાહુલ મારાજ (ભુજ), ગોપાલ કેશાજી રાજગોર (પાન્ધો, અબડાસા), જેકી બાવાજી (ભુજ), કરણ ભૈયો (ગાંધીધામ), ગોપાલસિંહ બનેસિંહ વાઘેલા (પાન્ધો, અબડાસા), હાર્દિક મારાજ (ભુજ), કલ્પેશ મારાજ (ભુજ)ના નામ જાહેર કરાયા છે.
થોડા સમય પહેલાજ નવઘણ ચર્ચામાં આવ્યો હતો
તાજેતમાંથી ઝડપાયેલા વિક્રમી જથ્થામાં અનોપસિંહનુ નામ મુખ્યત્વે ચર્ચામાં હતુ તે વચ્ચે કચ્છના એક યુવકે કરેલી અરજી ભારે ચર્ચામાં આવી હતી. જેમાં પશ્ચિમ કચ્છ અને ખાસ કરીને ભુજમાં બેફામ દારૂનુ વહેંચાણ કરતા નવઘણ રાજગોર સામે ગંભીર સવાલો ઉઠાવવામાં આવ્યા હતા. સાથે સ્થાનીક પોલીસ સાથે તેની સાંઠગાઠને લઇને પણ અવાર-નવાર સમચારો અને ચર્ચાઓ વહેતી થાય છે. જો કે ત્યારે જો આ બુટલેગર સામે કાર્યવાહી કરાઇ હોત તો આજે રાજ્યના પોલીસવડાની મુલાકાત પહેલા સ્થાનીક પોલીસ અને તેના ઉચ્ચ અધિકારીઓને નિચાજોણુ ન થયુ હોત…જો કે હવે જ્યારે તેનુ નામ સામે આવ્યુ છે ત્યારે સ્થાનીક પોલીસ કેવી કાર્યવાહી કરે છે તેના પર નજર રહેશે તો કડક કાર્યવાહી છંતા હવે જાણે અનોપસિંહને પોલીસનો ડર જ ન હોય તેમ કરોડોનો દારૂ કચ્છમાં ઠાલવી રહ્યો છે. જેની સામે પણ કાર્યવાહી થાય તે જરૂરી બન્યુ છે.
આવા દારૂના ગુન્હેગારો પર પોલીસના ચાર હાથ કહો કે પછી ગુન્હેગારો દ્વારા કાયદાના રક્ષકોની આંખે પટ્ટી બંધાઇ હોય થોડા સમયથી પશ્ચિમ કચ્છમાં દારૂની ખુલ્લેઆમ હેરફેર અને વહેંચાણ થઇ રહ્યુ છે તે હકીકત છે. સ્થાનીક પોલીસે પણ કાર્યવાહી કરી છે. પરંતુ તે માત્ર દેખાડા પુરતી હોય તેવુ ચિત્ર સામાન્ય જનમાનસ પર હમેંશા ઉપસી રહ્યુ છે. ત્યારે હવે પોલીસ આ મામલે બુટલેગરો સામે કેવી કડક કાર્યવાહી કરે છે તે જોવુ અગત્યનુ રહેશે તો સ્થાનીક પોલીસ તથા મહત્વની બ્રાન્ચમાં પણ આ ધટના પછી શુ ઉલટફેર થાય છે તેની ચર્ચા અત્યારથીજ શરૂ થઇ છે તેમાય વડી રાજ્યના ડીજીપી જ્યારે કચ્છ આવી રહ્યા છે ત્યારે ચોક્કસ કડક પગલા લેવાશે તેવી ચર્ચા છે.
