ભુજ એરફોર્સ કર્મચારીનો લાખોનો દારૂ ઉતારનાર શખ્સ ઝડપાયો !

સ્થાનિક ઇસમ સામે ૫ લાખના વિદેશી દારૂનો ગુનો નોંધાયો ઓધવવંદના સોસાયટી પાસે પાર્ક ગાડીમાંથી ૭૯ બોટલ દારૂ જપ્ત કરાઈ,એરફોર્સ કર્મચારીએ દારૂ સપ્લાય કર્યો હોવાનો ખુલાસો લાંબા સમયથી થતી આવી પ્રવુતિ એરફોર્સની રડારમાં હતી..

ભુજ

શહેરના એરપોર્ટ રોડ પર આવેલી ઓધવવંદના સોસાયટી વિસ્તારમાં ભુજ શહેર ‘એ’ ડિવિઝન પોલીસે બાતમીના આધારે દરોડો પાડીને ગેરકાયદેસર વિદેશી દારૂનો મોટો જથ્થો ઝડપી પાડ્યો હતો.આ દરોડામાં પોલીસે ૧.૯૧ લાખથી વધુની કિંમતનો વિદેશી દારૂ,કાર તથા મોબાઈલ મળી કુલ રૂ. ૫,૦૧,૧૬૪નો મુદ્દામાલ જપ્ત કર્યો હતો બનાવ અંગે ભુજ એરફોર્સ સ્ટેશનના કર્મચારી અને સ્થાનિક રહીશ સામે પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરાઈ હતી. વિગતો વાત કરીએ તો ૨૯ સપ્ટેમ્બર ૨૦૨૬ના રોજ ભુજ શહેર ‘એ’ ડિવિઝન પોલીસની ટીમ નાઇટ રાઉન્ડમાં હતી,તે દરમિયાન ભુજ શહેર ‘બી’ ડિવિઝન પોલીસ સ્ટેશનના પી.એસ.આઈ. એમ.એચ.પટેલ તરફથી બાતમી મળી હતી કે, ભુજ એરફોર્સ સ્ટેશનના કર્મચારી ભાનુપ્રકાશે નાગોર ફાટક પાસે વિદેશી દારૂ ઉતારેલ છે અને ઓધવવંદના સોસાયટીમાં રહેતો સુધીર ચુડાસમા પોતાની હ્યુન્ડાઈ આઈ-૨૦ કારમાં આ દારૂનો જથ્થો ભરીને લઈ ગયો છે. બાતમીના આધારે પોલીસે ત્વરિત ઓધવવંદના સોસાયટી ખાતે રેડ કરી સુધીર ધનશ્યામ ચુડાસમા (રહે. મકાન નં. ૧૯૪, ઓધવવંદના સોસાયટી, એરપોર્ટ રોડ, ભુજ)ની કડક પૂછપરછ કરી હતી.પૂછપરછ દરમિયાન તેણે સ્વીકાર્યું હતું કે, સોસાયટીમાં તેના બાંધકામ હેઠળના મકાન નં. ૬૪/એ પાસે પાર્ક કરેલી સફેદ કલરની હ્યુન્ડાઈ આઈ-૨૦ કાર (રજિ. નં. GJ-12-BR-206)માં દારૂનો જથ્થો રાખેલો છે.પોલીસે પંચોની હાજરીમાં કારની તલાશી લેતા તેમાંથી વિવિધ બ્રાન્ડની વિદેશી દારૂની કાચ તથા પ્લાસ્ટિકની કુલ ૭૯ સીલબંધ બોટલો (કિંમત રૂ. ૧,૯૧,૧૬૪) મળી આવી હતી.આ ઉપરાંત હેરાફેરીમાં વપરાયેલી કાર (કિંમત રૂ. ૩,૦૦,૦૦૦) અને એક વીવો કંપનીનો મોબાઈલ ફોન (કિંમત રૂ. ૧૦,૦૦૦) મળી કુલ રૂ. ૫,૦૧,૧૬૪નો મુદ્દામાલ કબજે કરવામાં આવ્યો હતો. આરોપી સુધીર ચુડાસમાની પ્રાથમિક પૂછપરછમાં આ દારૂનો જથ્થો એરફોર્સ સ્ટેશન ભુજ ખાતે ફરજ બજાવતા કર્મચારી ભાનુપ્રકાશે પૂરો પાડ્યો હોવાની કબૂલાત કરી હતી.આથી પોલીસે બંને આરોપીઓ (૧) સુધીર ધનશ્યામ ચુડાસમા અને (૨) ભાનુપ્રકાશ (એરફોર્સ કર્મચારી) વિરુદ્ધ પ્રોહિબિશન એક્ટની કલમ ૬૫(એ)(ઈ),૮૧ અને ૯૮(૨) મુજબ ગુનો દાખલ કરી આગળની તપાસ ભુજ ‘એ’ ડિવિઝન પોલીસ ઇન્સ્પેક્ટર એમ. આર.નકુમે સંભાળી છે. જો કે નવાઈ વચ્ચે એફઆઇઆર માં જેનું નામ છે તેવા એરફોર્સ કર્મચારીનું નામ ભુજ એ ડિવિઝન પોલીસ સ્ટેશન દ્વારા જાહેર કરાયેલ સત્તાવાર પ્રેસનોટમાં નથી. જો કે પોલીસે દારૂના કરેલા સફળ દરોડાની ગેરકાયદેસર પ્રવૃતિ એરફોર્સની રડારમાં હતી.સત્તાવાર રીતે સામે આવેલા આ કિસ્સાએ ભારે ચકચાર સર્જી છે.દારૂ સાથે ઝડપાયેલ શખ્સ પણ એરફોર્સ MES માં કર્મચારી હોવાનું સામે આવ્યું છે. જેની ઊંડાણ પૂર્વકની તપાસ શરૂ કરાઈ છે…

