ભુજ સાયબર ક્રાઇમ સેલે કાર્યવાહી કરી સોશિયલ મીડિયા પર ધમકી અને ધાર્મિક વૈમનસ્ય ફેલાવનાર આરોપીની ધરપકડ કરી કચ્છમાં દબાણ હટાવો કામગીરી વચ્ચે પોસ્ટ કરી કલેકટર સહિતના જાહેર સેવકને માર મારવા સહિત ઉશ્પોકેરણી જનક પોસ્ટ કરી હતી.
ભુજ
કચ્છમાં રાયધણપરમાં વરનોરા ગામના તોફાની શખ્સોએ કરેલા દુર્ભાગ્યપુર્ણ હુમલાના બનાવો પછી અંજપાભરી શાંતિ સર્જાઇ છે. બીજી તરફ કચ્છમાં ગેરકાયદેસર દબાણો પર કાર્યવાહીથી મુસ્લિમ સમાજ નારાજ થયુ છે. તે વચ્ચે સોશિયલ મીડિયા પ્લેટફોર્મ પર ભય ફેલાવતી,ફેક ન્યૂઝ અને ધાર્મિક લાગણી દુભાવતી પોસ્ટ મૂકનારા તત્વો પણ ચર્ચામાં છે. તાજેતરમાંજ કચ્છમાં દબાણો દુર કરવાના વિરોધ્ધમાં મુસ્લિમ સમાજની રેલીના સમર્થનમાં એક યુવકે ગંભીર પોસ્ટ મુકી હતી. જેને ભારે હોબાળો સર્જયો હતો. જો કે પશ્ચિમ કચ્છ-ભુજ પોલીસ દ્વારા લાલ આંખ કરવામાં આવી છે. ઇન્સ્ટાગ્રામ (Instagram) પર આપત્તિજનક પોસ્ટ મૂકીને સમાજમાં દુશ્મનાવટ અને દ્વેષની લાગણી પેદા કરવા તેમજ સમગ્ર વહીવટી તંત્રને પડકાર ફેંકનારા એક શખ્સને સાયબર ક્રાઇમ સેલ (એલ.સી.બી.) પશ્ચિમ કચ્છ-ભુજની ટીમે ગણતરીના કલાકોમાં દબોચી લીધો છે.સમગ્ર મામલાની વાત કરીએ તો સરહદી રેન્જ (ભુજ)ના પોલીસ મહાનિરીક્ષક ચિરાગ કોરડીયા અને પશ્ચિમ કચ્છ-ભુજના પોલીસ અધિક્ષક વિકાસ સુંડાની સૂચના હેઠળ સાયબર ક્રાઇમ સેલ દ્વારા સોશિયલ મીડિયા મોનિટરિંગ કરવામાં આવી રહ્યું હતું.આ દરમિયાન મોનિટરિંગ ટીમની નજરે એક અત્યંત આપત્તિજનક અને સમાજમાં વર્ગ વિગ્રહ ઊભો કરે તેવી પોસ્ટ ચડી હતી. જેમાં જાહેર સેવક વિરૂદ્ધ ધમકી અને વહીવટી તંત્રને ખુલ્લો પડકાર આપવામાં આવ્યો હતો.આ મામલાની ગંભીરતાને જોતાં નોડલ અધિકારી એ.એમ.મકવાણાના માર્ગદર્શન હેઠળ સાયબર ક્રાઇમ સેલના પોલીસ સબ ઇન્સ્પેક્ટર ડી.પી.ચુડાસમા તથા એલ.સી.બી.ના કર્મચારીઓની એક ખાસ ટીમ બનાવવામાં આવી હતી.ટીમે તાત્કાલિક ટેકનિકલ સોર્સ અને ડિજિટલ વર્કઆઉટના આધારે આરોપીની ઓળખ પ્રસ્થાપિત કરી હતી.ત્યારબાદ ફીલ્ડ ટીમ (માંડવી)ની મદદ મેળવીને આરોપી નિજામ સુલેમાન રાયમાને તાત્કાલિક ઝડપી પાડવામાં આવ્યો હતો. સમાજમાં શાંતિ ડહોળવાનો પ્રયાસ કરનાર કે વહીવટી તંત્રને પડકાર ફેંકનાર અસામાજિક તત્વોને આ કાર્યવાહીથી પોલીસે કડક સંદેશ આપ્યો છે.આરોપી વિરૂદ્ધ સાયબર ક્રાઇમ સેલ દ્વારા ભુજ શહેર એ’ડિવિઝન પોલીસ સ્ટેશનમાં ફરિયાદ નોંધાવવામાં આવી છે.પોલીસ દ્વારા આરોપી વિરૂદ્ધ ભારતીય ન્યાય સંહિતા (BNS) ૨૦૨૩ની કલમ ૩૫૧(૨) અને ૩Expiry૫૩(૨) મુજબ ગુનો રજિસ્ટર (ગુના રજી. નં. ૬૨૭/૨૬) કરીને આગળની કાયદેસરની તપાસ હાથ ધરાઇ છે. જીલ્લા કલેકટરને માર મારવાની વાત સાથે શાંતિ ડહોળવાનો યુવાન દ્વારા પ્રયાસ પોસ્ટ દ્વારા યુવાને કર્યો હતો. પરંતુ પોલીસે કડક કાર્યવાહી કરી ગણતરીના દિવસોમા આરોપીને ઝડપી પાડ્યો છે. વિવિધ હિન્દુ સંગઠનોએ પણ આ શખ્સ દ્વારા કરાયેલી પોસ્ટનો વિરોધ કર્યો હતો.
