સમગ્ર જૈન સમાજમાં ચોરીના બનાવને પગલે આક્રોશ હતો તેવામાં પોલીસે રાજસ્થાનના જંગલો ખૂંદી ગરાસીયા ગેંગના ૨ સાગરિતને ચોરીના મુદામાલ સાથે ઝડપ્યા
પૂર્વ કચ્છ પોલીસે ફરી એક વખત મોટી ચોરીને અંજામ આપતી ગેંગને રાજસ્થાનના જંગલમાં જઈ પકડી પાડી છે આ પહેલા પણ પૂર્વ કચ્છ પોલીસે આ પ્રકારના ઓપરેશન પાર પાડી આવી ગેંગને પકડવામાં સફળતા મેળવી છે બનાવની વિગતે વાત કરી એ તો ભચાઉ વિસ્તારમાં નમસ્કાર જૈન તીર્થમાં થયેલ ચોરીના ગુનાનો મામલો પ્રકાશમા આવ્યો હતો જેનો ગણતરીના દિવસોમાં ભેદ ઉકેલી રાજસ્થાન રાજયની “ગરાસીયા ગેંગ”ના સાગરીતોને પકડી પડ્યાં છે.ગઇ તા.૨૧-૨૨/૧૧/૨૦૨૫ ના રાત્રિના સમયે ભચાઉ પોલીસ સ્ટેશન વિસ્તારમાં નમસ્કાર જૈન તીર્થ છાડવાડાના પરીસરમાંથી પથ્થરની જાળી તોડી અંદર પ્રવેશી ભગવાનની મુર્તિ ઉપરથી મુગટ,કુંડળ,હાર તથા દાનપેટી તોડી રોકડ રકમની મંદિર ચોરીનો બનાવ બનયો હતો જેને સમગ્ર જૈન સમાજમાં રોષ ફેલાવ્યો હતો જે બાદ આરોપી ને પકડવા માટે પોલીસે અલગ અલગ ટીમો બનાવી હતી જે બાદ પોલીસ અધિક્ષક સાગર દ્વારા તાત્કાલીક ચોરી વાળી જગ્યાની વિઝીટ કરવામાં આવેલ અને આ ચોરીનો ભેદ ઉકેલવા માટે અલગ અલગ ટીમોની રચના કરવામાં આવેલ.જેમાં નાયબ પોલીસ અધિક્ષકશ્રી સાગર સાંબડા સાહેબ ભચાઉ વિભાગ ભચાઉના માર્ગદર્શન હેઠળ પોલીસ ઇન્સપેકટર એન.એન.ચુડાસમા લોકલ ક્રાઇમ બ્રાન્ચ,પુર્વ કચ્છ ગાંધીધામ તથા પોલીસ ઇન્સપેકટર એ.એ.જાડેજા ભચાઉ પો.સ્ટે.નાઓની આગેવાનીમાં અલગ અલગ ટીમો બનાવી હ્યુમન ઇન્ટેલીજન્સ તથા ટેકનીકલ એનાલીસીસ તથા સી.સી.ટી.વી.ના માધ્યમથી આરોપીનું પગેરૂ મેળવતા જેમા મંદિરના પથ્થર ઘસાઇ કામ કરેલ જુના કારીગરો સંકળાયેલ હોવાનું જણાઈ આવતા તે આધારે આરોપીઓની તપાસ કરતા તે આરોપીઓ રાજસ્થાન બાજુ નાશી ગયેલ હોવાનું જણાઇ આવતા રાજસ્થાનના અલગ-અલગ વિસ્તારોમાં ટીમો રવાના કરી આરોપીઓની શોધખોળ કરી રાજસ્થાનનાં ગોગંદા ઘાટીનાં જંગલોમાં રાત્રિના સમયે કરાઇ હતી.સર્ચ કરી (૧) ભીમારામ ઉર્ફે ભીમો સ/ઓ ખુમારામ ગરાસીયા ઉ.વ. ૨૫ રહે.ઉપલા ભીમાણા,પો.સ્ટે.-નાણાં, તા.બાલી,જી.પાલી રાજસ્થાન થતા (૨) મોહનલાલ સ/ઓ સોમારામ ગરાસીયા ઉ.વ. ૩૮ રહે. રહે.ઉપલા ભીમાણા,પો.સ્ટે.-નાણાં, તા.બાલી,જી.પાલી રાજસ્થાન જે પોલીસે પકડી પડ્યાં હતા જ્યારે વધુ તપાસમાં
