બોલેરો રોંગ સાઈડ માં ધસી આવતા બાઇક પર સવાર પતિ-પત્નીને ટક્કર મારી બન્નેના ધટના સ્થળે કરૂણ મોત.અકસ્માત અંગે પોલીસે વધુ તપાસ હાથ ધરી
કચ્છમાં માર્ગ અકસ્માતની સંખ્યા વધી રહી છે. ખાસ કરીને ઓદ્યોગીક વિકાસ ધરાવતા વિસ્તારોમાં અકસ્માતો રોજ સર્જાઇ રહ્યા છે. તે વચ્ચે શુક્રવારે મુન્દ્રા તાલુકાના નાના કપાયા ગામ નજીક જિંદાલ કંપનીના ગેટ નંબર એક પાસે બોલેરો જીપે બાઈક ને ટક્કર મારતા બાઈક પર જતા પતિ પત્નીના ગંભીર ઈજાઓ થતા કમકમાંટી ભર્યા મોત. થયા હતા.બનાવ બનતા આસપાસ ના રહેવાસીઓ પસાર થતા લોકો બહોળી સંખ્યામાં સ્થળ પર ઉમટી પડ્યા હતા અને બોલેરો ચાલક પર ગુસ્સો ઠાલવ્યો હતો.સ્થળ પર જોતા અને સ્થાનીક લોકો પાસેથી મળેલી વિગતો મુજબ બોલેરો જીપ ચાલક રોંગ સાઈડમાં ધસી આવી હતી જેનાથી આ કરુણ અકસ્માત સર્જયો હતો ગમખ્વાર અકસ્માત બાદ બાઇકનો કચ્ચરધાણ થયો હતો તેમજ દંપિત સાથેનો સામાન અને બાઇકના પાર્ટ દુરદુર ફંગોળાયા હતા.બોલેરો જીપનો આગળના ભાગનો બુકડો બોલી ગયો હતો. બનાવ અંગે ઝીરો પોઇન્ટ પોલીસ મથકના કાના રબારી અને નવીન ખટાણા એ વધુ માહિતી આપતાં જણાવ્યું હતું કે મરણ જનાર હરિસિંહ પ્રતાપ નિનામા ઉંમર 50અને તેમના પત્ની કમલા બેન અરવિંદ નિનામા ઉંમર 45જિંદાલ કંપની માંથી બપોરે સવા ચાર વાગ્યે તેમના નાના કપાયા સ્થિત તેના ઘરે ક્રિષ્ના નગર જતા હતા ત્યારે સામેથી ધસમસતી આવતી બોલેરો જીપે ટક્કર મારી હતી અને પતિ પત્નીને ગંભીર ઈજાઓ થતા સારવાર પૂર્વે મૃત્યુ પામ્યા હતા.મરણ જનાર હતભાગી દંપતી પંચમહાલના મોડવારા તાલુકાના સાગવારા ગામના મૂળ વતની હતા. આધારકાર્ડમાં નોંધ મુજબ મરણ જનાર પતિના બે નામ ફરિયાદમાં નોંધાયા હતા. પોલીસ તપાસમાં સામે આવ્યુ છે. કે મૃતક હરિસિંહ જિંદાલ કંપનીમાં લેબર તરીકે હતા અને તેમના પત્ની કમલા નિનામા અદાણી કંપનીમાં સિક્યુરિટીમાં ફરજ બજાવતા હતા. દંપતિ તેની પાછળ બે સંતાનોને વિલાપ કરતા છોડી ગયા હતા મૃતક દંપતીના મૃતદેહ મુન્દ્રાની જનરલ હોસ્પીટલમાં ખસેડાયા હતા જે બાદ આગળની તપાસ મુન્દ્રા પોલીસ ચલાવી રહી છે.બોલેરો ચાલક વિરૂધ્ધ કાર્યવાહી કરાશે થોડા દિવસ પહેલાજ મુન્દ્રામાં સર્જાયેલા એક અકસ્માતથી સ્થાનીક લોકોમાં ભારે રોષ જોવા મળ્યો હતો તેવામાં વિકસી રહેલા મુન્દ્રામાં વધુ એક જીવલેણ અકસ્માત સર્જાયો હતો.
