રાપર તાલુકા ગાગોદર હાઇવે પર હોટલ માં SMC એ દરોડો પાડી રૂ.૭૮.૫૭ લાખ ના મુદ્દામાલ સાથે દારૂ ભરેલું ટ્રેલર જપ્ત કર્યુ હતુ. પશ્ચિમ કચ્છ પછી હવે પુર્વ કચ્છમાં પણ સ્થાનીક પોલીસ સામે સવાલો ઉઠ્યા કચ્છમાં ટુંકા ગાળામાં 10થી વધુ સફળ દરોડોથી અનેક સવાલો ઉભા થયા
રાજ્યની સ્ટેટ મોનિટરિંગ સેલ ફરી કચ્છમાં ત્રાટકી હતી. અને રાપરના ગાગોદર હાઇવે પરની જય ગોગા રાજસ્થાની હોટલના પાર્કીંગમાથી કરોડોના દારૂના નેટવર્કનો પર્દાફાશ કર્યો હતો. વાહનના ડ્રાયવર-કલીનરની આ મામલે ધરપકડ કરાઇ છે. જેને પગલે સ્થાનિક ખાખીધારીઓમાં ફફડાટ ફેલાયો છે. તપાસ દરમ્યાન માલ મોકલનારનું નામ ખુલ્યુ છે જ્યારે મંગાવનારાઓ બાબતે તપાસ હાથ ધરવામાં આવી હતી.વિગતે વાત કરીએ તો રાજયની સ્ટેટ મોનિટરિંગ સેલ ગાંધીનગરની ટીમે રાપર તાલુકાના ગાગોદર ગામ નજીક ‘જય ગોગા રાજસ્થાની હોટલ’ના પાર્કિંગમાંથી કરોડોના દારૂના નેટવર્કનો પર્દાફાશ કર્યો હતો.ગુપ્ત બાતમીના આધારે SMC ટીમે રેડ કરી ટ્રેલર(GJ-08-V-7835) માંથી રૂ. ૪૮,૩૫,૭૩૬ ની કિંમતની વિદેશી દારૂની ૧૩,૫૦૦ બોટલો ઝડપી પાડી હતી.પોલીસે દારૂ, રૂ. ૩૦ લાખનું ટ્રેલર,રોકડ રકમ તથા મોબાઈલ મળી કુલ રૂ. ૭૮,૫૭,૬૬૬ નો મુદ્દામાલ કબજે કર્યો હતો.આ કેસમાં ડ્રાઈવર શ્રવણકુમાર મેઘવાલ અને ક્લીનર ચેનારામ જાટ (બંને રહે. બાડમેર, રાજસ્થાન) ની ધરપકડ કરવામાં આવી છે. જ્યારે માલ મોકલનાર નારાયણ જાટ (રહે. સાંચોર) અને વાહન માલિક તથા માલ મંગાવનાર ઈસમો વિરુદ્ધ ગાગોદર પોલીસ સ્ટેશનમાં પ્રોહિબિશન એક્ટ હેઠળ ગુનો નોંધી પી.આઈ.એમ.જે. હુણ દ્વારા વધુ તપાસ હાથ ધરાઈ છે.ગાગોદર ગામમાં આવેલી ‘જય ગોગા રાજસ્થાની હોટલ’ના પાર્કિંગ જેવા જાહેર સ્થળે કલાકો સુધી વિદેશી દારૂથી ભરેલું ટ્રેલર પડ્યું રહ્યું, છતાં સ્થાનિક પોલીસને તેનો પત્તો કેમ ન લાગ્યો? ગાંધીનગરથી SMCની ટીમે આવીને અંદાજે રૂ. ૭૮.૫૭ લાખનો વિશાળ મુદ્દામાલ ઝડપી પાડ્યો, જે દર્શાવે છે કે સ્થાનિક પોલીસના બાતમીદારોનું નેટવર્ક સંપૂર્ણપણે નિષ્ફળ સાબિત થયું છે.
ખોટી નંબર પ્લેટ અને ચોરખાનું
રાજસ્થાનથી ઘૂસાડવામાં આવેલા દારૂના જથ્થા માટે ટ્રેલરમાં ખોટી નંબર પ્લેટ અને ચોરખાનાનો ઉપયોગ કરાયો હતો.સરહદી વિસ્તાર હોવા છતાં સ્થાનિક ચેકિંગ દરમિયાન આ વાહન કેવી રીતે પસાર થઈ ગયું? બૂટલેગરો માટે ‘સેફ ઝોન’? છે.હાઈવે પર આટલી મોટી માત્રામાં વિદેશી દારૂનો જથ્થો ઉતારવાની પેરવી થઈ રહી હતી,ત્યારે શું આમાં સ્થાનિક સ્તરે હપ્તાખોરી કે આંતર-રાજ્ય બૂટલેગરો સાથે છૂપી સંડોવણી હતી કે કેમ, તે અંગે પણ લોકમુખે ચર્ચાઓ જાગી છે.ત્યારે સ્થાનીક પોલીસની કામગીરી સામે આ સફળ દરોડાએ ફરી સવાલો ઉભા કર્યા છે.
સ્થાનીક પોલીસ જ નહી ઉચ્ચ નેતૃત્વ સામે સવાલો
પુર્વ હોય કે પશ્ચિમ કચ્છ સ્થાનીક પોલીસ પણ રોજ કામગીરી કરી રહી છે. પરંતુ તાજેતરમાંજ સ્ટેટ મોનિટરિંગ સેલ સ્થાનીક પોલીસની આબરૂના ધજાગરા કરી રહી છે. એકાદ કિસ્સામાં કદાચ માની શકાય કે પોલીસના ડર વગર બુટલેગરો આવો માલ ઉતારવાની હિંમત કરે અથવા ગેરકાયદેસર કામો કરે પરંતુ વારંવરા થતી આવી કાર્યવાહી દર્શાવે છે કે સ્થાનીક પોલીસ ક્યાક આવા મામલાઓમાં સંડોવાયેલી છે.? તો ઉચ્ચ અધિકારીઓ પણ સ્થાનીક પોલીસ મથકના કર્મચારી સામે કાર્યવાહી કરે છે. પરંતુ હવે વાંરવારના કિસ્સા પછી ખુદ પોલીસવડા અને રેન્જના આઇજીએ પણ આ અંગે વિચારવાની જરૂર છે..કે તેમના નેતૃત્વમાં સરહદી જીલ્લામા શુ થઇ રહ્યુ….છે. કાયદો વ્યવસ્થાની સ્થિતી,વધતી ગુન્હાખોરી કેટલી હદ્દે વકરી રહી છે.
કચ્છમાં થોડા સમયથી સ્ટેટ મોનિટરિંગ સેલ સપાટો બાલાવી રહ્યુ છે.પરંતુ માત્ર થોડા સમયમાંજ ઢગલાબંધ દરોડો ધણુ સુચવી જાય છે. તેવામા માત્ર નિચેના પોલીસ અધિકારી કર્મચારીને સસ્પેન્ડ કરવા સાથે ઉચ્ચ પોલીસ અધિકારીઓ પોતે પણ આત્મમંથન કરવાની જરૂર છે.તે પછી તે વિસ્તારના પોલીસવડા હોય કે ખુદ રેન્જના વડા….તેવામા ઉચ્ચકક્ષાએથી પણ આવા મામલાઓની નોંધ લેવાય તે જરૂરી છે….
