ગુજરાત ATS, કોસ્ટગાર્ડ અને કેન્દ્રીય એજન્સીઓએ મોટું ઓપરેશન કરી બોટ ઝડપી નાઈજીરીયન શખ્સે મધ્યસ્થી મારફતે ડ્રગ્સની લેવડ-દેવડ અંગે બેઠક કર્યાની બાતમી બાદ મધ દરિયે ઓપરેશન પાર પડાયુ
અમદાવાદ
ભારતીય દરિયાઈ સીમામાં માદક પદાર્થોની તસ્કરી સામે ગુજરાત એ.ટી.એસ. (ATS), ભારતીય કોસ્ટગાર્ડ અને કેન્દ્રીય ઈન્ટેલિજન્સ એજન્સીઓને મોટી સફળતા મળી હતી.આંતરરાષ્ટ્રીય જળસીમા નજીકથી ‘આઝાદ’ નામની ઈરાની બોટમાંથી અંદાજે ₹૩,૦૦૦ કરોડથી વધુની કિંમત ધરાવતો ૫૨૬ કિલોગ્રામા ડ્રગ્સનો જથ્થો ઝડપી પાડવામાં આવ્યો હતો.આ સાથે જ બોટમાં સવાર ૫ પાકિસ્તાની નાગરિકોની પણ ધરપકડ કરવામાં આવી છે.ગુજરાત એ.ટી.એસ.ના પોલીસ ઈન્સ્પેક્ટર જે.એમ.પટેલને ગત ૧૦ સપ્ટેમ્બરે ચોક્કસ બાતમી મળી હતી કે,અમદાવાદ ખાતે એક નાઈજીરીયન શખ્સે મધ્યસ્થી મારફતે ડ્રગ્સની લેવડ-દેવડ અંગે બેઠક કરી હતી.આ ષડયંત્ર હેઠળ ‘આઝાદ’ નામની ઈરાની બોટ મારફતે ઈરાન-પાકિસ્તાન સરહદેથી ૫૦૦ કિલો જેટલો મેથામ્ફેટામાઈન અને હેરોઈનનો જથ્થો ભારતીય જળસીમામાં મંગાવવામાં આવ્યો હતો.હવાલા મારફતે એડવાન્સ રકમ ચુકવાઈ ચૂકી હતી.આ જથ્થો મુંબઈ-કોચીન-લક્ષદ્વીપ નજીક તામિલનાડુની બોટમાં ટ્રાન્સફર કરી, તામિલનાડુના દરિયાકાંઠે ઉતારીને રસ્તા માર્ગે પંજાબ ખાતે નાઈજીરીયન નેટવર્ક સુધી પહોંચાડવાનું મોટું કાવતરું ઘડવામાં આવ્યું હતું.આ આખું નેટવર્ક ભારતના વોન્ટેડ આરોપીઓ તથા ‘હાજી સલીમ’નામના ડ્રગ સ્મગ્લર દ્વારા ઓપરેટ કરવામાં આવી રહ્યું હતું.બાતમી મળતાં જ ગુજરાત એ.ટી.એસ.ના એસ.પી. કે.સિદ્ધાર્થના માર્ગદર્શન હેઠળ એ.ટી.એસ.ના અધિકારીઓની એક વિશેષ ટીમ કેરળના કોચી રવાના થઈ હતી.કોસ્ટગાર્ડ હેડક્વાર્ટર દિલ્હી સાથે સંકલન સાધીને સંયુક્ત સર્ચ ઓપરેશન હાથ ધરવામાં આવ્યું હતું. દરિયામાં સતત વોચ રાખ્યા બાદ ૨૫ સપ્ટેમ્બરના રોજ લક્ષદ્વીપની પશ્ચિમે ભારતીય જળસીમામાંથી શંકાસ્પદ ઈરાની બોટ ‘આઝાદ’ને આંતરી લેવામાં આવી હતી.બોટનું સર્ચ હાથ ધરીને તેને મુંબઈ લાવવામાં આવી હતી.૪૦૦ કિલોગ્રામા મેથામ્ફેટામાઈન, ૧૨૬ કિલોગ્રામા હેરોઈન સાથેમોહમ્મદ યાકુબ બલુચી (રહે. પેશાવર, પાકિસ્તાન),શકિરુલ્લાહ (રહે. પેશાવર, પાકિસ્તાન,ફરિદુલ્લાહ (રહે. પેશાવર, પાકિસ્તાન),અહમદ ખાન (રહે. પેશાવર, પાકિસ્તાન)વાહિદુલ્લાહ ખાન (રહે. પેશાવર, પાકિસ્તાન) ઝડપાઇ ગયા હતા.પ્રાથમિક પૂછપરછમાં ખુલાસો થયો છે કે આ બોટ ઈરાનના કોનારક બંદરેથી રવાના થઈ હતી અને પાકિસ્તાનના ગ્વાદર બંદરેથી આવેલી અન્ય એક બોટ મારફતે આ ડ્રગ્સનો જથ્થો ઈરાની બોટમાં લોડ કરવામાં આવ્યો હતો.હાલ ગુજરાત એ.ટી.એસ. દ્વારા આગળની કાયદેસરની કાર્યવાહી ચાલી રહી છે.
શુ ડ્રગ સિન્ડિકેટે નવો રસ્તો શોધ્યો…!
આ કિસ્સામાં મહત્વની વાત એ પણ છે. કે આંતરરાષ્ટ્રીય ડ્રગ્સ માફિયાઓએ ભારતમાં માદક પદાર્થો ઘુસાડવા માટે દરિયાઈ રૂટ બદલી નાખ્યો હોય તેવુ લાગી રહ્યુ છે. કેમકે અગાઉ પાકિસ્તાનથી સીધા ગુજરાતના દરિયાકાંઠે ઉતારવામાં આવતો જથ્થો પકડાવાની શક્યતા વધી જતાં અને વાંરવાર માલ પકડાતા સિન્ડિકેટે હવે ‘ઈરાન-ગ્વાદર-લક્ષદ્વીપ-તમિલનાડુ-પંજાબ’નો નવો કોરિડોરથી માલ ધુસાડતા હોવાની સંભાવના પ્રબળ બની છે. જો કે આ મામલે સધન તપાસ ચાલુ છે. તાજેતરના આ કિસ્સામાં ઈરાનના કોનારક પોર્ટ અને પાકિસ્તાનના ગ્વાદરથી બોટ રવાના થયેલી બોટે લાંબો દરિયાઈ ફેરો લગાવી દક્ષિણ ભારત તરફ રૂટ ડાયવર્ટ કર્યો હતો.જોકે, એટીએસ અને કોસ્ટગાર્ડે મધ દરિયે જોઈન્ટ ઓપરેશન પાર પાડીને આ નવા રૂટને પણ ખુલ્લો પાડ્યો છે.
ગુજરાતના દરિયાઇ માર્ગે આવા અનેક પ્રયત્નો ગુજરાતની મહત્વની એજન્સીઓએ નિષ્ફળ બનાવ્યા છે પરંતુ ડ્રગ્સ નેટવર્કને તોડવા માટે અંદર સુધી ધુસી ગયેલી એજન્સીઓ ડ્રગ્સ માફીયાઓના દરેક પ્રયાસને નિષ્ફળ બનાવી રહ્યુ છે.
2
