નજીવી બાબતે બે ભાઇઓ પર થયેલા હુમલામાં ઇજાગ્રસ્ત બનેલા યુવકનુ મોત થતા હુમલાનો બનાવ હત્યામાં પલ્ટાયો આરોપી ઝડપાઇ ગયા બાદ આજે સારવાર દરમ્યાન ઇજાગ્રસ્તનુ મોત થયુ હત્યાની કલમનો ઉમેરો કરી પોલીસ વધુ તપાસ હાથ ધરશે
ભુજના નવી રાવલવાડી વિસ્તારમાં આવેલા હરસિધિનગરમાં નજીવી બાબતે પડોશીઓ વચ્ચે સર્જાયેલી બબાલે ભારે ચકચાર સર્જી હતી. જો કે ચકચારી એવો બનાવ હવે હત્યામાં પલ્ટાયો છે. ગંભીર રીતે આ ધટનામાં ઇજાગ્રસ્ત બનલે હિંમતજીનુ સારવાર દરમ્યાન મોત થયુ છે.સમગ્ર બનાવની વિગતે વાત કરીએ તો આ મામલે ઉશ્કેરાઈને બાજુમાં રહેતાં આરોપીએ બે સગાં ભાઈ પર હુમલો કરી એક જણને છરીથી ગંભીર ઈજા પહોંચાડી હતી.નજીવી બાબતના મુદ્દાને લઈને બે પડોશી પરિવાર વચ્ચે ઝઘડો થયો હતો.જેમાં શિવમ ભાવેશ સોલંકી નામના શખ્સે ભાવુભા વિશનજી રાઠોડ (ઉ.વ.૫૨) અને હિંમતજી રાઠોડ (૩૭) પર છરી વડે હુમલો કર્યો હતો. હિંમતજીને શરીરે છરીના એકથી વધુ ગંભીર ઘા વાગતા તેને નાજૂક હાલતમાં હોસ્પિટલ ખસેડાયા હતા દરમ્યાન બનાવની ગંભીરતાને જોતા ભુજ શહેરના ‘એ’ ડિવિઝન પોલીસ સ્ટેશન વિસ્તારમાં બનેલી હત્યાની કોશિશની ઘટનામાં પશ્ચિમ કચ્છ લોકલ ક્રાઇમ બ્રાન્ચની ટીમે ઝડપી કાર્યવાહી કરીને ગણતરીના કલાકોમાં મુખ્ય આરોપી શિવમ ભાવેશ સોલંકી (ઉંમર:૨૨ વર્ષ) હરસિધ્ધીનગર,રઘુવંશી ચોકડી ને ઝડપી પાડ્યો હતો.આરોપી વિરુદ્ધ ભુજ શહેર’એ’ ડિવિઝન પોલીસ સ્ટેશનમાં ભારતીય ન્યાય સંહિતા (BNS) ૨૦૨૩ ની કલમ ૧૦૯(૧), ૨૯૬(બી), ૩૫૧(૩) અને જી.પી. એક્ટ કલમ ૧૩૫ મુજબ ગુનો (ગુ.ર.નં. ૦૯૧૩/૨૦૨૬) નોંધાયો હતો. જો કે હવે સમગ્ર મામલે ઇજાગ્રસ્ત બનેલા હિંમતજીએ સારવાર દરમ્યાન દમ તોડતા હુમલાનો ગંભીર બનાવ હત્યામાં પલ્ટાયો છે. સમગ્ર ઘટના અંગે ભુજ શહેર એ ડિવિઝન પોલીસે તપાસ હાથ ધરી છે.બનાવ સંદર્ભે તપાસ અધિકારી એચ.આર.મોરીએ વિગતો આપી હતી અને હાલ આરોપી જેલમાં હોવાનુ જણાવી તપાસ કામે જો જરૂર પડશે તો ફરી આરોપીનો કબ્જો લેવામાં આવશે તેમ ઉમેર્યુ હતુ.
