ત્રણ મંદિર તથા અન્ય ઘરફોડ ચોરીમાં સામેલ આરોપીઓની ટોળકીના બે સાગરીતોને નખત્રાણા પોલીસે ઝડપ્યા એકનુ નામ ખુલ્યુ ચોરીનો મુદ્દામાલ રીકવર કરાયો
કચ્છમાં પણ નાની-મોટી ઘરફોડ ચોરી તથા અન્ય ગુન્હાઓમાં ઉછાળો આવ્યો છે. તો મંદિર ચોરીના બનાવો પણ સામે આવી રહ્યા છે તેવામાં નખત્રાણા પોલીસે તેમના વિસ્તારમાં થયેલી મંદિર તથા ઘરફોડ ચોરીના ભેદ ઉકેલવામાં સફળતા મળી છે. નખત્રાણા સ્ટાફના પોલીસ કર્મચારીઓ રોહા(તળેટી) ઓ.પી. વિસ્તારમાં પેટ્રોલિંગમાં હતા તે દરમ્યાન બાતમી મળી હતી કે, હાસમ ઓસમાણ વાંઢા તથા અનવર ઓસમાણ વાંઢા બન્ને મુળ રહે. કાઢવાંઢ(ખાવડા) તા.ભુજ હાલે રહે.કુકમા તથા તેમની સાથે અન્ય સાગરીતો સાથે મળી મંદિર ચોરીને અંજામ આપવામાં સામેલ છે. જે બાબતે બન્ને શખ્સો હાસમ ઓસમાણ વાંઢા ઉ.વ.૩૧ તેમજ તેનો ભાઇ અનવર ઓસમાણ વાંઢાને પોલીસ સ્ટેશન લાવી યુક્તિ-પ્રયુક્તિથી પુછપરછ કરતા તેમણે તથા તેના સાથી મિત્ર રસીદ ઉર્ફે વલો દેસર સમા રહે નાના દીનારા(ખાવડા) તા.ભુજ વાળો એમ ત્રણેય જણાઓએ સાથે મળી મંદિરોમાંથી દાનપેટીમાં રહેલ રોકડ રકમની ચોરી કરી હોવાની કબુલાત આપી હતી આરોપીઓએ આશાપુરા માતાજીનું મંદિર-રોહા ફોર્ટ, રોહા(સુમરી) તા.નખત્રાણા,જીજામાંની દરગાહ-રોહા ફોર્ટ, રોહા(સુમરી) તા.નખત્રાણા તથા ગાત્રાળ માતાજીનું મંદિર-નલીયા-ભુજ હાઇ-વે રોડ,રોહા(સુમરી) તા.નખત્રાણામાં ચોરી કરી હોવાની કબુલાત સાથે બે ઘરફોડ ચોરીમાં પણ તેની સંડોવણી ખુલ્લી હતી આરોપી પાસેથી મંદિરમાંથી ચોરી કરાયેલ મુદ્દામાલ તથા અન્ય ચોરીની વસ્તુઓ કબ્જે કરવામાં આવી છે. કુલ 28,000નો મુદ્દામાલ કબ્જે કરી નખત્રાણા પોલીસે રસીદને પકડવા માટે ચક્રો ગતિમાન કર્યા છે. આરોપી હાસમ ઓસમાણ વાંઢા સામે નખત્રાણા,પધ્ધર,ભુજ,મુન્દ્રા,નખત્રાણા,પાલનપુર સહિતના વિસ્તારોમાં 14 થી વધુ ગુન્હા નોંધાયેલા છે. પોલીસની પ્રાથમીક તપાસમાં સામે આવ્યુ છે. કે આરોપીઓ ડ્રાઇવીંગ તથા નાના-મોટુ કામ કરવાના બહાને રેકી કરી મંદિર તથા ઘરફોડ ચોરીને અંજામ આપતા હતા રેન્જ આઇજી ચિરાગ કોરડીયા તથા પશ્ચિમ કચ્છ એસપી વિકાસ સુંડાની સુચના મુજબ નખત્રાણા પીઆઇ એમ.એમ.મકવાણા સહિતનો સ્ટાફ આ કામગીરીમાં જોડાયો હતો. આ વિસ્તારમાં થોડા સમયથી નાની-મોટી ચોરીઓ પોલીસ માટે પડકારરૂપ હતી તેવામાં નખત્રાણા પોલીસે મંદિર ચોરી સહિતની ચોરીઓમાં સામેલ બે આરોપીને પકડી તેની વિશેષ પુછપરછ હાથ ધરી છે.
