મનોરંજન’ લખેલી નકલી ચલણી નોટોના બંડલ સહિત અગાઉ પણ ઠગાઇના ગુન્હામાં સામેલ આરોપીઓને લાખોના મુદ્દામાલ સાથે પોલીસે ઝડપ્યા પોલીસની કડક કાર્યવાહી છંતા આવી ઠગાઇ કરતી કચ્છની જાણીતી અલગ-અલગ ગેંગ સક્રિય
ભુજ:
પશ્ચિમ કચ્છ એલ.સી.બી.(લોકલ ક્રાઈમ બ્રાન્ચ) પોલીસ ટીમે સોશિયલ મીડિયા પર લોભામણી જાહેરાતો આપી, એક લાખના પાંચ લાખ અને બજાર ભાવ કરતા સસ્તું સોનું આપવાની લાલચ આપીને ઠગાઈ આચરવાના રૈકેટનો પર્દાફાશ કર્યો છે.પોલીસે આ ગુનામાં સંડોવાયેલા બે આરોપીઓને ઝડપી પાડી કાયદેસરની કાર્યવાહી હાથ ધરી છે. ઝડપાયેલા આરોપીઓમાં અજરૂદીન કાસમશા શેખ (ઉ.વ. ૨૬, રહે. શેખ ફળીયું, સરપટ નાકા બહાર, ભુજ)અલીશા કાસમશા શેખ (ઉ.વ. ૨૨, રહે. શેખ ફળીયું, સરપટ નાકા બહાર, ભુજ) નો સમાવેશ થાય છે. પોલીસે તપાસ દરમ્યાન સાચી ભારતીય ચલણી નોટો બંડલની ઉપર-નીચે મૂકેલી): રૂા. ૪,૫૦૦/- (કુલ ૨૨ નોટો),ભારતીય મનોરંજન’ લખેલી નકલી ચલણી નોટોના બંડલ: નંગ ૫૩૪,સોના જેવા દેખાતા ધાતુના બિસ્કિટ: નંગ ૧૪,નોટ ગણવાનું મશીન: નંગ ૦૧ તથા વાહન સહિત કુલ રૂા. ૫,૩૧,૫૦૦/નો મુદ્દામાલ કબ્જો કર્યો હતો.એલસીબીની ટીમ બાતમીના આધારે વોચમાં હતી. દરમ્યાન આરોપીઓ ફેસબુક,ઇન્સ્ટાગ્રામ અને વોટ્સએપ જેવા સોશિયલ મીડિયા પ્લેટફોર્મ પર અલગ-અલગ આઈ.ડી.બનાવીને ભારતીય ચલણી નોટોના અને સોનાના બિસ્કિટના ખોટા વીડિયો વાયરલ કરતા હતા.તેઓ બંડલોમાં પહેલી નોટ અસલી રાખીને નીચે નકલી નોટો મૂકતા અને “૧ લાખના બદલામાં ૫ લાખ આપશું”તથા સસ્તું સોનું આપવાની લાલચ આપીને ભોળા લોકોને પોતાના જાળમાં ફસાવતા હતા.પોલીસે બાતમી મળતાની સાથે જ વાહેદના સ્કુલ ગ્રાઉન્ડ પાસેથી બંને આરોપીઓને તેમની ફોર વ્હીલર ગાડી અને ઠગાઈના મુદ્દામાલ સાથે રંગે હાથ ઝડપી લીધા હતા.આ સફળ કામગીરીમાં એલ.સી.બી. પી.આઈ. એ.એમ. મકવાણા,પી.એસ.આઈ. જે.બી. જાદવ,પી.એસ.આઈ. એમ.એચ.શીણોલ તથા અશ્વિન સોલંકી,પ્રવિન્દ્રસિંહ ચૌધરી,રણજીતસિંહ જાડેજા,જયદેવસિંહ જાડેજા,રાજેન્દ્રસિંહ રાઠોડ સહિતના જોડાયા હતા.પકડાયેલા આરોપીઓ અજરૂદીન અને અલીશા વિરુદ્ધ અગાઉ પણ ભુજ બી-ડિવિઝન પોલીસ સ્ટેશન,માનકુવા પોલીસ સ્ટેશન અને કોડાય પોલીસ સ્ટેશનમાં વિવિધ કલમો હેઠળ છેતરપિંડી અને ગુનાઓ નોંધાયેલા છે.
બે દિવસ પહેલાજ ઠગાઈ કરનાર ગેંગ ઝડપાઈ હતી
હાલમાં તાજેતરમાંજ ભુજમાં સસ્તા સોનાના બહાને લોકો સાથે લાખો રૂપિયાની ઠગાઈ આચરતી એક કુખ્યાત ગેંગને લોકલ ક્રાઈમ બ્રાન્ચે ગણતરીના કલાકોમાં જ દબોચી લીધી હતી.પોલીસે આરોપીઓ પાસેથી કુલ ૩૨ લાખ રૂપિયાની રોકડ રકમ પણ કબ્જે કરી હતી. ભુજ શહેર એ-ડિવિઝન પોલીસ સ્ટેશનમાં સસ્તા સોનાની લાલચ આપી છેતરપિંડી કર્યા અંગેનો ગુનો નોંધાયો હતો.જેની તપાસ દરમ્યાન લોકલ ક્રાઈમ બ્રાન્ચે ઓપરેશન હાથ ધરી ચાર આરોપી મહમદહનીફ ઉર્ફે મીઠીયો નુરમામદ સોઢા(રહે.રહીમનગર, ભુજ),અલીમામદ નુરમામદ સોઢા (રહે. રહીમનગર, ભુજ),અમીન મહમદહનીફ ઉર્ફે મીઠીયો સોઢા (રહે. રહીમનગર, ભુજ) ,અબ્દુલ્લા ઉર્ફે અબ્દલ મીસરી ઉર્ફે જાની સુમરા (રહે. દહીસરા, તા. ભુજ)ને લાખો રૂપીયાના મુદ્દામાલ સાથે ઝડપી પાડ્યા હતા.
કચ્છમાં સસ્તા સોનાના નામે ઠગાઇ કરતી ગેંગ ન માત્ર કચ્છ પરંતુ અન્ય રાજ્યોમાં પણ પોતાના જાળ પાથરી ઠગાઇના કારસા રચે છે. પોલીસ કાર્યવાહી કરે છે. પરંતુ તેમ છંતા આવી પ્રવૃતિને સંપુર્ણ અટકાવી શકી નથી.છુટતાની સાથે ફરી આવી ગેંગ આવી પ્રવૃતિમાં સ્ક્રિય થઇ જાય છે. ત્યારે ગેંગ સામે કડક કાર્યવાહી કરવામાં આવે તે જરૂરી છે.તો જ આવી પ્રવૃતિ અટકે…
