કચ્છના ગંભીર ગુનાના ફરાર ચાર આરોપીની માહિતી આપનારને ઇનામ !

ગાંધીધામ પોલીસની જાહેર અપીલ કરી નાસતા ફરતા ગંભીર ગુનાના ચાર આરોપીઓ અંગે માહિતી આપનારને ઇનામની જાહેરાત કરી દારૂ સહિતના ગંભીર ગુન્હામાં સામેલ

​ગાંધીધામ
​પૂર્વ કચ્છ ગાંધીધામ પોલીસ વિભાગ દ્વારા શરીરસબંધી ગંભીર ગુનાઓ તેમજ દારૂના મોટા જથ્થાની હેરફેરમાં સંડોવાયેલા અને લાંબા સમયથી ધરપકડ ટાળવા નાસતા ફરતા ૪ જેટલા આરોપીઓને ઝડપી પાડવા માટે જાહેર અપીલ કરવામાં આવી છે.પોલીસ અધિક્ષક પૂર્વ કચ્છ-ગાંધીધામ દ્વારા જાહેરાત કરવામાં આવી છે કે આ નાસતા ફરતા આરોપીઓને પકડવા માટે પોલીસને ચોક્કસ બાતમી અથવા મદદ કરનાર નાગરિકોને યોગ્ય પ્રોત્સાહન રાશિ (પુરસ્કાર) આપી સન્માનિત કરવામાં આવશે.માહિતી આપનાર વ્યક્તિનું નામ અને ફોન નંબર સંપૂર્ણપણે ગુપ્ત રાખવામાં આવશે તેમ પણ પોલીસે એક યાદીમાં જણાવી જે કોઈ પણ વ્યક્તિ પાસે આ આરોપીઓ વિશે કોઈ પણ ચોક્કસ માહિતી હોય,તેઓ તાત્કાલિક પોલીસ અધિક્ષક (પૂર્વ કચ્છ, ગાંધીધામ): મો.૯૯૭૮૪ ૦૫૬૯૦ તથા પોલીસ ઇન્સ્પેક્ટર (લોકલ ક્રાઇમ બ્રાન્ચ-LCB, પૂર્વ કચ્છ,ગાંધીધામ): મો. ૮૨૩૮૭ ૭૦૭૭૦ પર સંપર્ક કરી શકે છે.કુખ્યાત ચારે આરોપીઓ સામે અગાઉ કાર્યવાહી થઇ ચુકી છે. પરંતુ તેઓ અવારનવાર પોલીસને પડકાર ફેંકવા સાથે ગંભીર ગુન્હામાં હજુ ફરાર છે. ત્યારે તેને પકડવા માટે હવે પોલીસે સામાન્ય લોકોનો પણ સહકાર

નાસતા ફરતા આરોપીઓની વિગત

​હિતેન્દ્રસિંહ ઉર્ફે હિતુભા કરણસિંહ ઝાલા રેહવાસી: શક્તિ શનાળા, તા. જી. મોરબી જેના વિરૂધ્ધ ગાંધીધામમાં આર્મ્સ એક્ટ સહિતના ગુન્હાઓ નોંધાયેલા છે. આ ઉપરાંત કુખ્યાત બુટલેગર અને તાજેતરમાંજ કચ્છના યુવાનની રાજસ્થાનમાં હત્યા કરવાના ગુન્હામાં જેની સંડોવણી ખુલ્લી હતી. તેવા ​પુના ભાણા ભરવાડ પણ આ યાદીમાં સામેલ છે. આ ઉપરાંત ​શિવરાજસિંહ મદાનસિંહ શેખાવત રેહવાસી: બાગેશ્રી પામગ્રીન્સ, તા. અંજાર જેના વિરૂધ્ધ પણ દારૂના અનેક ગુન્હા નોંધાયેલા છે. અને ​અનીલ ઉર્ફે પાંડીયા જગદીશપ્રસાદ જાટ ​રેહવાસી: ખાંજીકા બાસ, રૂપનગર, ફતેપુર, જી. સીકર (રાજસ્થાન) જેના વિરૂધ્ધ દારૂ,ઠગાઇ સહિતના અનેક ગુન્હા નોંધાયેલા છે.