ભચાઉ પોલીસ સ્ટેશન વિસ્તારમાં રહેતા અસામાજીક તત્વો વિરૂધ્ધ શિક્ષાત્મક કાર્યવાહી ભચાઉ પોલીસ દ્વારા કરવામાં આવી હતી. પોલીસ વડા અધિકારીઓ દ્વારા અસામાજીક તત્વો વિરૂધ્ધ કડકમાં કડક કાર્યવાહી કરવા આપેલી સુચના અન્વયે ભચાઉ પો.સ્ટે વિસ્તારમાં શરીર સબંધી તથા મિલ્કત સંબધી ગુન્હાઓ તથા પ્રોહિબીશનની પ્રવૃત્તિ કરતા અસામાજીક તત્વો જેઓ અનેક ગુનાઓ સાથે સંકળાયેલ છે,એવા નાની ચીરઈના રહેવાસી આરોપીઓ હાજી ભચુભાઈ નાગડાજેની સામે ૧૪ ગુના, ઈમરાન ભચુભાઈ નાગડા વિરૂદ્વ ૭ગુના, ગફુર બાવલા જુણેજા સામે ૬ ગુના અને મામદ સિદિક ત્રાયા સામે પાંચ ગુના નોંધાવેલ છે તે તમામના મકાનના ગેરકાયદેસર વીજ કનેકશન કપાવી ઘાક બેસતી કાર્યવાહી કરી હતી. આ કામગીરી ભચાઉ પોલીસ ઈન્સ્પેક્ટર એ.એ.જાડેજા,સબ ઈન્સપેક્ટર ડી.જે.ઝાલા તથા ભચાઉ પોલીસ સ્ટાફ દ્વારા કરાઈ હતી.
