કચ્છમાં તેમાંય ખાસ કરીને ભુજમાં પોલીસની સક્રિય કામગીરી અને લાલ આંખ છતાંય કેટલાક ચીટરોએ પાટનગર ભુજને ઠગાઈ મામલે બદનામ કરી નાખ્યું છે જોકે અનેક બનાવો અને પોલીસની વારંવાર ચેતવણી છતાં ચીટરોને કોઈને કોઈ લાલચમાં આવતા શિકાર મળી જતા હોય છે. સોશીયલ મિડીયામાં બોગસ આઈ.ડી.બનાવી એકના ડબલ તથા સસ્તુ સોનું આપવાની લાલચ આપી ઠગાઇ કરતી વધુ એક ગેંગ નો એક શખ્શને ઝડપી પાડી લોકલ ક્રાઈમ બ્રાન્ય ટીમે પર્દાફાશ કર્યો છે. પોલીસ સુત્રો અનુસાર પશ્ચિમ કચ્છ એલસીબી ઈન્ચાર્જ પોલીસ ઈન્સ્પેકટર એચ.આર.જેઠી, સબ ઈન્સપેકટર જે.બી.જાદવ દ્વારા જિલ્લામાં અમુક ઈસમો દ્વારા ફેસબુક, ઈન્સ્ટાગ્રામ ઉપર અલગ-અલગ નામની આઈ.ડી. બનાવી તે મારફતે સોશ્યલ મીડીયામાં ભારતીય ચલણી નોટો અને સસ્તા સોનાના બિસ્કિટના વીડીયો વાયરલ કરી લોકો સાથે સંપર્ક કેળવી વિશ્વાસમાં લઇ છેતરપીંડી કરતા ઇસમોને શોધી પકડી પાડી તેમની વિરૂધ્ધ કાર્યવાહી કરવા માટે સુચના અને માર્ગદર્શન આપતા હેડ કોન્સ્ટેબલ શક્તિસિંહ ગઢવી, નવીન જોષી, રાજેશ ગઢવી, કોન્સ્ટેબલ જીવરાજ ગઢવી અને મહિલા કોન્સ્ટેબલ દિવ્યાબેન વેકરીયા ભુજ શહેર વિસ્તારમાં પેટ્રોલીંગમાં હતા તે દરમ્યાન તેમને સંયુક્ત રીતે બાતમી મળેલ હતી કે, રમજુશા કાસમશા શેખ, અજરૂદીન કાસમશા શેખ તથા અલીશા કાસમશા શેખ(રહે. સરપટનાકાની બાજુમાં શેખ ફળીયુ ભુજ) વાળાઓ ચીટીંગ કરવાની ટેવ ધરાવે છે અને સોશ્યલ મીડીયાના પ્લેટફોર્મ્સફેસબુક, ઈન્સ્ટાગ્રામ તેમજ વોટસએપ એપ્લિકેશનો ઉપયોગ કરી અલગ અલગ નામોની આઈ.ડી.ના ગ્રુપો બનાવી તેના મારફતે ભારતીય ચલણી નોટોનો વિડીઓ બનાવી જેમાં અલગ-અલગ ભારતીય ચલણની નોટોના બંડલો જેમાં પ્રથમ નોટ સાચી અને ત્યાર બાદ તમામ કોરા બડલો રાખી અને રૂપીયા એક લાખના બદલામાં રૂપીયા પાંચ લાખ આપવા તેમજ સોનાના બીસ્કીટોના વિડીયાઓ બનાવી તે બીસ્કીટ ભજાર ભાવ કરતા સસ્તા ભાવે આપવાવા અંગેના લોભામણા વીડીયો બનાવી આવા વીડીયાઓ મારફતે વિવિધ લોકો સાથે સંપર્ક સાધી લોકોને વિશ્વાસમાં લઈ, વિશ્વાસમાં આવેલ લોકો પાસેથી નાણાં પડાવવાનો પ્રયાસ કરી રહ્યા છે આ માહિતી આધારે અજરૂદીન કાસમશા શેખ (શેખફળીયુ તુલશી મીલ પાછળ સરપટનાકા પાસે ભુજ) વાળાને પકડી પાડી તેના કબ્જામાંથી કુલ્લે રૂ. ૯૯,૩૦,૦૦૦ ના ભારતીય ચલણની સાચી તથા ખોટી નોટો તેમજ ૧૧ સોના જેવી ધાતુના બીસ્કીટો તેમજ અન્ય મુદ્દામાલ કબ્જે કરી આરોપી અજરૂદીન કાસમશા શેખ તથા સહ આરોપીઓ રમજુશા કાસમશા, શેખ અલીશા કાસમશા શેખ, શેખડાડા (રહે. અંજાર) સુલતાન લંધા (રહે.ભુજ)ની વિરૂધ્ધમાં ભુજ શહેર બી ડીવીઝન પોલીસ સ્ટેશન ખાતે બી.એન.એસ. કલમ મુજબ ગુનો રજીસ્ટર કરાવી કાયદેસરની કાર્યવાહી હાથ ધરી હતી, તપાસમાં બીજા નામ ખુલી શકે છે. જ કે હાલ મળી આવેલ અજરૂદીન કાસમશા શેખની અટક કરાઈ છે, બાકીના અન્ય ચાર હાજર નહીં મળેલા આરોપીઓને પકડી પાડવા પોલીસે તજવીજ હાથ ધરી છે. પકડાયેલા આરોપી અજરૂદીન શેખ પાસેથી ભારતીય ચલણના રોકડા રૂ.૨,૧૩,૪૦૦, સોનાનો સાચો બિસ્કિટ–૧ રૂ.૧૨,૭૦,૦૦૦ અને ભારતીય ચલણના રૂ.૧૦૦, ૨૦૦ અને ૫૦૦ ના દરના છેતરપીંડી માટે બનાવેલ બંડલો કિં.૯૯,૩૦,૦૦૦, નકલી સોનાના બિસ્કિટ નંગ-૧૧, મોબાઈલ નંગ-૯ કિંમત રૂ.૧૫,૦૦૦ સીમકાર્ડનંગઃ૧૮ અને વિનુભાઈ નામનું આધાર તથા ચુંટણીકાર્ડ, લેધરબેગ, બ્લેકેન્ટ વગેરે જપ્ત કર્યાં હતા, મળી આવેલ સીમ કાર્ડ પૈકી એક સીમકાર્ડ દુબઈનું હોવાનું પણ કહેવાય છે, તે જોતાં તપાસમાં વધુ રહસ્યો ખુલવાની શક્યતા નકારી શકાય નહીં. આરોપીઓ પૈકી રમજુશા શેખ અને અલીશા કાસમ શેખ ગુનાહિત ઈતિહાસ ધરાવે છે અને બંન્ને સામે ગુના નોંધાયેલા છે.
