પશ્ચિમ કચ્છ લોકલ ક્રાઇમ બ્રાન્ચને મહત્વની સફળતા મળી છે અને ગુજરાત બહારથી આવત કરોડો રૂપીયાનો દારૂનો જથ્થો કટીંગ થાય તે પહેલાજ તલવાણા નજીકથી ઝડપી પડાયો છે. 1.53 લાખના દારૂ સહિત કુલ 1.64 કરોડના મુદ્દામાલ સાથે 3 આરોપીને પોલીસે ઝડપી પાડ્યા છે. જ્યારે બે લીસ્ટેડ બુટલેગરના નામ તપાસમાં સામે આવ્યા છે.
એસએમસીએ ઉપરાઉપરી પશ્ચિમ કચ્છ પોલીસની હદ્દમાં સટ્ટા-દારૂ સહિતના કેસ કરી પશ્ચિમ કચ્છ પોલીસનુ રીતસરનુ નાક કાપ્યુ હતુ. જો કે હવે સ્થાનીક પોલીસે પણ સક્રિય કામગીરી કરી તેનો જવાબ આપતી હોય તેમ રીતસરની ગેરકાયદેસર કામો પર તુટી પડી છે. ચોરી,દારૂની હેરફેર સહિત મહત્વના ગુન્હાઓના ભેદ ઉકેલવા સાથે પશ્ચિમ કચ્છ પોલીસ અને ખાસ કરીને એલસીબીએ મહત્વની કામગીરી તાજેતરમાં કરી છે. તે વચ્ચે હવે પશ્ચિમ કચ્છ પોલીસે પણ મોટી કામગીરી કરી સપાટો બોલાવ્યો છે.ગુજરાત બહારથી કચ્છ સુધી પહોંચી આવેલો કરોડો રૂપીયાનો દારૂનો જથ્થો પશ્ચિમ કચ્છ લોકલ ક્રાઇમ બ્રાન્ચે ઝડપી પાડ્યો છે. લોકલ ક્રાઇમ બ્રાન્ચને ખાનગી બાતમી મળી હતી કે યુવરાજસિંહ વજુભા જાડેજા રહે.ગામ ત્રગડી તા.માંડવી તથા જીતુભા ઉર્ફે જીતીયો મંગળસિંહ સોઢા રહે.ગામ ખાનાય તા.અબડાસા વાળા તેના સાગરીતો સાથે મળી ગુજરાત રાજ્ય બહારથી ગેસના ટેન્કરની આડમાં ગેરકાયદેસર રીતે દારૂનો જથ્થો મંગાવેલ છે. તે આધારે તપાસ કરતા ટેન્કર મુંદરા થી માંડવી સુધી લાવવા માટે યુવરાજસિંહ જાડેજા પોતાના કબ્જાની સફેદ કલરની ફોર્ચ્યુનર કારથી ટેન્કર આગળ પાઇલોટીંગ કરી તેને લઇ આવે છે તે બાતમી આધારે મુંદરા-માંડવી રોડ પર તલવાણા ગામ પાસે આવેલ હોટલ ઓમ બન્ના પાસે રોડ પર ઉભેલા ટેન્કરની તપાસ કરતા તેમાંથી કરોડોની કિંમતનો દારૂનો જથ્થો જપ્ત કર્યો છે. ટેન્કરની તપાસ કરતા તેમાંથી ૨૬૧૭૯ બોટલ મળી હતી આવી હતી જેની કિંમત ૧,૫૩,૮૬,૫૦૦/ થવા જાય છે એલસીબીએ તપાસ દરમ્યાન કૃષ્ણકુમાર માલારામ જાટ (ચૌધરી) ઉ.વ.૨૪ રહે. ઈન્દ્રાવાસ, ખડીન તા.રામસર થાના રામસર જીલ્લો. બાડમેર રાજસ્થાન, લોકેન્દ્રસિંહ પુરનસિંહ રાજપુત ગામ ઉ.વ. ૨૧ રહે.ગામ જેકરીયા તા.લાડનું થાના જસવંતગઢ જીલ્લો નાગોર રાજસ્થાન તથા રામદેવસિંહ ઉર્ફે રૂતુરાજસિંહ પ્રવિણસિંહ જાડેજા ઉ.વ. ૨૫ રહે. ગામ ગુંદીયારી તા.માંડવીની આ મામલે ધરપકડ કરી છે. આરોપી કટીંગ કરે તે પહેલા જ પોલીસે દારૂ સહિત ૧,૬૪,૨૬,૫૦૦/ નો મુદ્દામાલ જપ્ત કરી વધુ તપાસ આરંભી છે. જો કે તપાસ દરમ્યાન કારથી પાઇલોટીંગ કરનાર યુવરાજસિંહ વજુભા જાડેજા તથા જીતુભા ઉર્ફે જીતીયો મંગલસિંહ સોઢા હાથ લાગ્યા નથી. બન્ને લીસ્ટેડ બુટલેગર તરીકે પોલીસ ચોપડે નોંધાયેલા છે. જેને પકડવા માટે પોલીસે વધુ તપાસ આરંભી છે. મુદ્દામાલ કોડાય પોલીસને સુપ્રત કરવામાં આવ્યો છે. રેન્જ આઇજી,એસપીની સુચનાથી પશ્ચિમ કચ્છ ઇન્ચાર્જ પીઆઇ સહિત એલસીબીનો સ્ટાફ કામગીરીમાં જોડાયો હતો.
એસએમસીના દરોડો પછી પશ્ચિમ કચ્છ પોલીસની આ કાર્યવાહી સુચક છે. તાજેતરમાંજ પશ્ચિમ કચ્છ લોકલ ક્રાઇમ બ્રાન્ચે અનેક મહત્વના કેસ ઉકેલવામાં સફળતા મળી છે. તો ગઇકાલેજ કેરા નજીક કરોડોના દારૂના મામલામાં સામેલ લીસ્ટેડ બુટલેગર અનોપસિંહ અભેસિંહ રોઠાડ પણ પોલીસના હાથે લાગ્યો હતો તેવામાં વધુ બે લીસ્ટેડ બુટલેગરે મંગાવેલો કરોડોનો દારૂ પકડવામાં પોલીસને સફળતા મળી છે. જો કે લીસ્ટેડ બુટલેગર ક્યારે પકડાય છે તે જોવુ રહ્યુ..
