વિશેષ ઝુંબેશમાં વિવિધ ગુનાઓમાં સંડોવાયેલા ઇસમોના કુલ ૧૮૮ ગેરકાયદેસર વીજ જોડાણો કાપી ૧૦ દિવસમાં કાપ્યા,૮૮.૮૦ લાખથી વધુનો દંડ ફટકારાયો, ગુન્હેગારોમાં ફફડાટ
ગાંધીધામ:
પૂર્વ-કચ્છ ગાંધીધામ જિલ્લામાં કાયદો અને વ્યવસ્થાની પરિસ્થિતિ જાળવી રાખવા તેમજ અસામાજિક પ્રવૃત્તિઓ પર અંકુશ મેળવવાના ભાગરૂપે પોલીસ વિભાગ દ્વારા એક વિશેષ ડ્રાઇવનું આયોજન કરવામાં આવી રહ્યુ છે.સરહદી રેન્જ ભુજના પોલીસ મહાનિરીક્ષક ચિરાગ કોરડીયા તથા પૂર્વ-કચ્છ ગાંધીધામના પોલીસ અધિક્ષક સાગર બાગમારના સીધા માર્ગદર્શન હેઠળ,PGVCL (પશ્ચિમ ગુજરાત વિજ કંપની લિમિટેડ)ની ટીમોને સાથે રાખીને ગેરકાયદેસર વીજ ચોરી કરતા અસામાજિક તત્વો સામે કડક કાર્યવાહી કરવામાં આવી છે.છેલ્લા ૧૦ દિવસ દરમિયાન ચલાવવામાં આવેલી આ વિશેષ ઝુંબેશમાં વિવિધ ગુનાઓમાં સંડોવાયેલા ઇસમોના કુલ ૧૮૮ ગેરકાયદેસર વીજ જોડાણો કાપી નાખવામાં આવ્યા હતા.આ ઉપરાંત,PGVCL દ્વારા વીજ ચોરી બદલ આ તમામ ઇસમોને ૮૮,૮૦,૨૬૬/-(અઠ્યાસી લાખ એંસી હજાર બસો છાસઠ) નો કુલ દંડ ફટકારવામાં આવ્યો હતો.પૂર્વ-કચ્છ પોલીસ દ્વારા આવી કાર્યવાહી સાથે સ્પષ્ટ ચેતવણી આપવામાં આવી છે કે જિલ્લામાં શરીર સંબંધી,મિલકત સંબંધી કે પ્રોહીબિશન-જુગાર જેવી અસામાજિક કે ગેરકાયદેસર પ્રવૃત્તિઓ આચરનારાઓ સામે આગામી દિવસોમાં પણ આવી જ રીતે કડક કાયદાકીય ઝુંબેશ ચાલુ રહેશે. આ પહેલા ગેરકાયેદસર પ્રવૃતિમાં સંડોવાયેલા ઇસમોના ગેરકાયદેસર દબાણો પર પુર્વ કચ્છમાં આવીજ અસરકારક કામગીરી હાથ ધરાઇ હતી. જેની નોંધ રાજ્ય સ્તરે લેવાઇ હતી. તેવામાં હવે અસામાજીક તત્વોનાના ગેરકાયદેસર વિજ કનેક્શન કાપવાની કાર્યવાહી શરૂ કરાઇ છે. જેનાથી અસામાજીક તત્વોમાં ફફડાટ ફેલાયો છે. દબાણ હટાવ,મિલ્કત જપ્તી,કડક કાયદાકીય કાર્યવાહી સાથે વિશેષ કોમ્બીંગ સહિતની કાર્યવાહી સતત પુર્વ કચ્છના વિસ્તારોમાં કરાઇ રહી છે.
પોલીસ સ્ટેશન વાઇઝ કામગીરીની વિગત
ગાંધીધામ બી ડીવીઝન: ૫૭ વીજ કનેક્શન રદ, દંડ: રૂ. ૧૭,૦૦,૦૦૦,ગાંધીધામ એ ડીવીઝન: ૧૫ વીજ કનેક્શન રદ, દંડ: રૂ. ૧૬,૦૦,૦૦૦/-દૂધઈ: ૧૯ વીજ કનેક્શન રદ દંડ: રૂ. ૧૪,૪૨,૬૪૭,કંડલા મરીન: ૧૨ વીજ કનેક્શન રદ,દંડ: રૂ. ૧૩,૦૦,૦૦૦,અંજાર: ૨૬ વીજ કનેક્શન રદ દંડ: રૂ. ૭,૯૯,૬૪૭,સામખીયારી: ૨૧ વીજ કનેક્શન રદ, દંડ: રૂ. ૬,૪૫,૦૫૪,આદીપુર: ૦૭ વીજ કનેક્શન રદ,દંડ: રૂ. ૪,૫૩,૩૧૯,લાકડીયા: ૧૧ વીજ કનેક્શન રદ દંડ: રૂ. ૪,૦૦,૦૦૦,ભચાઉ: ૨૦ વીજ કનેક્શન રદ, દંડ: રૂ. ૩,૫૦,૦૦૦ ફટકારાયો છે. જે કાર્યવાહી આગામી દિવસોમાં પણ ચાલુ રહેશે.
રાજ્ય પોલીસવડા સુચના મુજબ પુર્વ કચ્છ પોલીસ સતત અસરકારક કામગીરી કરી ગુન્હેગારોના ગેરકાયદેસર સામ્રાજ્ય પર તવાઇ બોલાવી રહી છે. તે પછી ગેરકાયેદસર દબાણો હોય મિલ્કત જપ્તી હોય કે હવે તાજેતરમાં કરાતી ગેરકાયદે વીજ કનેક્શન કાપવાની કામગીરી…
