ભુજ રેલવે મથકે હત્યા કરનારે પાલારા જેલમાં પણ હુમલાને અંજામ આપ્યો !

ભુજ રેલવે સ્ટેશન પર નજીવી બાબતે પરપ્રાન્તીય યુવકની હત્યા કરનાર આરોપી એ પાલારા જેલમાં પણ કેદી પર પથ્થર વડે હુમલો કરતા ચરચાર સાથે દોડધામ મચી છે.બી-ડીવીઝન પોલીસે વધુ તપાસ આરંભી ઇજાગ્રસ્ત કેદી સારવાર હેઠળ

ભુજ રેલવે સ્ટેશન પર નજીવી બાબતે હત્યાને અંજામ આપનાર આરોપીએ પાલારા જેલની સર્કલ-એકની અગિયાર નંબરની બેરેકમાં હુમલો કરી અબ્બાસ ઇસ્માઇલ સમાને ઇજા પહોચાડી છે. આ ઘટનામાં ઈજાગ્રસ્ત થયેલા કેદીને માથાના ભાગે અને શરીર પર ગંભીર ઈજાઓ પહોંચતાં તાત્કાલિક ધોરણે સારવાર માટે જી.કે.જનરલ હોસ્પિટલ,ભુજ ખાતે દાખલ કરવામાં આવ્યા હતો. ભોગ બનનારના જણાવ્યા મુજબ,તે બેરકમાં સુતા હતા. ત્યારે આરોપી દીપાન્શુ ચેતન વિશ્વકર્મા એ બાથરૂમમાં જઇને પથ્થર કાઢી ઇજાગ્રસ્તના માથામાં માર્યો હતો. જેનાથી તેને માથામાં ગંભીર ઈજાઓ થઈ હતી.હાલ હોસ્પિટલમાં તેમની સારવાર ચાલી રહી છે અને આ મામલે આગળની યોગ્ય કાયદેસરની કાર્યવાહી શરૂ કરાઇ છે. ઇજાગ્રસ્તને જેલ હવલદારે હોસ્પિટલમાં સારવાર માટે ખસેડ્યો હતો. અગાઉ આજ આરોપીએ રેલવે મથકના એક નંબરના પ્લેટફોર્મ પર કઈ જગ્યાએ જવાનું છે,તેવી પૂછપરછ જેવી સામાન્ય બાબતે માથાકૂટ કરી બિહારના મુકેશ ચંદ્રિકા સહનીને લોખંડનો પાઈપ ફટકારી હત્યા નીપજાવી હતી આ બનાવ અંગે રેલવે પોલીસે ફરિયાદ નોંધી આરોપી દીપાન્શુની વિધિવત ધરપકડ કરી હતી.જે બાદ તેને જેલ હવાલે કર્યો હતો. જો કે જેલમાં પણ શનિવારે એક પાકા કામના કેદી પર હુમલો કર્યો હતો. બનાવ અંગે તપાસ કરનાર અધિકારી એસ.એસ.પેટલનો સંપર્ક કરતા તેઓએ બનાવને સમર્થન આપી જાણવાજોગ ફરીયાદના આધારે તપાસ શરૂ કરી હોવાનુ જણાવ્યુ હતુ.સાથે આરોપી દીપાન્શુ ચેતન વિશ્વકર્મા તથા ભોગ બનનારના નિવેદન બાદ વધુ વિગતો સ્પષ્ટ થશે તેમ ઉમેર્યુ હતુ. જો કે પ્રાથમીક તપાસમાં ડિસ્ટ્રર્બ થતુ હોવાનુ કહી ઉશ્કેરાઇ આ હુમલો દિપાન્શુ દ્વારા કરાયો હોવાનુ પ્રાથમીક જણાવ્યુ હતુ.

આરોપી સામે અગાઉ પણ ગુન્હા નોંધાયેલા

ભુજ રેલવે સ્ટેશન પર થોડા દિવસ પહેલાજ એક હત્યાને અંજામ આપનાર આરોપી દિપાન્શુ નજીવી બાબતે ઉશ્કેરાઇ જવાની ટેવ ધરાવતો હોય તેવુ પ્રાથમીક રીતે સપાટી પર આવ્યુ છે. માત્ર સુરતની ટ્રેન વિષેની પુછપરછમાં થયેલી બોલાચાલીમાં આરોપીએ એક યુવકને માથામાં મારી દેતા તેનુ મોત નિપજ્યુ હતુ. ત્યારે આ કિસ્સામાં તપાસ કરનાર રેલવે અધિકારી પી.આર.સોલકીનો સંપર્ક કરાતા તેઓએ જણાવ્યુ હતુ. કે આરોપી ગુન્હાહિત માનશીકતા ધરાવે છે. અગાઉ પણ તેની સામે મારામારીના ગંભીર પ્રકારના ગુન્હા નોંધાઇ ચુક્યા છે.જેમાં ત્રણ ગુન્હા સામેલ છે. અને નજીવી વાતે ઉશ્કેરાઇ હુમલો કરવાની માનશીકતા ધરાવે છે.રેલવે પોલીસ પર આ મામલે હજુ તપાસ કરી રહી છે.પરંતુ તે વચ્ચે આરોપીએ વધુ એક ધટનાને અંજામ આપ્યો છે. અને જેલમાં કેદી પર હિંસક હુમલો કરી ઇજા પહોચાડી છે.ત્યારે પોલીસ માટે તપાસ સાથે તેની હિંસક પ્રવૃતિને કાબુમાં લેવાનો પણ પડકાર રહેશે…

માત્ર થોડા દિવસોમાંજ એક હત્યા અને જેલ જેવા હાઇ સુરક્ષા વિસ્તારમાં એક કેદી પર હુમલાની ધટનાથી પોલીસ વિભાગમાં દોડધામ મચી ગઇ છે.તેવામાં તપાસ સાથે આરોપીના ગુન્હાહિત ઇતિહાસની સંપુર્ણ વિગતો અને તેની ઉંડાણપુર્વકની તપાસ પોલીસે શરૂ કરી છે.