Home Crime કચ્છમાં દારૂની રેલમછેલ વચ્ચે વાયોરમાં દેશી દારુ પર જનતા રેડ !

કચ્છમાં દારૂની રેલમછેલ વચ્ચે વાયોરમાં દેશી દારુ પર જનતા રેડ !

3419
પશ્ચિમ કચ્છમાં લાંબા સમયથી દારૂની બદ્દીને લઇને સવાલો ઉઠી રહ્યા છે.એસએમસીથી લઇ સ્થાનીક પોલીસ દ્વારા કરાયેલી કામગીરી દર્શાવે છે. કે કચ્છમાં દારૂની હેરફેર કઇ હદ્દ સુધી થઇ રહી છે. તાજેતરમાંજ પચ્છિમ કચ્છના બે લીસ્ટેડ બુટલેગરનો 3 કરોડનો દારુ ઝડપાઇ ગયો તે વચ્ચે હવે અબડાસામાં દેશી દારૂની રેલમછેલ પર સ્થાનીકોએ જનતા રેડ કરી પોલીસની કામગીરી સામે સવાલો ઉઠાવ્યા છે. થાકી હારી સ્થાનિકોએ બોલેરો સાથે બે આરોપીને પકડી ‘જનતા રેડ’ કરી.જે બાદ વાયોર પોલીસને ‘ન છૂટકે’ કાર્યવાહી કરવાની ફરજ પડી….
પશ્ચિમ કચ્છમાં દારૂની બદ્દી વકરી રહી છે.પોલીસની કાર્યવાહી છંતા બુટલેગરો જે હિંમત સાથે દારૂની હેરફેર અને ધુસાડવાના પ્રયત્નો કરી રહ્યા છે. તે ક્યાકને ક્યાક પોલીસની ધાક અને કામગીરી સામે સવાલો ઉભા કરી રહ્યા છે. એસએમસીની રેડ પછી પશ્ચિમ કચ્છ પોલીસે બુટલેગરો પર સર્જીકલ સ્ટ્રાઇક કરી છે. અને મુન્દ્રા માંડવી સહિત પશ્ચિમ કચ્છમાં ઉતરતા મોટા દારૂના જથ્થાને પકડી રહી છે. જો કે તે વચ્ચે દારૂના ધંધાર્થીઓ હજુ પણ બેફામ છે. તાજેતરમાંજ પૂર્વ કચ્છમાં એસએમસીએ રેડ કરી દેશી દારૂનો મોટો જથ્થો પકડી સ્થાનીક પોલીસનુ નાક કાંપ્યુ હતુ જે ધટના હજુ તાજી છે. તેમાં સ્થાનીક બેદરકાર સામે કોઇ કાર્યવાહી થઇ નથી તેવામાં હવે પશ્ચિમ કચ્છમાં સ્થાનીક લોકોએ ઓદ્યોગીક વિસ્તારમાં ચાલતા બેફામ દુષણ સામે અનેકવારની રજુઆત પછી પણ કાર્યવાહી ન કરતા જનતા રેડ કરી હતી અને બોલેરોમાં થતી દારૂની હેરફેર પકડી પાડી હતી.સ્થાનીક આગેવાનોએ દારુ પકડવા સાથે પોલીસ પર ગંભીર આરોપ મુક્યા હતા.દારૂ માફિયાઓને પોલીસની ‘મીઠી નજર’નું કાયમી રક્ષણ મળતુ હોવાના આરોપ લગાવ્યા હતા અને અનેકવાર લેખીત મૌખિક રજુઆતો કરવા છંતા કાર્યવાહી ન થતી હોવાનો આરોપ લગાવ્યો હતો. આગેવાને જણાવ્યુ કે આ વિસ્તારમાં આવેલી સિમેન્ટ કંપનીઓ નજીક ખુલ્લેઆમ દારુ વહેંચાય છે. નવી હેલ્પલાઇન નંબર પર ફોન કર્યા બાદ સ્થાનીક પોલીસ આવી હતી. સ્થાનીકોએ દાવો કર્યો હતો કે જનતાના પ્રચંડ દબાણ અને કાયદેસરની જાણને પગલે, વાયોર પોલીસને ‘ન છૂટકે’ સ્થળ પર પહોંચીને કાર્યવાહી કરવી પડી. બાકી અનેકવાર રજુઆતો છંતા પણ કાર્યવાહી થતી નથી. પ્રાથમીક અનુમાન મુજબ બોલેરો ગાડીમાંથી દેશી દારૂની ૭૮૫ થેલીઓ જપ્ત કરવામાં આવી હતી. જો કે જનતા રેડ બાદ પોલીસે સ્થાનિકે પંચ રોજ કામ કરી કાયદેસર કાર્યવાહી શરૂ કરી હતી. રોહાના અગ્રણીએ તેના નિવેદનમાં કહ્યુ હતુ કે અગાઉ આપવામાં આવેલ આપનેવેદનપત્રમાં સ્પષ્ટ ચેતવણી આપવામાં આવી હતી કે અલ્ટ્રાટ્રેક ટ્રાન્સપોર્ટની આસપાસના અડ્ડાઓ અને ફુલાય-ભોઆની ભઠ્ઠીઓ પર કાર્યવાહી નહીં થાય તો જનતા રેડ કરાશે. જો કે સ્થાનીકે કામગીરી ન કરતા લોકોએ જાતે દારૂનો જથ્થો પકડ્યો હતો. વાયોરના ‘જનતા રેડ’ એ પોલીસને સંદેશ છે કે જો કાયદાના રક્ષકો જ આવી પ્રવૃતિને છાવરસે તો જનતા પોતે પોતાના અને પોતાના બાળકોના ભવિષ્યનું રક્ષણ કરવા મેદાનમાં ઉતરશે. હવે જોવાનું એ રહે છે કે પશ્ચિમ કચ્છ પોલીસના ઉચ્ચ અધિકારીઓ ‘જનતા રેડ’ને કાયદાના અમલની શરમજનક નિષ્ફળતા માનીને વાયોર પોલીસના જવાબદાર અધિકારીઓ સામે કોઇ સખત પગલાં લે છે. કે પછી બધુ રાબેતા મુજબ ફરી શરૂ થઇ જશે.તમામ વચ્ચે ઝરપરામાંથી ઝડપાયેલા દારૂના જથ્થામાં સંડોવાયેલા લીસ્ટેડ બુટેલગરો સહિતના શખ્સો પોલીસ પકડથી દૂર છે.