આદિપુર પોલીસે બે મહિલાને રૂ.૧.૮૫ લાખના મુદ્દામાલ સાથે ઝડપી કચ્છ,મહારાષ્ટ્ર-કર્ણાટક સહિત ૬ વણ શોધાયેલા ઘરફોડ ચોરીના ગુનાના ભેદ ઉકેલ્યા
આદીપુર તા.૧૪
આંતર રાજયના વણશોધાયેલ ઘરફોડ ચોરીઓના ૬ જેટલા ગુનામાં સંડોવાયેલ નેપાળની બે મહિલા આરોપીઓને ચોરીમાં ગયેલ મુદામાલ સાથે પકડી પાડી અલગ-અલગ રાજયની કુલે એક કરોડ થી વઘુ રકમના છ જેટલા વણશોધાયેલ ઘરફોડ ચોરીના ગુના આદિપુર પોલીસે શોધી કાઢયા છે.આ થયેલ પર્દાફાશની વિગતો જોઈએ તો આદીપુર પોલીસ સ્ટેશન વિસ્તારમાં આવેલ પ્લોટ નં.૧૯૨ વોર્ડ-૬/સી વાળા ફરિયાદીના ઘરે કામ કરતી નેપાળી મહીલાએ મકાન માલિકનો વિશ્વાસ કેળવી,મકાન માલિક પરિવાર સાથે બહાર જતા આરોપી મહિલાએ તેના અન્ય સાથીઓને બોલાવી સાથે મળી ઘરફોડ ચોરી કરેલ હોવાનો ચારેક માસ પહેલા ગુનો નોંધાયો હતો આરોપીઓને સત્વરે શોઘી પકડી પાડવા પોલીસ વડાઓની સુચના અન્વયેપો.ઇન્સ. એમ.સી વાળાની સુચનાથી પો.સબ ઇન્સ આર.એમ.ડુવા તથા પોલીસ સ્ટાફ દ્વારા સંડોવાયેલ આરોપીઓના અંગત હ્યુમન ઇન્ટેલીજન્સ તથા સાઇબર ક્રાઇમ પોલીસ સ્ટેશન બ્રાન્ચ ગાંધીધામની ટેકનીકલ ટીમ તેમજ ટેકનીકલ સર્વેલન્સ મદદ મેળવી તપાસ કરી રહ્યા હતા,અને ચોક્કસ દિશામાં વર્કઆઉટ આધારે માહિતી મેળવવાનું ચાલુમા હતું તે દરમ્યાન હ્યુમનસોર્સીસ દ્વારા બાતમી મળેલ કે આ ગુન્હામાં સંડોવાયેલ નેપાળી મહિલા જેવી મહિલાઓ આદીપુર શહેરની અલગ અલગ સોસાયટીઓમાં ફરી ઘરકામ માટે મકાન શોધી રહી છે જે બાતમી આધારે આદિપુર પોલીસની અલગ-અલગ ટીમો બનાવી આરોપી નેપાળી મહીલાઓ બીજા કોઈ ગુનાને અંજામ આપે તે પહેલાં ઘરફોડ ચોરીમાં ગયેલ મુદામાલ સાથે પકડી પાડી આરોપીની સઘન પુછપરછ હાથ ધરવામાં આવી હતી,જેમાં પકડાયેલ આરોપીઓએ આદીપુર ઉપરાંત મહારાષ્ટ્ર રાજ્યમાં પુણે, થાણે તેમજ કર્ણાટક રાજયના બેગ્લોર ખાતે ઘર કામ માટે રહી મકાન માલીકનો વિશ્વાસ કેળવી ઘરફોડ ચોરીઓ કરેલ હોવાની કબૂલાત આપી હતી.ચોરીઓ કરેલ સોના-તેમજ અલગ વસ્તુ તેમજ રોકડ રકમ નેપાળ ખાતે પરત જઇ વેચાણ કરી મળેલ રોકડ રકમ ખાવા પીવા તથા ફ્લાઇટ ખર્ચ તેમજ હરવા ફરવામાં ખર્ચ કરતા હોવાનું જણાવ્યું હતું.