પુર્વ કચ્છ લોકલ ક્રાઇમ બ્રાન્ચે ગાંધીધામમાં ફિલ્મી ઢબે ૩૧.ર૦ લાખનો શરાબ પકડ્યો ત્યા પડાણા વિસ્તા૨માંથી ૧૦ લાખથી વધુના દારૂના ગણનાપાત્ર કેસ ગાંધીધામ “બી” ડીવીઝન પોલીસે પકડ્યો તો લાકડીયા પોલીસે પણ કારમાંથી દારૂનો જથ્થો ઝડપ્યો એક દિવસમાંજ ત્રણ દરોડાએ કચ્છમાં બેફામ દારૂ ધુસાડવાના બુટલેગરના મનસુબા દેખાડ્યા
કચ્છમાં થોડા મહિનામાંજ કરોડો રૂપીયાના દારૂ પકડાવાની ધટના તાજી છે. પુર્વ હોય કે પશ્ચિમ સ્થાનીક પોલીસ તથા વિવિધ એજન્સીઓએ અલગ-અલગ સ્થળે પાડેલા દારૂના દરોડાથી કચ્છમાં દારૂની કેટલી ખપ છે તેના તરફ ઇશારો કર્યો હતો.તે કાર્યવાહી વચ્ચે હજુ પણ બુટલેગરો કચ્છમાં દારૂ ધુસાડવાના તમામ પ્રયત્નો સાથે હેરફેર કરી રહ્યા છે. જાે કે પોલીસે આવા ત્રણ કિસ્સામાં કાર્યવાહી કરી લાખો રૂપીયાનો દારૂ ઝડપ્યો છે.ગાંધીધામમાં એલસીબીએ ફિલ્મી ઢબે ૩૧.ર૯ લાખનો દારૂ ઝડપી પાડ્યો હતો.એલસીબીની ટીમ પેટ્રોલિંગમાં હતી ત્યારે બાતમી મળી કે, પીકઅપ ડાલુ નં.જીજે૧૩એએક્સ ર૦૬૩ મા ગેરકાયદે દારૂ ભરેલો છે.જેથી ગાડીને પકડવા માટે ટીમ રાજવી ફાટક નજીક ચર્ચ પાસે ગળપાદર જિલ્લા જેલ જવાના રસ્તા પર વોચ ગોઠવી હતી.પોલીસે ગાડી ઉભી રખાવી પરંતુ તે ગાડી નિકળી જતા પોલીસે પીછો કરી પાંચ લાખની ગાડીમાં દારૂની ર૪૦૦ બોટલ જપ્ત કરી હતી જેની કિંમત રૂા.૩૧.ર૦ લાખ આંકવામાં આવી છે. આ સાથે બનાસકાંઠાના કાંકરેચના થરા ગામના અને હાલે ગોપાલનગર અંતરજાળમાં રહેતા બકા ઉર્ફે બકુલ સકતા ભરવાડને ઝડપી લેવામાં આવ્યો હતો પુછપરછ કરતા આ દારૂ પલાંસવાના રણમલ ભાલા ભરવાડે ભરી આપ્યો હોવાની કબૂલાત આપી હતી.હાલ એ-ડિવિઝનમાં પોલીસમાં ગુનો દાખલ કરવામં આવ્યો છે.આ કામગીરીમાં પીઆઈ એન.એન.ચૂડાસમા,પીએસઆઈ ડી.જી.પટેલ સહિતના સ્ટાફના માણસો જાેડાયા હતા.તો એલસીબીની કાર્યવાહીની હજુ ચર્ચા હતી તે વચ્ચે લાકડીયા તથા પડાણામાંથી લાખો રૂપીયાનો દારૂનો જથ્થો ઝડપાયો હતો કુલ ત્રણ દરોડામાં ૪૦ લાખની આસપાસનો દારૂનો જથ્થો પકડાયો હતો. કચ્છમાં વધેલા ઓદ્યોગીકરણને કારણે આવી બદ્દી પણ વધી છે. અને પોલીસની કાર્યવાહી અને ક્યાર મીઠી નજરથી કચ્છમાં કરોડો રૂપીયાનો દારૂ ઠલવવાના પ્રયત્નો કરાઇ રહ્યા છે. તે વચ્ચે ત્રણ સ્થળે કાર્યવાહી કરી પોલીસે લાખો રૂપીયાનો દારૂ ઝડપ્યો છે.
