કચ્છમાં એક તરફ ગેરકાયેદસર પ્રવૃતિએ માજા મુકી છે. ત્યા બીજી તરફ પોલીસ કડક કાર્યાવાહી પણ કરી રહી છે. પુર્વ કચ્છ પોલીસે વધુ એક સંગઠીત ટોળકીને ગુજસીટોકમા ફીટ કરી છે.અગાઉ વ્યાજખોરી સહિતના બનાવોમાં સામેલ ટોળકી સામે પુર્વ કચ્છ પોલીસે કાર્યવાહી કરી છે.
કચ્છમાં કાયદો વ્યવસ્થાની સ્થિતીને લઇને તાજેતરમાં અનેક સવાલો ઉઠી રહ્યા છે. ખાસ કરીને ચોરી,દારૂની હેરફેર સહિતના મામલાઓને લઇને પોલીસ સામે અનેક સવાલો ઉઠી રહ્યા છે. જો કે પુર્વ કચ્છ પોલીસ વાંરવાર આવા ગુન્હાઓ આચરી પોલીસ માટે પડકાર ફેકતા શખ્સો સામે કડક હાથે કામ લઇ રહી છે. અગાઉ વ્યાજખોર ગોસ્વામી બહેનો સહિતના શખ્સો સામે ગુજસીટોક કાયદા હેઠળ કાર્યવાહી બાદ પુર્વ કચ્છ પોલીસે વધુ એક ટોળકી સામે કાર્યવાહી કરી છે. અંજાર પોલીસે ધાડ,લુંટ,મારામારી,એસીડ એટક સહિતના અનેક ગંભીર ગુન્હામા સામેલ વસંત રમેશ કોલી,અજરૂદીન ઉર્ફે શબ્બીર નઝમુદીન બાયડ તથા ઇરોજ રમજુ લંધા રહે ત્રણે અંજાર સામે ગુજસીટોક હેઠળ કાર્યવાહી કરી છે. આરોપી સામે અંજાર પોલીસ મથકે વિવિધ ગુન્હા નોંધાયેલા છે. જેમાં વસંત સામે દારૂના 10 ગુન્હા નોંધાયા છે ઉપરાંત 8 જેટલા ગંભીર કેસોમાં તેની સામેલગીરી છે તો અજરૂદીન સામે દારૂના 15થી વધુ ગુન્હા સાથે 4 ગંભીર પ્રકારના ગુન્હા નોંધાયેલા છે જ્યારે ફિરોજ સામે ચાર ગુન્હા નોંધાયેલા છે, આ ત્રણે શખ્સો સંગઠીત થઇ અને ગુન્હામાં સામેલ હોય તેમની સામે અંજાર પોલીસ દ્વારા ગુજસીટોક હેઠળ કાર્યવાહી કરાઇ છે. આ કામગીરીમાં અંજારના એ.આર.ગોહીલ સહિતનો પોલીસ સ્ટાફ જોડાયો હતો. અગાઉ અંજારમાંજ વ્યાજખોર ટોળકી સામે આ પ્રકારે કાર્યવાહી કરાઇ હતી અગાઉ પુર્વ કચ્છમાં ચારથી વધુ આવી સંગઠીત ટોળકી સામે ગુજસીટોક હેઠળ કડક કાર્યવાહી કરવામા આવી છે.