ગાંધીધામમાં મહિલાના રેપ બાદ કરપીણ હત્યાનો આરોપી ઝડપાયો !

ગાંધીધામના મચ્છુનગર રેલ્વે ફાટક પાસે આવેલ બાવળની ઝાડીમાંથી મહિલાની લાશ મળી આવ્યા બાદ તેની સાથે દુષ્કર્મ કરી હત્યા થયાનુ સ્પષ્ટ થતા આરોપીની ધરપકડ કરાઇ વિવિધ ટીમે સીસીટીવી તથા અન્ય મહત્વની કડીના આધારે આરોપીને દબોચી લીધો
ગાંધીધામ:
ગાંધીધામના મચ્છુનગર રેલ્વે ફાટક પાસે આવેલ બાવળની ઝાડીમાંથી ૧૯ સપ્ટેમ્બરના રોજ મળી આવેલ ૪૫ વર્ષીય મહિલાની લાશના ચકચારી કેસનો પૂર્વ કચ્છ ગાંધીધામ પોલીસે ગણતરીના કલાકોમાં ભેદ ઉકેલી નાખ્યો છે.માથા પર બાંધેલા રૂમાલ અને સીસીટીવી ફુટેજના આધારે પોલીસે ઓરિસ્સાના ૨૩ વર્ષીય આરોપીની અટકાયત કરી કાયદેસરની કાર્યવાહી હાથ ધરી છે.સમગ્ર ઘટનાની વિગતે વાત કરીએ તો ગઈ તારીખ ૧૯/૦૯/૨૦૨૬ના રોજ મચ્છુનગર રેલ્વે ફાટક નજીક બાવળની ઝાડીમાંથી એક મહિલાની લાશ મળી આવી હતી. પ્રાથમિક તપાસમાં મહિલાનુ ગળું દબાવીને કરાઇ હોવાનુ મેડકલી સ્પષ્ટ થયુ હતુ. અને હત્યા કરાયેલી હાલતમાં લાશ મળી આવતા આ બનાવ અંગે ગાંધીધામ બી ડિવિઝન પોલીસ સ્ટેશનમાં ગુનો નોંધવામાં આવ્યો હતો.ઘટનાની ગંભીરતાને ધ્યાને લઈ પૂર્વ કચ્છ પોલીસ અધિક્ષક સાગર બાગમાર અને સરહદી રેન્જ આઈજી ચિરાગ કોરડીયાની સૂચનાથી ‘બી’ ડિવિઝન પોલીસ, LCB, SOG અને FSLની ટીમો તપાસમાં જોતરાઈ હતી અને પ્રેમસિંગ પુરીબાગ (ઉંમર વર્ષ ૨૩) રહે. શ્રધ્ધાપુર, પો.સ્ટ. સુનાપુર, થાના-બોડન, જી. નુઆપાડા (ઓરિસ્સા)ને ઝડપી પાડ્યો હતો.આ સમગ્ર કામગીરીમાં ગાંધીધામ ‘બી’ ડિવિઝન PI એસ.વી.ગોજીયા, LCB PI જે.એમ.વાળા, SOG PI જે.એચ.બોરીસાગર તેમજ ડોગ સ્કવોડના સ્નિફર ડોગ “જય” અને તેની ટીમે મહત્વની ભૂમિકા ભજવી હતી.આરોપીએ મહિલાની એકલતાનો લાભ લઇ અને કૃત્ય આચર્યુ હતુ. મહિલા કામ પર ન પહોંચતા પરિવારે પોલીસને જાણ કર્યા બાદ તપાસ કરતા સમગ્ર કિસ્સો પ્રકાશમાં આવ્યો હતો. સમગ્ર ગાંધીધામ વિસ્તારમા આ કિસ્સાએ ભારે ચકચાર સર્જી હતી.મેડીકલ તપાસણી અને જરૂરી પોલીસ કાર્યવાહી બાદ આરોપીની ધરપકડ કરી વધુ તપાસ પોલીસે શરૂ કરી છે.

રૂમાલ,ચંપલ અને CCTV એ ખોલ્યા રાઝ…!

તપાસ દરમિયાન ઘટનાસ્થળેથી મળેલા એક રૂમાલ અને ચંપલના આધારે સીસીટીવી કેમેરા ચકાસવામાં આવ્યા હતા.બનાવના એક કલાક પહેલાં એક ઈસમ માથા પર એ જ રૂમાલ વિંટાળીને રોડ પરથી પસાર થતો જોવા મળ્યો હતો.આ મહત્વની કડી મળતાં જ પોલીસે ઈન્દિરાનગર રેલ્વે પાટા પાસેથી શંકાસ્પદ ઈસમને દબોચી લીધો હતો.પોલીસની કડક પૂછપરછમાં આરોપીએ ગુનાની કબૂલાત કરી હતી.બનાવના દિવસે મૃતક મહિલા ટીફીન લઈને બાવળવાળા રસ્તેથી પસાર થઈ રહી હતી.ત્યારે આરોપીએ તેને બળજબરીથી પકડી પાડી હતી.મહિલાએ બૂમાબૂમ કરતાં નરાધમે તેનું ગળું દબાવીને હત્યા કરી દીધી હતી અને ત્યારબાદ દુષ્કર્મ આચરી શવને ઝાડીઓમાં ફેંકી ફરાર થઈ ગયો હતો.