મોટો સવાલ આટલો માલ આવ્યો ક્યાંથી ?

આ કિસ્સામાં ગંભીર બાબત એ છે કે એરફોર્સના કર્મચારી પાસે આટલો માલ આવ્યો ક્યાંથી પ્રાથમિક ફરિયાદમાં MES ના કર્મચારીએ એરફર્સના કર્મચારી પાસેથી માલ મેળવ્યો હતો જેમાં મોંઘી અને જાણીતી બ્રાન્ડની બોટલો છે. પરંતુ એરફોર્સના કર્મચારી શું અંદરથી દારૂ બારે લાવી વહેંચી નાખતો હતો. તેવું પ્રાથમિક ચિત્ર ઉપસી રહ્યું છે જે એરફોર્સ સુરક્ષા સામે ગંભીર સવાલો ઉભા કરે છે…જો કે પોલીસે સમગ્ર મામલે પકડાયેલા આરોપીના રિમાન્ડ મેળવ્યા છે જે દરમ્યાન ઊંડી તપાસ કરશે જેમાં અનેક ચોંકાવનારા ખુલાસા થઈ શકે છે.જો કે એરાષ્ટ્રીય સુરક્ષાની મહત્વની શાખાના કર્મચારી સાથે જોડાયેલા આ કિસ્સામાં પોલીસ કાયદામાં દાયરામાં આવતા કર્મચારી હવે શું કાર્યવાહી કરે છે તેના પર સૌની નજર રહેશે તો એરફોર્સ દ્વારા પણ આવા કર્મચારીઓ પર નજર રખાય તે જરૂરી છે…..

જો કે માલ એરફોર્સ અંદરથી લવાયો હતો કે શું અને કેવી રીતે બારે નિકળ્યો તે સહિતની વિગતો મેળવવા સાથે કેટલા સમય થી આવી પ્રવૃતિ થતી હતી તે સહિતની વિગતો મેળવવા પોલીસે રિમાન્ડ મેળવી તપાસ શરૂ કરી છે પરંતુ અપેક્ષા છે કે પોલીસ સામાન્ય કિસ્સાની જેમ પ્રેસનોટમાં એરફોર્સ કર્મચારીની ભૂમિકા ન દર્શાવી તેમ આગળની તપાસમાં વિગતો જાહેર કરે