લાકડીયા પોલીસે કારમાંથી દારૂ ઝડપ્યો
પોલીસ ઇન્સપેક્ટર જે.એમ. જાડેજાની સુચનાથી લાકડીયા પોલીસ સ્ટાફના માણસો પેટ્રોલીંગમા હતા ત્યારે સોઢા કેમ્પ વિસ્તારમાં આવેલ મોમાઈ માતાજીના મંદીરની નજીક અવાવરુ જગ્યામાં એક મારુતિ સુઝુકી કંપનીની રિટ્ઝ કારમાં ભરેલ વિદેશી દારૂના જથ્થા સાથે એક ઈસમને ઝડપી પાડ્યો હતો આરોપી જયંતીભાઈ ભીખાભાઈ કોલી ઉ.વ.૩૦ રહે. પગીવાસ લાકડીયા તા.ભચાઉ કચ્છ પાસેથી કારમાંથી દારૂ ઝડપાયો હતો જ્યારે ભ૨ત જયંતીલાલ રાવલ (મારાજ) રહે. સામખીયાળીનુ નામ ખુલ્યુ હતુ. પોલીસે દારૂ કાર સહિત ૨.૯૭ લાખનો મુદ્દામાલ કબ્જે કરી વધુ તપાસ હાથ ધરી હતી.
પડાણામાં લાખોના દારૂ સાથે પાંચ ઝડપાયા
આ તરફ ગાંધીધામ બી ડીવીઝન પોલીસે પોલીસ ઇન્સપેકટર એસ.વી.ગોજીયાને મળેલી બાતમી આધારે પડાણા પંચ૨ત્ન માર્કેટ પાછળ આવેલ પ્લોટ નંબર-૨૨ ની અંદર લોખંડના દ૨વાજા તથા દિવાલ વાળા બનેલ મોટા વરંડાની અંદર તપાસ કરતા વિદેશી દારૂ ભરેલ ફોર વ્હિલર કા૨ તથા જમીન ઉપર વિદેશી દારૂ ની અલગ અલગ બ્રાન્ડની પડેલ પેટીઓ સાથે પાંચ આરોપીઓ ને પકડી પાડ્યા હતા. પોલીસે ૧૦.૮૭ લાખના મુદ્દામાલ સાથે (૧) સ્વરૂપસિંગ નારાયસંગ ચૌહાણ (૨) પ્રવિણસિંગ સ/ઓ છેસિંગ ચૌહાણ (૩) રોહીત સ/ઓ સોનિયા તાંડીલક૨ (૪) અજય ગ્યાનીલાલ મરાવી તથા (૫) સુરજીતસિંગ સ/ઓ બીશનસિંગ વરકડેને ઝડપી પાડ્યા હતા. જ્યારે તપાસ દરમ્યાન પરબતસિંગ બાઘસિંગ રાઠોડ ૨હે- રાજપુતો કા વાસ, ચોહટન, રાજસ્થાન સહિત દારૂ મોકલનાર સહિતના વ્યક્તિઓના તપાસમાં નામ ખોલ્યા હતા.
પુર્વ હોય કે પશ્ચિમ કચ્છ પોલીસ દ્વારા દારૂ ઝડપવાની કામગીરી કરાય છે પરંતુ તેમ છંતા કચ્છમાં દારૂ ધુસાડવાના સતત પ્રયત્નો થાય છે જે દર્શાવે છે કે ક્યાક પોલીસની નબળી નિતીથી બુટલેગરો બેફામ બન્યા છે અને તેના પર રોકની જરૂરી છે.
