અબડાસાના કોઠારામાં વ્યાજખોરોની તપાસમાં પોલીસને મોટી સફળતા મળી ₹૨.૨૫ કરોડથી વધુનો મુદ્દામાલ અને ₹૧.૨૪ કરોડની રોકડ જપ્ત કરી બે આરોપી ઝડપી વધુ તપાસ આરંભી કોરા ચેક, સી-ફૂડના સ્ટેમ્પ, વાહનો અને કરોડોની જમીનના દસ્તાવેજો જપ્ત ભોગ બનનારને આગળ આવવા પોલીસની અપિલ
કચ્છ
પોલીસના જાગૃતિના આયોજનો અને સમયાતંરે કાર્યવાહી છંતા વ્યાજના વિષચક્રમાં હજુ પણ અનેક લોકો ફસાઇ જાય છે. મજબુરી અને જરૂરીયાતનો લાભ લઇ ઉંચા વ્યાજ અને ત્યાર બાદ ધાકધમકીના આવા છુટછવાયા મામલાઓ સતત સામે આવ્યા કરે છે. તે વચ્ચે પશ્ચિમ કચ્છ પોલીસે મોટી કાર્યવાહી કરી વ્યાજખોરીના ચક્રને ભેદવામાં મોટી સફળતા મળી છે. અને કોઠારામાં નોંધાયેલા એક ગુન્હામાં ઉંડાણપુર્વકની તપાસમાં મોટા ખુલાસા થયા છે.સરહદી જિલ્લામાં લોકોને ધાક-ધમકી આપી વ્યાજના વિષચક્રમાં ફસાવી મિલકતો અને દાગીના પડાવી લેતા વ્યાજખોરો વિરૂદ્ધ પશ્ચિમ કચ્છ પોલીસે ઐતિહાસિક ‘સર્ચ એન્ડ સીઝર’ની કાર્યવાહી કરી અને કોઠારા પોલીસે ૧.૨૪ કરોડથી વધુની રોકડ રકમ તેમજ સોના-ચાંદીના ઘરેણાં મળી કુલ રૂ. ૨,૨૫,૭૮,૧૨૦/- નો બિનસત્તાવાર મુદ્દામાલ જપ્ત કરી બે આરોપીઓની અટકાયત કરી છે.માહિતી મુજબ,વ્યાજના ચક્રમાં ફસાયેલા એક પીડિત યુવકે કોઠારા પોલીસ સ્ટેશનમાં પી.આઈ.પી.કે.રાડા સમક્ષ આપવીતી વર્ણવી હતી.પીડિતને આરોપીઓએ ૧૦ ટકા વ્યાજે નાણાં આપી વ્યાજના નામે સહી કરેલા કોરા ચેક,સી-ફૂડના સ્ટેમ્પ,વાહનો અને કરોડોની જમીનના દસ્તાવેજો ધાક-ધમકી આપી પોતાના નામે કરાવી લીધા હતા.પીડિતે વ્યાજ પેટે રૂ. ૩૬,૪૮,૫૦૦/-ચૂકવી દીધા હોવા છતાં વધુ વ્યાજની માંગણી કરવામાં આવી રહી હતી. જે મામલે ફરીયાદ નોંધાયા બાદ કોઠારા પોલીસે તેની ધરપકડ કરી હતી. જો કે તે બાદની કાર્યવાહીમાં મોટો ખુલાસા થયા છે. અને આરોપીઓના ઘર સહિતના સ્થળોની તપાસ દરમ્યાન કરોડો રૂપીયાના દસ્તાવેજ,રોકડ,દાગીના સહિતનો મુદ્દામાલ ઝડપાયો છે. અગાઉ પોલીસે આમદ હાજી મામદ મંધરા (રહે. કોઠારા, તા. અબડાસા),ઓસમાણ હાજી મામદ મંધરા (રહે. કોઠારા, તા. અબડાસા)ને ઝડપી પાડ્યા હતા. જેની તપાસમાં અનેક મોટા ખુલાસા થયા છે. આરોપીના રીમાન્ડ દરમ્યાન આ કામગીરી સાથે પોલીસે વધુ રીમાન્ડ મેળવી આ વ્યાજના વિષચક્રમાં અન્ય કેટલા ફસાયેલા છે. તે જાણવા તપાસ આંરભી છે.
ઓસમાણ મંધરાના ઘરે દરોડો અને..
કરોડથી વધુ રોકડ અને ઘરેણાં મળ્યા
