ભુજ અને ગાંધીધામમાંથી ૩૨ જુગારીઓ પકડાયા, ૯.૬૦ લાખથી વધુનો મુદ્દામાલ જપ્ત,પશ્ચિમ કચ્છ LCBએ જીઆઈડીસી લસણની ફેક્ટરી પાછળ દરોડો પાડી રૂ. ૭.૫૬ લાખનો મુદ્દામાલ કબજે કર્યો.ભુજ ‘બી’ ડિવિઝને રામનગરી અને રિંગ રોડ પરથી ૧૨ ઇસમોને ઝડપ્યા તો ગાંધીધામ ‘બી’ ડિવિઝને સેક્ટર-૦૮ ના મનાલી ટાવરની ઓફિસમાંથી તીન પત્તીનો જુગાર રમતા ૧૧ જુગારીઓને દબોચ્યા.
ભુજ
સરહદી રેન્જ આઈજી ચિરાગ કોરડીયા,પશ્ચિમ કચ્છ ભુજ એસપી વિકાસ સુંડા તથા પૂર્વ કચ્છ ગાંધીધામ એસપી સાગર બાગમાર દ્વારા જિલ્લામાં પ્રોહિબિશન અને ગેરકાયદેસર જુગારની પ્રવૃત્તિઓ પર કડક અંકુશ લાવવા આપેલા આદેશના પગલે કચ્છ પોલીસે લાલ આંખ કરી છે. ભુજ અને ગાંધીધામમાં લોકલ ક્રાઇમ બ્રાન્ચ (LCB) તથા સ્થાનિક પોલીસે જુદા જુદા ૩ સ્થળે દરોડા પાડીને કુલ ૩૨ જુગારીઓને જુગાર રમતા રંગેહાથ ઝડપ્યા છે.આ ત્રણે દરોડોમાં કુલ રોકડ રકમ ૪,૨૫,૨૦૦/- સહિત કુલ જપ્ત મુદ્દામાલ ૯,૬૦,૨૦૦/-જપ્ત કરવામાં આવ્યો હતો. કચ્છમાં શ્રાવણની શરૂઆત સાથેજ વિવિધ વિસ્તારોમાંથી જુગારીઓ પકડાઇ રહ્યા છે.અને વિવિધ પોલીસ મથકો દ્વારા દરોડા પાડી શ્રાવણી જુગારના અડ્ડાઓ પર કાર્યવાહી થઇ રહી છે.
૧. LCB ભુજ: GIDC લસણની ફેક્ટરી પાછળથી ૯ જુગારીઓ ઝડપાયા
પશ્ચિમ કચ્છ LCBના PI એ.એમ.મકવાણા, PSI જે.બી. જાદવ તથા એમ.એચ. શીણોલની ટીમે બાતમીના આધારે ભુજ તાલુકાના જી.આઈ.ડી.સી. વિસ્તારમાં હનુમાનજીના મંદિર પાછળ આવેલી લસણની ફેક્ટરીના ખુલ્લા વરંડામાં રેડ પાડી હતી.જેમાં રોકડા રૂ. ૩,૩૧,૬૦૦/-, ૦૭ નંગ મોબાઈલ (રૂ. ૩૫,૦૦૦/-), ૦૫ નંગ વાહનો (રૂ. ૩,૯૦,૦૦૦/-) મળી કુલ રૂ. ૭,૫૬,૬૦૦/- નો મુદ્દામાલ જપ્ત કરી વિમલ શશીકાંત જોષી (રહે. માધાપર),અનિલ ભરત ઝાલા (રહે. મુંદરા રિલોકેશન/સ્વામીનગર),નરેન્દ્રસિંહ દલપતસિંહ જાડેજા (રહે.માધાપર/રવા),રાજેન્દ્રસિંહ માનસંગજી સોંઢા(રહે. ગણેશનગર ભુજ),મામદહુશેન અબ્દુલ્લા કુંભાર (રહે. અસમનનગર ભુજ)નરેન્દ્ર જસા મહેશ્વરી (રહે. સુરલભીટ રોડ ભુજ,ભીખાલાલ વીરજી મહેશ્વરી (રહે. અંજલીનગર ભુજ) હર્ષ મહેશ જેઠી (રહે.સરપટનાકા ભુજ),કિશોર માવજી દબાસીયા(રહે.માધાપર)
૨.ભુજ શહેર ‘બી’ ડિવિઝને ૧૨ જુગારીઓ પકડાયા
ભુજ શહેર ‘બી’ ડિવિઝન PI એસ.એમ.રાણા અને PSI એમ.એચ.પટેલની આગેવાની હેઠળની ટીમે પેટ્રોલીંગ દરમિયાન જુગાર રમતા ૧૨ ઈસમોને ઝડપી પાડ્યા હતા.રોકડા રૂ. ૨૧,૩૦૦/-,૦૪ મોબાઈલ(રૂ. ૩૫,૦૦૦/-), ૦૧ મોટરસાયકલ (રૂ. ૪૦,૦૦૦/-) મળી કુલ રૂ. ૯૬,૩૦૦/- નો મુદ્દામાલ કબજે કરાયો છે. જેમાં મામદહુસેન ફકીરમામદ સૈયદ, વિનુ વીરજી સથવારા,રીયાજ અબ્દુલ જુણેજા, સચિન માલજી બારોટ, અકરમ અબ્દુલ સમા, કિશોર રમેશ દેવીપૂજક,સંજય વિનુ સથવારા,કમલેશ જયંતી સથવારા,અરુણ અમુ સથવારા, દિનેશ કરશન પરમાર, વિશાલ દિલીપ સથવારા,રાહુલ અનીલ સથવારા અને ભરત કમા દેવીપૂજક,સહિતના આરોપીઓ ઝડપાયા હતા.
૩.મનાલી ટાવરની ઓફિસમાં ચાલતું હતુ જુગારધામ
ગાંધીધામ ‘બી’ ડિવિઝન PI એસ.વી.ગોજીયા અને PSI એલ.એન.વાઢીયા તથા સર્વેલન્સ સ્ટાફે નાઇટ પેટ્રોલીંગ દરમિયાન બાતમીના આધારે સેક્ટર-૦૮ માં આવેલ મનાલી ટાવર બિલ્ડીંગની ઓફિસ નં.૧૧૧ માં દરોડો પાડ્યો હતો.જ્યાંથી તીન પત્તીનો જુગાર રમતા ૧૧ જણા ઝડપાયા હતા.રોકડા રૂ. ૭૨,૩૦૦/-,૧૦ મોબાઈલ (રૂ. ૩૫,૦૦૦/-) મળી કુલ રૂ. ૧,૦૭,૩૦૦/-નો મુદ્દામાલ કબજે કરી જુગાર ધારા કલમ ૪,૫ મુજબ ગુનો નોંધવામાં આવ્યો છે.જે દરમ્યાન પ્રહલાદ વના પ્રજાપતિ, રમેશ ભાવસંગ ઠાકોર, પ્રકાશ રામજી ચારણ, લાલજી ભલા ભરવાડ, રાહુલ અશોક પવૈયા, નિતિન ખીમજી પરમાર,અનિલગીરી ગુડુગીરી ગોસ્વામી,મહિપતસિંહ વિરૂભા વાઘેલા, હાર્દિક વિજય ગઢવી, અનિરૂદ્ધસિંહ પ્રતાપસિંહ જાડેજા તથા જયદિપસિંહ વિજયસિંહ ઝાલા સહિતના ઝડપાયા હતા.