(૧) હીરારામ ઉર્ફે હરીયા જેઠારામ ગરાસીયા રહે.ઉપલા ભીમાણા,પો.સ્ટે.-નાણાં, તા.બાલી,જી.પાલી રાજસ્થાન નુ નામ સામે આવ્યું હતું પોલીસે તપાસ દરમ્યાન સોના ચાંદીના મુગટ – ૩ કિ.રૂ. ૧,૧૦,૦૦૦/-,સોના ચાંદીના વરખ વાળા હાર-૨ કિ.રૂ. ૨૫૦૦/-કાનનાં કુંડળ-૬ કિ.રૂ.૬૦,૦૦૦/-મોબાઇલ નંગ-૨ કિ.રૂ. ૧૦,૫૦૦/કેમ કુલ કુલ કિ.રૂ.૧,૮૩,૦૦૦/ નો મુદામાલ કબજે કર્યો હતો આરોપીનો ગુનાહિત ઈતીહાસ ધરાવે છે જેમાં (૧) હીરારામ ઉર્ફે હરીયા જેઠારામ ગરાસીયા અગાઉ પણ અનેક ગુનામાં પોલીસ ચોપડે પકડાયો હોવાનું સામે આવ્યું છે
‘ जिस थाली में खाना असीम छेद ‘
આ ગેંગ દ્વારા જે મંદિરકે તીર્થ ધામમાં કામ કરતા ત્યાજ ચોરી ને અંજામ આપતા જે ઓપરેન્ડી અગાઉ પણ કચ્છમાં સામે આવી ચૂકી છે. આ મામલામાં પણ પોલીસે કરેલી તપાસમાં સામે આવ્યો છે કે આ કામેના આરોપી મોહનલાલ સોમારામ ગરાસીયા પથ્થર કોતરણી કામના જાણકાર હતો અને તેને આ ચોરી થયેલ મંદિરનું પથ્થર કોતરણી કામ કરેલ હોઈ જેથી સદર મંદિરની ભૌગોલીક પરિસ્થિતીથી વાકેફ હોઈ જેથી તેઓ પોતાની ગેંગ બનાવી તે પોતે ન આવી તેના સાગરીતોને ગોઠવી અંજાર આવી બાદમાં ચોરી ને અંજામ આપે છે પકડવાનો બાકી આરોપી ને શોધવા માટે પોલીસે ચક્રો ગતિમાન કર્યા છે
પોલીસે જંગલો ખૂંદી કરી કાર્યવાહી
આ સમગ્ર મામલે ઊંચ અધિકારીના માર્ગદર્શનમાં નાયબ પોલીસ અધિક્ષક સાગર સાંબડા,પોલીસ ઇન્સપેક્ટર એન.એન.ચુડાસમા, લોકલ ક્રાઇમ બ્રાન્ચ તથા પોલીસ ઇન્સપેકટર એ.એ.જાડેજા ભચાઉ પો.સ્ટે. તથા પોલીસ સબ ઇન્સપેક્ટર ડી.જી.પટેલ, લોકલ ક્રાઇમ બ્રાન્ચ તથા એલ.સી.બી.સ્ટાફ તથા ભચાઉ પોલીસ સ્ટેશન ના સ્ટાફ દ્વારા કરવામાં આવી હતી જેમાં અલગ અલગ ટીમો બનાવ્યા બાદ તેને શોધવા માટે પોલીસે વેશ પલટો કરી આરોપીને શોધવા માટે કામગીરી કરી સફળ રીતે આ ગેંગના ૨ સભ્ય ને ઝડપી પાડ્યા હતા.
શિયાળાની શરૂઆત સાથે ધાર્મિક સ્થળ ને નિશાન બનાવી તસ્કરો એ પોલીસ ને પડકાર ફેંક્યો હતો જૈન સમાજમાં ઘટનાથી ભારોભાર રોષ ફેલાયો હતો તેવામાં પોલીસે વિવિધ સર્વગ્રાહી તપાસ પછી કુખ્યાત ચોર ટોળકી ગરાસીયા ગેંગના સાગરિત ને ઝડપી પાડ્યા છે જો કે શિયાળામાં પોલીસ માટે તસ્કરો પડકાર ફેકે તે પહેલા પોલીસે લોકોને જાગૃત કરી ગહન કાર્યવાહી અને પેટ્રોલિંગ સહિતની કાર્યવાહી કરવાની જરૂર છે. નહીં તો શિયાળામાં તસ્કરો બેફામ બનશે….