પકડાયેલ આરોપી સલીના ધનબહાદુર શાહી અને રવીના વા/ઓ બિરેંદ્ર ઉર્ફે વિવેક શાહી (રહે. બંન્ને આઠવીસ-નેપાળ) વિરૂદ્ધ આદીપુર ઉપરાંત મહારાષ્ટ્રના પુનામાં ત્રણ તથા થાણે અને બેંગલોર શહેરમાં પણ એક એક ગુના નોંધાયેલા છે.પુછપરછમાં નેપાળના જ ભીમબહાદુર નરબહાદુર શાહી, વિરેંદ્રબહાદુર ઉર્ફે વિવેક સ/ઓ નરબહાદુર શાહી, ભીમબિર ઉર્ફે પ્રિંસ બીરા શાહીના નામ ખુલ્યા છે જેમને પકડવાના બાકી છે.પકડાયેલ સલીના શાહી પાસેથી સોનાની ડાયમંડ રીંગ રૂ.૧,૨૦,૦૦૦ એક મોબાઈલ રૂ.૫,૦૦૦ ભારતીય ચલણના રોકડા રૂ.૪૪,૨૦૦ તથા રવીના શાહી પાસેથી એફ મોમાઈલ રૂ.૫,૦૦૦ તથા ભારતીય રૂ.૧૬,૫૯૦ મળી બંન્ને પાસેથી કુલ્લ ૧,૮૫,૭૯૦ નો મુદામાલ રીકવર કર્યો છે.આ સફળ કામગીરી આદિપુર પોલીસ સ્ટેશનના પો.ઈન્સ.એમ.સી.વાળા, સબ.ઇન્સ આર.એમ.ડુવા સાથે ગાંધીધામ સાઇબર ક્રાઇમ તથા લોકલ ક્રાઇમ બ્રાન્ચની ટેકનીકલ ટીમ તેમજ આદીપુર પો.સ્ટેના સર્વેલન્સ પોલીસ સ્ટાફ દ્વારા કરવામાં આવી હતી.
આરોપીઓની મોડસ ઓપરેન્ડીંગ
આ કેસમાં સામેલ આરોપીઓ ભારતના વિવિધ શહેરોમાં પ્રવાસ કરતા અને પોશ વિસ્તારોમાં સ્થિત સમૃદ્ધ રહેણાંક મિલકતો ઓળખી ત્યારબાદ તેઓ આવા રહેઠાણોમાં ઘરના નોકર અથવા ઘરકામ કરતા અને ધીમે ધીમે ઘરમાલિકો અને તેમના પરિવારના સભ્યોનો વિશ્વાસ મેળવતા તેમનો વિશ્વાસ મેળવ્યા પછી, આરોપીઓ ઘર વિશે માહિતી મેળવતા, અને પરિવારના સભ્યોની હિલચાલ પર નજર રાખતા અને જ્યારે પણ ઘર/પરિવારના સભ્યો વઘુ સમય માટે ઘર અથવા શહેરની બહાર જતા ત્યારે આરોપીઓ તેમના સાથીઓને જાણ કરતા અને પૂર્વ-આયોજિત કાવતરા મુજબ તેઓ રહેઠાણમાં પ્રવેશ કરતા અને કિંમતી વસ્તુઓ અને અન્ય મિલકતની ચોરી કરી પરત ફલાઈટ તેમજ પ્રાઇવેટ વાહન મારફતે પોતાના વતન નેપાળ ખાતે જઇ ચોરી કરેલ મુદામાલ વેચાણ કરી મળેલ નાાંણા મોજશોખ, ફરવા માટે વાપરતા હતા, આમ, આરોપીઓ ઘરમાલિકો દ્વારા મૂકવામાં આવેલા વિશ્વાસનો દુરુપયોગ કરી ચોરીને અંજામ આપતા હતા.
