દુબઈથી ઓનલાઈન USDT થ્રુ ખંડણી વસૂલવાના મામલે અગાઉ વધુ ૩ આરોપીઓ ઝડપી કરોડોની કિંમતના મોબાઇલ તથા ૨૮.૯૮ લાખની રોકડ રકમ સહિત કુલ રૂ. ૩૦.૮૮ લાખનો મુદ્દામાલ કબજે કર્યો અગાઉ સાત શખ્સોની પોલીસે ચકાચરી કિસ્સામાં ધરપકડ કરી હતી.
ગાંધીધામ
ગાંધીધામમાં ચર્ચાસ્પદ બનેલા અપહરણ અને કરોડો રૂપિયાની ખંડણી કાંડમાં પૂર્વ કચ્છ એલ.સી.બી.અને ગાંધીધામ ‘એ’ ડિવિઝન પોલીસને મોટી સફળતા મળી છે.પોલીસે ક્રિપ્ટોકરન્સી (USDT) મારફતે વસૂલાયેલી ખંડણીની રકમને ભારતીય ચલણમાં રૂપાંતરિત કરવામાં મદદગારી કરનાર વધુ ૩ આરોપીઓની ધરપકડ કરી છે.પોલીસે આરોપીઓ પાસેથી કરોડોની કિંમતના હાઇફાઇ મોબાઇલ ફોન અને રૂ. ૨૮.૯૮ લાખની રોકડ રકમ સહિત કુલ રૂ. ૩૦.૮૮ લાખનો મુદ્દામાલ કબજે કર્યો છે. સમગ્ર બનાવની વિગતે વાત કરીએ તો ગત તા. ૨૧/૦૭/૨૦૨૬ના રોજ ગાંધીધામ‘એ’ ડિવિઝન પોલીસ સ્ટેશનમાં નોંધાયેલી ફરિયાદ મુજબ આરોપીઓએ ફરિયાદીને ફોસલાવી કારમાં બેસાડી અપહરણ કર્યું હતું.ત્યારબાદ ફરિયાદીના ભાઈને દુબઈ (UAE) ખાતે વિડીયો કોલ કરી ફરિયાદીને મારી નાખવાની ધમકી આપી હતી.અને આરોપીઓએ ઓનલાઈન 5,84,500 USDT ની ખંડણી માંગી હતી,જેનું ભારતીય ચલણમાં મૂલ્ય રૂ. ૫,૫૫,૨૭,૫૦૦/- થાય છે. તપાસ દરમિયાન સામે આવ્યું છે કે ઝડપાયેલા ત્રણેય આરોપીઓએ પોતાના મોબાઇલ ફોનમાં અલગ-અલગ ડિજિટલ વોલેટનો ઉપયોગ કરીને દુબઈ બેઠેલા ‘દુબઈ કિંગ’ નામના શખ્સને USDT ટ્રાન્સફર કરી હતી.આ USDTના બદલામાં ભારતીય ચલણની રકમ આંગડિયા મારફતે મેળવી એકબીજાની મદદગારી કરી હતી.આરોપીઓ પાસેથી કુલ રૂ. ૨૮,૯૮,૦૦૦/- ની રોકડ રકમ કાર્યવાહી દરમ્યાન મળી આવી છે. પોલીસે આ મામલે વિનીતભાઈ લક્ષ્મણ જાદવાણી (સિંધી) (ઉ.વ. ૩૦) રહે. આદિપુર (મૂળ રહે. શીલજ,અમદાવાદ)અનમોલ આનંદકુમાર નંદા (ભાનુશાળી) (ઉ.વ. ૨૯) રહે. નિલકંઠનગર, આદિપુર તથા વિશાલ ધનરાજભાઈ ગૌસ્વામી (ઉ.વ. ૩૦) – રહે. પ્રમુખસ્વામીનગર, ભુજની આ મામલે ધરપકડ કરી છે. મોંધા મોબાઇલ ફોન રોકડ ૨૮,૯૮,૦૦૦/-સહિતનો મુદ્દામાલ પોલીસે કબ્જે કર્યો છે. આ કાર્યવાહીમાં બોર્ડર રેન્જ IG ચિરાગ કોરડીયા,પૂર્વ કચ્છ એસ.પી.સાગર બાગમાર અને ડી.વાય.એસ.પી.મુકેશ ચૌધરીની સૂચનાથી LCB PI જે.એમ.વાળા, ‘એ’ ડિવિઝન PI એમ.જે.રાઠોડ અને ટીમ દ્વારા આ કામગીરી કરવામાં આવી હતી. આ ગુનામાં સંડોવાયેલા અન્ય મદદગારો સામે પણ કડક કાયદેસરની કાર્યવાહી કરવામાં આવશે તેવુ સ્પષ્ટ કહ્યુ હતુ. અગાઉ ટેકનિકલ સર્વેલન્સના આધારે દરોડા પાડીને આ ગુનામાં સામેલ ૭ આરોપીઓની ધરપકડ કરાઇ હતી જેમાં હર્ષ કિશોર સદાદપુરી (ઉં.વ. ૩૯, રહે. બીકાનેર, મુળ મેઘપર બોરીચી) રાજભાઈ દિપક ધનવાણી (ઉં.વ. ૨૨, રહે. આદિપુર)ઇબ્રાહીમ જુસબ બુચડ (ઉં.વ. ૩૪, રહે. ખારીરોહર, ગાંધીધામ)હુશેન જુસબ બુચડ (ઉં.વ. ૨૮, રહે. જુહાપુરા અમદાવાદ, મુળ ખારીરોહર)શબીર અભુભાઈ સાયચા (ઉં.વ. ૨૯, રહે. જુહાપુરા અમદાવાદ, મુળ સપનાનગર ગાંધીધામ)લક્ષ્મણ ઉર્ફે લચ્છુ લીલારામ હેમનાણી (ઉં.વ. ૩૨, રહે. આદિપુર)સચીન વિકાસ આનંદાની (ઉં.વ. ૨૪, રહે. આદિપુર) ને ઝડપી પાડ્યા હતા જ્યારે આ મામલે જાવેદ અભુ સાયચા (રહે. સપનાનગર, ગાંધીધામ)રીઝવાન હુસેન ખીચા (રહે. સપનાનગર, ગાંધીધામ) સોહિલ જુસબ બુચડ (રહે. તુણા વંડી, અંજાર) નો સમાવેશ થાય છે.
